2 Samuel 22:3 - Biblia Mixe de Quetzaltepec

³ yë nTiosës, ja jëtu'unpë tä mëjtsaajën mëti'ipës xypyëjk'ijtp xymyajts'ijtpën, mëti'ipës xy'akëëytyujkpën; ja mëk'ajtën mëti'ipës xyajtsokpën ets ja ntsoktaknës, mëti'ipës xyaj'ëwaatsëpëtsëëmpën. Tëës xyajtso'oky ma ja tsip mëk tyunyën.

Biblia Dc en Mixe de Quetzaltepec

³ yë nTiosës, ja jëtu'unpë tä mëjtsaajën mëti'ipës xypyëjk'ijtp xymyajts'ijtpën, mëti'ipës xy'akëëytyujkpën; ja mëk'ajtën mëti'ipës xyajtsokpën ets ja ntsoktaknës, mëti'ipës xyaj'ëwaatsëpëtsëëmpën. Tëës xyajtso'oky ma ja tsip mëk tyunyën.

2 Samuel 22:3 ပူးပေါင်းရင်းမြစ်များ

Génesis 15:1

Ënät yë Tios ojts tmëkäjpxy yë Abram kuma'ayjoty ets t'ënëmaay: Këtii mtsë'ëkë Abram, jä'ä ko ëjts mijts nkuwäämpy. Yë mkuma'ayën mëj y'ita'any.

2 Samuel 22:31

Yë Tios yë nyë'ë tyu'u mëtëy yë'ë, ja mëti'ipë të twinwanën jyëkyejpy ja n'a'ijx njëjkp'ijxmëty; Tios kyuwäämpy nyixäjpy yë mëti'ipë tu'ukyë tuk'ijxpäjtëpën.

2 Samuel 22:47

Juuky'ajtp yë nWintsënës. Kënu'kxy xëmë xyëëw y'itëty mëti'ipës xypyëjk'ijtp xymyajts'ijtpën. Wä'än mëj'äämpy tyajjawë yë Wintsën mëti'ipës të xyajnitso'okyën. Mëti'ipës xy'akëëytyujkp xy'axajtujkpën këtiipës nka'ajëty ëxëëktum

2 Samuel 22:49

Yë'ëjës xyaj'ëwaatsëpëtsëëmp maas yë nmëtsiptëjkën, ma ja'ayëtyën mëti'ipë käjpxy kyumëtoownajxtëpën. Mijts Wintsën xyajtsokpës yë'ë, ma ja ja'ayëty ëxëëk winë tuntën tkajpxtën.

2 Samuel 22:51

Yajmëta'ak xëmë jam tsipjotm myajkutujkpë mëti'ipë kë'ëm mwin'ijxën; ets mëët'at xëmë mkë'ëjotm yë David yë y'u'unk y'ok mëët ja mtsojkën mja'awën.

2 Samuel 23:3

Yë Wintsën, mëti'ipë yë Israel ja'ayëty y'ëwtajtëpën; mëti'ipë kyuwäämpy nyixäjpyën ja Israel kajpn, jëtu'unës të xy'ënëëmë: Mëti'ipë tyu'uwinye'epyën ja ja'ayëty mëët ja tëyajtën, mëti'ipë winë tyuunpyën mëët ja Wintsën ja wyinkutsë'kën,

Salmos 14:6

Nyëxik tyukxiktëp mëti'ipë yë ëyoopëja'ay jyatsojkpyën, e yë Wintsën yë'ë nikëëy nixajëp.

Salmos 140:1

Wintsën, jëwoow jëwijtskës ma ëxëëkja'aytyëjkën, mijts xykyuwa'anëpës ma ja'ayëtyën ja ëxëëkpë y'ëtë'ëtstën y'ëna'antën,

Salmos 140:11

Wä'än t'atëkoytyë yaa naaxwiiny ja ja'ayëty mëti'ipë je'eyë ëxëëk kajpxtëpën. Wä'än yë ëyo'on jotmay tpajëtitëtë ets yajkutëkoyëtë.

Salmos 140:4

Wintsën, mijtsës xykyuwa'anëp ma ëxëëkja'aytyëjk ja mëk'ajtën kutujkën tmëët'atën. Kuwaankës ma ja'ayëtyën ëxëëkpë winë tuntën tkajpxtën, mëti'ipë yi'iyë myääytyëp tyajtëpën wi'ixës xy'ëkyajkuka'anaxtëty.

Salmos 142:4

Koos nja'ijxwinpity ni pën maa nka'ixyës mëti'ipës jeexyë xypyutëjkëpën. Ni pën maa kyakëxë'ëky mëti'ipës jeexyë xynyiwaantutpën. Ka'ap maa kyëxë'ëky pën mëti'ipës xymyëmääpy xymyëtajpën.

Salmos 144:2

Yë'ë tu'uk oy myëku'uk, ma yë'ëjën jamës kuwa'anën npaaty, maas nkäktso'okyën, mëti'ipës mëët näkyuwa'anyën; yë'ëjës xynyikëëpy xynyixajp. Yë'ë tëkokyë të tpëjktä'äky yë naax kajpn maas yë ntekpya'tkën.

Salmos 18:2

Mijts xykyuwaanp xynyixajpës, mijts ntsoktakn'ajtyp, mijts xyaj'ëwaatsëpëtsëëmpës, mijts nTios'ajtyp, ja tsaa mëti'ipës xy'akëëytyujkp xy'axajtujkpën, ja n'kuwaanpës, ja mëk'ajtën mëti'ipës xyajtsokpën, ets ja ntsoktaknës ni'ik këjxmëpë.

Salmos 27:5

Ko ënäty jëna'a yë xëëw jëmëjt wyinkony ëxëëkpë, yë Wintsën yë'ëjës xypyitaanp xymyu'uxaanp ma tsyajptëjkën; mëët yë y'a'äpk xykyuwa'ana'anyës. Ëwaatsëtum xypyëjkta'aka'anyës ma tu'uk yë mëjtsaakopkën.

Salmos 28:7

Yë Wintsën yë'ëjës mëk xykyuwaanp, yë'ëjës të ntuk'ijxpety etsës të xypyutëkë. Jotkujkës näjyawëty; Ëwaanpës ko ënäty ja Wintsën nkukajpxës.

Salmos 3:3

E mijts, Wintsën, mijtsës xy'akëëytyujkp xy'axajtujkp; mijtsës xytyukpatp ja mëj'ajt oyajtën ets mijtsës jatëkok xyajjotkujktakp.

Salmos 32:7

Mijts ntsoktakn'ajtyp, jä'ä ko mijtsës xykyëwent'ajtp ma kyutsë'ëkëtyën, etsës xytyukna'ëwtita'any yë xoontakën koos ënäty ëwaatsëtuuy nwë'ëmy.

Salmos 46:1

Tios yë'ë xykyuwa'anëm xyajtsokëm ets yë'ë xymyëkmo'oy xymyëjaawmo'oyëm; mëti'ipë putëjkëpën ko mon tuk nyajpatmëty.

Salmos 46:11

Yë Wintsën mëti'ipë maaytyääyëpën winë yaa tyam yajpaaty mëët ëëts'ajtëmë. Yë'ë ntsoktakn'ajtëm mëti'ipë yë Jacob y'ëwtajtën.

Salmos 46:2

Paaty ka'ap tii yajtsë'ëk yajjawë, oyxyëp jeexyë yë naaxwiinyëtë wi'ix jya'ajtpë, oyxyëp jeexyë yë tun kopk tyimnëëkujijtääpyë këknëëjoty,

Salmos 46:7

Yë Wintsën mëti'ipë maaytyääyëpën winë, yaa tyam yajpaaty mëët ëëts'ajtëmë. Yë'ë ntsoktakn'ajtëm mëti'ipë Jacob y'ëwtajtën.

Salmos 5:12

jä'ä ko mijts Wintsën mkënu'kxyp mëti'ipë oy mmëtuunëpën; yë m'oyjot jëtu'un xytyukna'ëwtity tä akëëytyukën.

Salmos 55:9

Yajkutëkooytya'a yë ja'ay jënu'unës xymyëtsip'atën, Wintsën, mijts yë y'aaw y'ayuk myajjo'opëp, yi'iyë yaj'ijxp xëmë tsip käjpxy ets näy'ëxëëk'ixë,

Salmos 59:16

E ëjts ënät, winjopy mijts nkuuy'ëwa'any; jëtu'unës ntukyaaxëja'any ntukjokëja'any yë mtsojkën mja'awën ets mëk'ajtën. Jä'ä ko mijtsës të xykyuwa'any të xynyixajy, mijts tsoktakn të nwa'any koos mon tuk të nyajpaaty.

Salmos 61:3

jä'ä ko mijts ntsoktakn'ajtyp. Jëtu'un mijts m'ity npë'aayës tä tu'uk yë mëjpotsyën mëkpë tyänën ets jëtu'un ka'ap tjëkyepy yë nmëtsipës xymyëmëta'akëty.

Salmos 71:7

Janty mëj'ixyës yë ja'ay muum xyjyawë, e jam ma mijtsën Wintsën jamës yë tsoktakn npaaty.

Salmos 72:14

Yajpëtsëmäämpy jam ma ënäty ëxëëk yajtun yaj'ënëëmëtën ets ma ënäty ka'ap jyotkujk'atën, jä'ä ko jyuuky'ajtënëty këjää tsyowpaaty.

Salmos 84:11

Jä'ä ko yë Tios mëti'ipë yajwintsën'ajtpën, yë'ë xykyutë'kx xykyujajëm ets xykyuwa'anëm; yë Wintsën tsyojkpy jya'ap ets yajmëj'ajtyp yë ja'ay mëti'ipë juuky'ajtëpën wa'ats, ka'ap nitii tukwintuk'ooky.

Salmos 84:9

Mijts Tios, ni''ijxkëta'ak mëti'ipës xy'akëëytyujk xy'axajtujktëpën, mëti'ipë mijts kë'ëm mwin'ijxën ets yajkutukëty.

Salmos 86:14

Mijts Tios, ëjts jëtu'unës xyjyänty'ixjëtit xyäntypyajëtitë yë ja'ayëty mëti'ipë ëxëëk yë jyiiky myëku'uk tyuuntëpën, ka'apë mja'amyetsyën, janty nimay nyäpyaatëtë mëti'ipës xy'ëxëëk'ijxtëpën etsës xyaj'ooka'an xyajtëkoya'antë.

Salmos 9:10

Wintsën, yë ja'ay mëti'ipë m'ixy'ajtëpën mijts mtuk'ijxpäjtëp, jä'ä ko mijts nijëna'a xykya'ëxmatsy mëti'ipë m'ixtaayëpën.

Salmos 9:9

Yë Wintsën y'akëëytyujkpy y'axajtujkpy yë ja'ay mëti'ipë ëxëëk yajtuunpën, myajts'ijtyp Kyëwent'ajtyp ko mon tuk yajpaaty.

Éxodo 15:2

Ëjts nwin'ëëpy nwinyäxypyës yë Wintsën, jä'ä ko yë'ëjës xymyëkmoopy xymyëjaawmoopy ets yë'ëjës xyajnitsokp. Yë'ëjës nTios'ajtyp paatyës nwin'ëy nwinya'axy. Yë'ë näjyëtu'un yë nteetyës ojts tTios'aty, paatyës nmëjjaw nkënu'kxyjawë.

Proverbios 18:10

Yë Tios yë xyëëw, jëtu'un yë'ë tä tu'uk yë mëjpotsyën mëti'ipë mëk tënääpyën ma kyäktso'oktën ja'ayëty mëti'ipë juuky'ajtëp mëët yë tëyajtën.

Proverbios 30:5

Tios kyuwäämpy yë ja'ay mëti'ipë tuk'ijxpäjtëpën. Tëkokyë mëti'ipë yë'ë të twinwanën, kopkpëky ko nëjkx n'ëxajëmë.

Isaías 12:2

Yë Tios yë'ëjës xyajtsokp, yë'ëjës ntuk'ijxpejtyp, paatyës ka'ap ntsë'ëkë njawë. Yë Wintsën yë'ëjës ntsoktakn'ajtyp ets yë'ëjës xymyëjaawmoopy, yë'ëjës nwäämpy yaj'ëwaatsëpëtsëëmpë ets yajnitsokpë.

Isaías 32:2

Nitu'ukjaty jëtu'un të yajpëjkta'aktë tä tu'uk tsoktaknën, oy mëkpoj myinëty, oy mëk tuu myinëty; jëtu'un nëjkx nyaxtë tä yë nëë ntuk'yajxo'kmëtyën aay ujts, tä muum të'ëts'itum nyinikën yë mëjtsaa.

Isaías 45:21

Kajpxtë ets aakmëët nyiwa'kpäjn tii xynyimëtya'akëty, pën m'ënantëp näyajtëwëtë nixim niyam. ¿Pën ojts ëka'any ya'atë jëtu'unpë tnikäjpxy? ¿Pën ojts mtuk'ixëtë tëëyëp? ¿Këtii y'ëjtsëtyë, maas nxëëwatyën Wintsënë?. Ka'ap ma wiinkpë Tios jëtu'unpë tä ëjtsën. Ka'ap maa wiinkpë Tios mëti'ipë mëtakpën tsipjoty ets mëti'ipë yajnitsokpën.

Jeremias 16:19

Wintsën mëti'ipës nmëk'ajtyp nmëjaaw'ajtypyën ets mëti'ipës xykyuwaanp xynyixajpën, maas tsoktakn npaatyën koos ëtsë'ëkëtuuy ntänë; mijts nëjkx mniminyë ja naax kajpn mëti'ipë yajpatëpën mapaat yë naaxwiinyëtë jyëjpkëxyën, jëtu'un myaj'ënëëmëja'any: Yi'iyë ëëts të xytyukkumaytyë ja n'ap n'okëty ja tios ka'apë myëtëyëtyën, mëti'ipë ka'ap tyunyën ets mëti'ipë ka'ap tmëët'atyën ja mëk'ajtën.

Jeremias 16:9

jä'ä ko ëjts, Wintsën mëti'ipë maaytyääyëpën winë, mëti'ipë yë Israel ja'ayëty Tios'ajtëpën, ëjts ënaanp: Nyaj'atëkoyäämpyës ja xëëw ets ja xoontakën, ja ëy yä'äxy ma yajwin'ëwtën ja pëjkpë ukpë. Ya'atës nikäjpxyën jää tyuna'any jyata'anyë ma ënäty mjuuky'atën ets nëjkxëp kë'ëm xy'ixtë.

Lucas 1:47

ets xoontakpës ja njot nja'awën mëët ja nTiosës mëti'ipës xyajnitsokpën.

Lucas 1:69

Tëë xytyuknikäjxëm tu'uk ja mëj yajnitsokpë, David yë y'u'unk y'ok, mëti'ipë ijty ja Tios myëtuumpyën.

Lucas 1:71

ko xyaj'ëwa'atspëtsëma'anëm ma ja nmëtsip'ajtëmën mëti'ipë xykya'oy'ijxëmën,

Deuteronomio 32:37

Ënät nëjkx ja Israel ja'ayëty t'ënëëmëtë ja myëtsip: ¿Maaxën ja mtiosëty mëti'ipë ënäty mnikapxtëpën, ko yë'ë m'ijx'it mkëwent'atëtë, ets yë'ë xëmë mtimtyuk'ijxpäjtëp,

Deuteronomio 32:4

Yë Wintsën yë'ë xykyuwa'an xykyënu'kxëm, yë'ë aak'oy winë tuny, ko tii tuny aakyë'ë mëti'ipë mëtëyën. Yë'ë Tios'ajtp ets yë'ë tëy'ajtën'ajtp, yë'ë nijëna'a winë tëkatsy tkatuny, yë'ë tyuunpy mëti'ipë oyën ets mëtëyën.

Deuteronomio 33:29

Janty jotkujk ets xoontä'äky myajpaatëty mijts Israel ja'ay. ¿Pën nëjkx m'ëk mëëpaatyë tä ënäty myajpaatyën? Yë Wintsën yë'ë kë'ëm të myajtso'okyë, ets yë'ë të mkuwa'anyë, yë'ë xëmë të mputëkëty oy jëna'a ja putëjkën të xyajmëyäty. Yë Wintsën yë'ë mëët'ajtyp tä tu'uk yë yenypyujxnën mëti'ipë myajmëtakëpën xëmë. Ko xëëw po'o tpaatëty, yë ja'ayëty mëti'ipë mëtsip'ajtëtëpën nëjkxëp kyoxtänëtë mijts mwintuuy ets nëjkx xyaj'atëkoy ma ënäty amëj akëjxm jyä'äy'atën.

Tito 3:4

E ko ja Tios yajnitsokpë ojts tyaj'ixyë ja y'oyajtën ets ja tsyojkën ma ja naaxwiinyëtë ja'ayën,

Tito 3:6

Ja nWintsën'ajtëmë Jesukristë, mëti'ipë yajnitsokpën, tëë xymyo'oyëmë ja Kënu'kxymyëkajtën mëjwiin këjää,

Hebreos 2:13

Ets näjyëtu'un y'ënä'äny: Tiosës ntuk'ijxpätäämpy, näjyëtu'un y'ënä'äny: Tyamës ja u'unk ëna'k mëët nyajpaaty mëti'ipës ja Tios të xymye'eyën.

1 Samuel 2:1

Jëtu'un ja Aná ojts ja Wintsën tkukajpxë: Wintsën, janty jotkujkës näjyawëty winë aaw winëjot ma mijtsën. Jä'ä ko mijts myaj'ajä'ämëp yë njot nmëjaawës. Jyëkyejpyës ëxëëkjaty ntijëty yë nmëtsiptëjkës, jä'ä ko mijts tëëjës xypyutëkë. Paaty janty jotkujkës tyam näjyawëty.

1 Samuel 2:2

Ni pën jëtu'un kyawa'atsëty tä mijtsën Wintsën. Ni pën jëtu'un kyakëwent'aty, tä mijtsën, Tios mëti'ipës n'ëwtajtëpën, ka'ap ma wiinkpë jëtu'unpë tä mijtsën.