2 Samuel 22:20 - Biblia Mixe de Quetzaltepec

²⁰ tëëjës ëwaatsëtum xyajwë'ëmy etsës të xyajtso'oky mëëtkyëjxm koos xytsyoky xyjyawë.

Biblia Dc en Mixe de Quetzaltepec

²⁰ tëëjës ëwaatsëtum xyajwë'ëmy etsës të xyajtso'oky mëëtkyëjxm koos xytsyoky xyjyawë.

2 Samuel 22:20 ပူးပေါင်းရင်းမြစ်များ

Génesis 26:22

Isaac ojts jam tsyoony ma jampë ja it naaxwiinyëtën ets ojts jëkäm nyijkxy tsënääpyë. Tä jam wiinkpë ja nëëjut tyaj'ëwatstë. E ka'ap ojts t'ëkyajtsiptaknëtë ja tuunpëtëjkëty, paaty ja Isaac txëëwmooy Jotkujkajtën, tä y'ënäny: Tyam tëë ënät ja Wintsën t'a'ixë ets jotkujk njuukyajtmëty ma ya'atë it naaxwiinyëtën.

2 Samuel 15:26

E pën yë'ëts ënaanp ko ka'apës oy nmëtuny, tyaajës yë nyajpaaty; wä'än t'ixy pën tii tyunäämpy.

2 Samuel 22:37

Janty këtii tsyipëty njawës yë nnë'ë ntu'ujës xyaj'o'oyëyë, yë nkë'ë ntekyës ka'apës maa njawë të jyëxëxy.

1 Crónicas 4:10

Jabés myëpëjktsoow yë Tios, mëti'ipë y'ëwtajtëpën yë Israel ja'ayëty, jëtu'un t'ënëmaay: Tyam n'amëtoy npëjktsoy yë mkënu'kxën ets xymyo'ojëtyës mëj këjää naax kam ets xypyutëk xypyupätëtyës ets xyjyëpëkëty ma ëjtsën tëkokyë ëxëëkpë këtiipës n'ëyowëty. Tios ojts jyänty myo'oyë mëti'ipë y'amëtoow pyëjktsoowën.

Salmos 118:5

Maas ënäty mon tuk nyajpaatyën, jääjës ojts yë Wintsën nmëkäjpxy; yë'ë ojts tjantymyëtoy ja ntsajpkäjpxyës etsës ojts xymyo'oy ja ëwaatsë'ajtën.

Salmos 147:11

mëti'ipë tyukjotkëtäkpyën yë'ë ko pën wyintsë'ëkëty ets myëmëtoyë, ets mëti'ipë tyuk'ijxpäjtëpën ja tsyojkën jya'awën.

Salmos 149:4

jä'ä ko Tios tyukxoontäkpy yë nyaax kyajpn; yajmëtäkpy yë ja'ay yu'unk naxymyëpë jyuuky'atën.

Salmos 22:8

ets y'ëna'antë: Ya'atë ja'ay yë'ë ijty yë Wintsën xëmë tyuk'ijxpejtyp, wä'än yë'ë yajtso'okyë. Yë'ë ni'ik tsyojkën'ajtyp, wä'än yë'ë yajjotkujktä'äkyë.

Salmos 31:8

Ka'apës të xykyë'ëyäky maas ja nmëtsiptëjkën; jamës të xyajnaaxwä'äky maas jotkujk ntänëtyën.

Salmos 31:9

Wintsën, pa'ëyoowkës, atsë'ëkëtuuyës nyajpaaty. Moonëpës yë n'ijxën mëët yë pëjkën ets njot nini'kxës tëë y'ënu'kxëtyääynyë, näjyëtu'un yë njot nja'awënës.

Isaías 42:1

Tyaajës ja ntuunpë mëti'ipës mëk n'ijx'ijty nkëwent'ajtypyën, mëti'ipës të nwin'ixyën ets mëti'ipës ntukxoontäkpyën. Tëës nmo'oy yë nmëk'ajtën ets tunëty ja nipaye'eyën tëy tëtä'äky ma ja naax kajpnën.

Oseas 4:16

Yë Israel je'eyë kyäjpxykyutëjy tä tu'uk tsajpkaa inën; ¿ets ënät nkëwent'ajtpëtyësë ma jyi'kxyjyotëtyën tä jeexyë kyupixyny'atënë?

Mateo 17:5

Tam ënäty ja Pedro jëtu'un kyäjpxy ko ja yoots mëti'ipë ajajpën nyiju'uxëtë ets jap yootsjoty yajmëtooy tu'uk ja ayuk mëti'ipë ënaanpën: Ya'atës n'U'unk'ajtyp, mëti'ipës ni'ik ntsojkpyën. Ntukxoontäkpyës yë'ë. Mëtoow'itë, mëti'ipë nyikäjpxypën.

Mateo 27:43

Tëë jyot wyinma'any tpëjktä'äky ma Tiosën, wä'än Tios yë'ë tyam yajnitso'okyë pën tsojkëp, jä'ä ko yë'ë jëtu'un të y'ënä'äny ko Tios y'U'unk'atyë.

Mateo 3:17

Tääts yajmëtooy tu'uk ja ayuk tsajpjotm: Ya'atës n'U'unk'ajtyp, mëti'ipës ni'ik ntsojkpyën, ntukjotkujk'ajtypyës yë'ë.