2 Samuel 3:27 - Biblia Mixe de Quetzaltepec

²⁷ Ko ja Abner jam jatëkok jyä'äjty Hebrón, atu'uk ojts wyoownëjkxyë ja Joab ma pyak'itëtyën ets nyätyijyë myëëtmëtyaka'anyë, tamtsën ënäty jëtu'un tyänëtë ko ojts y'ëkëty yajtsëtyuty myoxkëjxy ka'ap tyukja'awëyë ets y'o'ky, tuunwinpity ja Joab mëët ko ënäty ja y'uty të y'ooky mëti'ipë ja Abner yaj'o'kën.

Biblia Dc en Mixe de Quetzaltepec

²⁷ Ko ja Abner jam jatëkok jyä'äjty Hebrón, atu'uk ojts wyoownëjkxyë ja Joab ma pyak'itëtyën ets nyätyijyë myëëtmëtyaka'anyë, tamtsën ënety jëtu'un tyänëtë ko ojts y'ëkëty yajtsëtyuty myoxkëjxy ka'ap tyukja'awëyë ets y'o'ky, tuunwinpity ja Joab mëët ko ënety ja y'uty të y'ooky mëti'ipë ja Abner yaj'o'kën.

2 Samuel 3:27 ပူးပေါင်းရင်းမြစ်များ

1 Reyes 2:5

E mijts wa'ats xynyijawë wi'ixës ja Joab yë Sarvia myaank ja wyinma'any të xytyuk'ixyën, ko tyaj'o'ky nimäjtsk ja tsiptuunpë wintsën ma ënäty ka'ap tiitsip yajmëët'atyën: Yë Abner yë Ner yë myaank ets Amasá, yë Jéter myaank ets jëtu'un yaja'ay y'o'ky ets ëjts ja poky ntsëëmë'ky.

1 Reyes 2:32

Yë Wintsën yë'ë kë'ëm tukëpätanëp mëët ja tyuuntëko'oyën, mëët ko nimäjtsk yë ja'ay tyaj'o'ky mëti'ipë ënäty ka'ap poky tmëët'atën ets y'ooktëty ets mëti'ipë ënäty oy yë nteetyës të tmëtuntën. Ka'ap tuknija'awëtyë nteetyës, yë'ë jëtu'un ja Abner yë Ner yë myaank, mëti'ipë ënäty nyiwintsën'ajtypyën ja tsiptuunpëtëjk ma ja Israel ja'ayëtyën ets ja Amasá, myaank yë Jéter, mëti'ipë nyiwintsën'ajtën ja tsiptuunpëtëjk mëti'ipë Judá ja'ayëtyën.

Jeremias 41:2

ko yë Ismael wyä'ätsë'ky ajotkumonë mëët nimajk ja jyä'äy ets tyaj'o'ktë ja Guedalías mëti'ipë jam Judá yajkutujkpën; Babilonyë yajkutujkpë ënäty jam të pyëjktä'äkyë ets jam y'ënä'ämëty.

Deuteronomio 27:24

Poky yë ja'ay wyë'ëmëty mëti'ipë yë jyiiky myëku'uk yaj'o'kpy yajtëkoopyën ets oy mëët të nyäjyawëty. Ënät ja ja'ay y'ëtsowtëty: Oy, jëtu'un'atëp.

Números 35:20

Pën yë myëku'uk nyajtstijëp mëët ko t'ëxëëk'ixy ëkë tyukjëpijpy oy nyatiijëty mëët jä'ä ko ënäty tyaj'ëyo'onpaata'any,

2 Samuel 3:26

Tim je'eyë ja Joab jam tsyo'ony ma ja David ets ka'ap tuknija'awëy, ko tkäjxë'ky ja tyuunpë ets tyajwinpitëty ja Abner, jam tnajtspatëtyë ma ja it txëëwatyën Sira ma tu'uk ja nëëwokën, jamts tyajwinpijtë.

2 Samuel 3:28

Kom ok ja David tnija'awëy ets y'ënäny: Ëjts ets nkutujktaknës, ka'apës tii poky tmëëtëty mëët ko të y'ooky yë Abner, yë Ner yë myaank.

2 Samuel 4:1

Ko yë Is-boset, mëti'ipë myaank'ajtypyën yë Saúl tnija'awëy ko tëë yë Abner y'ooky jam Hebrón, mëk ojts jyotmaytyëkë ets ja tsë'ëkë tyuktëjkëyë, näjyëtu'un ja Israel ja'ayëty.

2 Samuel 13:26

Ënät ja Absalón y'ënäny: Pën mijts ka'ap mnëjkxa'any, ënëëmë yë n'ajtyës Amnón ets yë'ë jam yajpaatëty. ¿Wi'ix ko xytsyoky ets Amnón jam yajpaatëty? Jëtu'un ja yajkutujkpë yajtëëwë.

2 Samuel 19:13

Ojts näjyëtu'un tni'ënä'ämë ko t'ënëëmëtëty ja Amasá: Mijts njëëky'äjtyp nmëku'uk'ajtyp yë'ë, paaty yam n'ënëëmë ko mijts jëtu'un ënät ja Joab mkutëjkënëp, ma xywyintänëtyën ja tsiptuunpëtëjk. E pën ëjts ka'apës npatuny ja n'aaw n'ayuk yë Wintsën yë'ëjës nëjkx xytyiytyuny.

Números 35:19

Ko ja ja'ay ja myëku'uk mëti'ipë ënäty të y'ookyën, yë'ë patëp tyaj'o'kwinpitëty ja myëtsip, ëkë ja mëti'ipë ënäty ja myëku'uk të yaj'o'kxëtyën ko muum tpaatëty.

1 Crónicas 27:21

e ma ja nikujkwä'kxyën ja Manasés ja jyä'äy jyaak yajpaatyën, jampë ënäty y'itën Galaad, yë'ë jam nyikopk'aj yë myëku'uk yë Idó, Zacarías myaank; ma ja Benjamín jyä'äyën, yë'ë jam nyikopk'aj yë myëku'uk yë Jaasiel, myaank yë Abner;

Proverbios 26:26

Yë ëxëëk ja'ay oy jënu'un tjayu'uty ja y'ëxëëkjot y'ëxëëk winma'any, kwanë ko ja'ay nijawëtëty.