2 Samuel 22:48 - Biblia Mixe de Quetzaltepec

⁴⁸ Yë Wintsën yë'ëjës të xynyitsiptuny etsës ja naax kajpn të xytyukwinkuwowë.

Biblia Dc en Mixe de Quetzaltepec

⁴⁸ Yë Wintsën yë'ëjës të xynyitsiptuny etsës ja naax kajpn të xytyukwinkuwowë.

2 Samuel 22:48 ပူးပေါင်းရင်းမြစ်များ

Salmos 144:2

Yë'ë tu'uk oy myëku'uk, ma yë'ëjën jamës kuwa'anën npaaty, maas nkäktso'okyën, mëti'ipës mëët näkyuwa'anyën; yë'ëjës xynyikëëpy xynyixajp. Yë'ë tëkokyë të tpëjktä'äky yë naax kajpn maas yë ntekpya'tkën.

Salmos 94:1

Näyajnikëxë'ëkët mijts Wintsën, Tios mëti'ipë tukëpäjtpën ja poky.

1 Corintios 15:25

Jëtu'un ja Kristë nëjkx yë'ë y'ënä'ämnë koonëm ja myëtsip tmëmëtakta'ajëty.

Salmos 110:1

Jëtu'un yë Wintsën t'ënëmaay yë nWintsënës: Yaatsow u'unyë maas yë n'a'oykyë'ëjën, yaa jëtu'un m'u'unyëty koonëm yë mmëtsiptëjk xymyëmëtakta'ajëty.

2 Samuel 18:31

Ënät näjyëtu'un jyä'äjty ja Etiopíë ja'ay ets y'ënäny: Ëjts oy aaw oy ayukës nmëmiinpy nyajmiinpy ma mijtsën Wintsën, mëtoow'it: tyam tëë yë Tios tuny yë mëyajtën ma mijtsën, ko të tjëpëky të tjëtuny ja mmëtsip mëti'ipë ënäty ka'ap m'ixa'anyën.

2 Samuel 18:19

Ënät yë Ahimaas, yë myaank yë Sadoc, t'ënëmaay yë Joab: Tyam yë mëyajtën npëjktsoy ets xy'ëwa'atsëty yë ntu'ujës, wä'änës nëjkx yë yajkutujkpë n'ëktuk'ëwaanë ko tëë ja myëtsip y'ooky, ma ja Wintsën të yaj'ëwaatsëpëtsëmyën.

1 Samuel 25:39

Ko ja David tnija'awëy ko tëë ja Nabal y'o'knë ënät y'ënäny: Kënu'kxy yë Tios yë xyëëw nyäxy, mëët ko yë'ë kë'ëm të xynyitsiptunyës mëët Ijxtëmës yë Nabal ojts xytyunyën. Ka'ap t'ëwatsy etsës kë'ëm nyänyitsiptunëtëty. Paaty ja Nabal kë'ëm ja pyoky të tkupëky. Tä ja David ojts tnikäjpxykyäxë ja Abigail ko yë'ë tpëka'any.

1 Samuel 25:30

Paaty ko ënäty jyänty y'atëy tä ja Wintsën të t'akäjpxyën ko mijts winë xytyuna'any ma Israel kajpnën ets ënäty të mnajxnë ënä'ämpë ma ja Israel kajpnën.

1 Samuel 24:12

Yë Wintsën yë'ë kyëwentëpëkëp pën pokymyëët ma ëëtsajtëmën nimäjtsk ets tnitsiptunëty yë yajkutujkpë, e ëjts nijëna'ajës yë yajkutujkpë maa nkamëtëkoyëty.

2 Samuel 4:8

ets tkë'ë moja'antë ja David, ma ënäty jam yajpaatyën Hebrón. Ko jam jyajtë tääts t'ënëmaaytyë: Yajkutujkpë, tyaa ëëts nmintë, yë'ëjës nmëmiintëp yë Is-boset yë kyëpajk, yë Saúl yë myaank, ja mëti'ipë ijty mëtsip'ajtëpën ets xëmë m'ixjëtity mpajëtityë. E jä'ä ko wa'ats yajnijawë ko yë Wintsën yë'ë winë tyuuntääpy, ix ojts y'ooky ja Saúl, e tyam näjyëtu'un ja y'u'unk y'ëna'k.

Deuteronomio 32:35

Jääjës yë ntuknipëjktaakë nyajpëtsëma'any, koos ënäty ntuunwinpity, mëët wi'ixës ja y'ëxëëkjot y'ëxëëk winma'any të xytyuk'ixtën, ets ko ënäty o'ktëy jyajnëtë kyëpäjnëtë. E timwinkoonp ma ënät kyutëkooytya'atëtyën, tyimpatyp ja xëëw po'o.