2 Samuel 23:22 - Biblia Mixe de Quetzaltepec

²² Ya'atë, mëti'ipë yë Benaías tyuunën, yë Joiadá myaank, yë'ë ojts mëj'äämpy yajnaxyë, paaty ojts näjyëtu'un yajmëtyoy ma ja ni i'px majkpë ja jotmëkja'aytyëjkën;

Biblia Dc en Mixe de Quetzaltepec

²² Ya'atë, mëti'ipë yë Benaías tyuunën, yë Joiadá myaank, yë'ë ojts mëj'äämpy yajnaxyë, paaty ojts näjyëtu'un yajmëtyoy ma ja ni i'px majkpë ja jotmëkja'aytyëjkën;

2 Samuel 23:22 ပူးပေါင်းရင်းမြစ်များ

2 Samuel 8:18

E ja Benaías, yë myaank yë Joiadá, yë'ë ijty jam winë y'ijxpy tyuunpy ma ja Queret ja'ayëtyën ets ja peleteëja'ayëtyën mëti'ipë ja David këwent'ajtëpën. Yë David yë y'ëna'k aak teety y'ijtë.

2 Samuel 23:20

Benaías, yë myaank yë Joiadá, jampë kyukajpnëtyën Cabseel, nän jotkmëk ja'ay ojts y'ity; ojts kanaak'ok tyajwinkëxë'ëky ja jyotmëk'ajtën. Yë'ë ojts tyaj'ooky nimäjtsk ja myaank ja Ariel, jampë kyukajpn'atën Moab. Tëkok, ojts tyaj'ooky tu'uk yë kaa jap jutjoty, mëk ënäty yajxon wyintuky.

2 Samuel 23:21

Ojts näjyëtu'un tu'uk yë Egiptë ja'ay tyaj'ooky; tääpë Egiptë ja'ay yajxon ënäty kyëjxmëty ets amaj kë'ëmaj, tam tu'uk ja kyu'umën nmëëtëty, Benaías kepy ojts mëët tnipëtë'ëky ja Egiptë ja'ay jëtu'unyë tukë'ënäjptuty ets kyë'ëmku'umën tyukyaj'o'k.

2 Samuel 23:23

jaakkëjxm ojts yajpëjktä'äky, këtiinëm jyëtu'un'atë ja myëku'uktëjkëty, je'eyëp tëy ko ka'ap ja nitëkëëkpë tmëpaty. Paatykyëjxm ojts yë David yë'ë pyëjktä'äkyë ets tniwintsën'atëty ja tsiptuunpëtëjkëty mëti'ipë ja David kyëwent'ajtëpën.

2 Samuel 20:7

Ënät ja Queret ets peleteos ja'ayëty, mëti'ipë yë Joab tyu'uwinye'epyën ma tsyiptuntën tsyo'ontë jam ma ja yajkutujkpën mëët nitëkokyë yë tsyiptuunpëtëjkëty, yë'ë tu'uwinwoowëtëp yë Abisai ets nëjkx ja Sebá mëët tsyiptuna'antë.