2 Samuel 22:1 - Biblia Mixe de Quetzaltepec

¹ Ya'atë ojts yë David t'ëy, ko ja Wintsën yajmëtakë, ma y'ixjëtijt pyajëtijtën ja Saúl, näjyëtu'un ja wiinkëtypë ja myëtsiptëjk.

Biblia Dc en Mixe de Quetzaltepec

¹ Ya'atë ojts yë David t'ëy, ko ja Wintsën yajmëtakë, ma y'ixjëtijt pyajëtijtën ja Saúl, näjyëtu'un ja wiinkëtypë ja myëtsiptëjk.

2 Samuel 22:1 ပူးပေါင်းရင်းမြစ်များ

Jueces 5:1

Jä'ä xëëw yë Débora ets Barac yë myaank, yë Abinóam ojts y'ëwtë:

Éxodo 15:1

Ënät yë Moisés mëët nitëkokyë yë Israel ja'ayëty ojts t'ëwtë ya'atë ëy ets ojts yë'ë mëët tmëjjawëtë ets tukxoonta'aktë ja Wintsën: Ëwtë ya'axtë ets mëjjawëtë kënu'kxyjyawëtë yë Wintsën, jä'ä ko yë'ë të myëtä'äky ko të tyajkiinta'ay yë këwaayëty mëët yë nyija'ay mëti'ipë ënäty tuk'ënyääyëpën.

2 Timoteo 4:18

ets xyaj'ëwaatsëpëtsëmaanpnëmës maajaty ja ku'oypyën ets xyajnëjkxa'anyës jam tsajpjotm ma yë'ë yajkutukyën. Yë'ë jyä'ä'ajtyp ja mëj'ajtën jaanty'ajtën xëmëkyëjxm. Tëy jëtu'un.

Salmos 34:19

Yë ja'ay mëti'ipë oy juukyajtpën kanaakpëky yë ëxëëkpë tmënaxy tyajnaxy, e yë Wintsën yë'ë putëjkëyëp ma tëkokyë ëxëëkpën.

Salmos 50:14

Wä'än yë Tios yë'ë tyajtukwintsë'ëkë yë kukajpxën ja'awëkyëtakën; kuuytyun mëti'ipë të xytyukwinwanën ja Ni'ik Këjxmëpë.

2 Samuel 22:49

Yë'ëjës xyaj'ëwaatsëpëtsëëmp maas yë nmëtsiptëjkën, ma ja'ayëtyën mëti'ipë käjpxy kyumëtoownajxtëpën. Mijts Wintsën xyajtsokpës yë'ë, ma ja ja'ayëty ëxëëk winë tuntën tkajpxtën.

1 Samuel 27:1

David kä'äpyëm ënäty jotkujk nyäjyawëty, paaty ojts myäy tyäjy: Yë Saúl tsojkës yë ëwään jëpom xyaj'ookëty. Ni'ik oy'atëp koos nkä'äkëty, jamës nnëjkxëty ma filistejë ja'ayëtyën. Jëtu'un'äämpy ka'apës xëmë nmayëty ntajëty ets ka'apës nëkoo Saúl xy'ixjëtit xypyajëtitëty ma Israel yë naaxjotmën. Ni'ik oyës ntimnyäjyëpëkëtëty.

1 Samuel 26:24

E jëtu'un tääjës tyam të nwinkutsë'ëkën ja jyuukyajtën ja mëj'ënä'ämpë, näjyëtu'unës njatsoky yë Wintsën xyajtso'okëtyës ja njuukyajtën ets xkyëwent'atëtyës ma ja kutsë'ëkëtuuypyën.

1 Samuel 25:29

Pën jää pën m'ixjëtity mpajëtityë ets myaj'ooka'anyë, ka'ap nëjkx wi'ix mtunyë, jä'ä ko yë njuukyajtën yë'ë ënäty kë'ëm Tios tyimkëwen'ajtyp. E yë'ë ënät ja mëtsip jëtu'unyë nëjkx ja Tios tjëpëjkta'ay tä ja'ay yë tsaa t'ixka'atsyën mëët yë tsaawëtu'un.

1 Samuel 24:15

Paaty tyam wä'än yë Tios yë'ë tkëwentëpëky pën pokymyëët ma ëëtsajtëmën nimäjtsk. Wä'än yë'ë kë'ëm xykyuwa'anyës ets wä'än yë'ë kë'ëm tpaye'ey pën tiijës të ntuuntëkoy, mëët koos yë yajkutujkpë xy'ixjëtity xypyajëtity.

1 Samuel 23:14

Jëtu'un'äämpy ojts yë David jam wyi'imy tsënääpyë të'ëts'itjotm ma yajtijyën Zif ja itjotm mëti'ipë napotsyën. Ja Saúl oy ënäty winjëpom jya'ixta'ayë ka'ap nijëna'a pyätë. Jä'ä ko ja David mëk ënäty ja Tios kyëwent'atyë.

2 Corintios 1:10

Ets ja Tios të xyaj'ëwaatsëpëtsëmtës o'kënjëjp'am. Njëjp'ijxtëpës ets xëmë xy'akëëytyuk xy'axajtuktëtyës

Deuteronomio 31:30

Ënät yë Moisés ojts tkajpxtsoony ya'atë ëy, ma tsyo'ontä'äkyën ets ma jyëjpkëxyën, tëë ënäty ja Israel ja'ayëty jam nyiye'eypyätë.

1 Crónicas 16:7

Jä'ä xëëw ojts ja David tuk'ëne'emy ja Asaf mëët ja myëku'uktëjk ets tyajnaxtëty ja kukajpxën ja'awëkyëtakën ma Wintsënën mëët ya'atë aaw ayuk:

2 Samuel 12:7

Ënät ja Natán y'ënëmaayë: Mijts tääpë ja'ay. Jëtu'un ja Tios të y'ënä'äny mëti'ipë wyintsën'ajtypyën yë Israel kajpn: Ëjts mijts të nwin'ixy ets xynyikopk'atëty yë nnaax nkajpnës, mijts ka'ap të n'ëxmatsy ets Saúl myaj'ook myajtëkoyëtëty.