2 Samuel 21:7 - Biblia Mixe de Quetzaltepec

⁷ oy ojts tjapa'ëyoy ja Mefi-bóset, Jonatán ja myaank, Saúl yë y'u'unk, mëët ko tjaja'aymyejtsy wi'ix ënäty mëët ja Jonatán ja käjpxytyu'unën të tunyën.

Biblia Dc en Mixe de Quetzaltepec

⁷ oy ojts tjapa'ëyoy ja Mefi-bóset, Jonatán ja myaank, Saúl yë y'u'unk, mëët ko tjaja'aymyejtsy wi'ix ënety mëët ja Jonatán ja käjpxytyu'unën të tunyën.

2 Samuel 21:7 ပူးပေါင်းရင်းမြစ်များ

2 Samuel 16:4

Oy jëtu'un, jëtu'un y'ëtsooy ja yajkutujkpë, tyam n'ënëëmë ko mijts tyam mjä'ä'ajnëp mëti'ipë ijty yë Mefi-bóset jyä'ä'ajtypyën. Jëtu'unpëk jeexyë xëmë mijts xy'oyjyawës mijts Wintsën, jëtu'un y'ëtsooy ja Sibá ets nyaax'ijxy nyaaxkooy, tyajnikëxë'ëky ja näwyinkutsë'ëkë ma ja yajkutujkpën.

2 Samuel 19:25

E ko jam jyä'äjty Jerusalén ets ja yajkutujkpë tjëjpaatëka'any, tä y'ënëmaay ja yajkutujkpë: Mefi-bóset, ¿wi'ix ko xykyapatso'onyës?

2 Samuel 4:4

E yë Jonatán yë Saúl yë myaank tam ijty tu'uk yë myaank jä'ä xyëëwajtyp Mefi-bóset, tekymya'at ijty mäjtskpa'ajëty. Tyaa ojts jyäty, ko yë Mefi-bóset ënäty yë jyëmëjt mëkoxk, jä'ä xëëw ojts y'ooktë yë Saúl ets Jonatán jam tsipjotm; ko ja to'oxytyëjk tnija'awëy ënätyë ojts ja u'unk tmëke'eky, e pe'tym ënäty tmëke'eky ko tmëkëtaay, jëtu'un'äämpy ojts ja Mefi-bóset myä'äty ja tyeky.

2 Samuel 9:1

Tu'kxëëw tu'ktiempë ojts yë David tyajtëy ja ja'ayëty ets y'ënäny: ¿Këtii jëtäätën maa pën y'ëkjuuky'ajnë mëti'ipë yë Saúl myëku'uk'ajtypyën ets jeexyë nkumayës mëët ko ja Jonatán ijty oy mëët näjyawëtyësë?

2 Samuel 9:10

E mijts yam ntuknipëjkyp ets xyajtunëty tääpë naax kam; ja mëti'ipë ënäty jam myajpëtë'kpyën kamwinm tu'uwinm jap xypyëjkë'ëkëty ma tu'uk yë tëjkën ets jëtu'un tmëët'atëty ja jyi'kxy pyiky ja Saúl ja jyä'äy mëti'ipë jää jaakyajpatëpën; oy yë Mefi-bóset jam y'ita'any maas yë ntëjkën ets jam tu'ukyë mëët nkayä'äny n'uuka'anyës maas yë nkaaypyäjnën. E ja Sibá jä'ä ënäty ja y'ëna'k nimajktu'uk ets i'px yë tyuunpë,

2 Samuel 9:6

e ko ja Mefi-bóset jam jyä'äjty ma ja David yajpaatyën, ënät wyintäky nyaaxkooy yë'ë wyintum tyajkëxë'ëky jëtu'un ja näwyinkutsë'ëkë. Mefi-bóset. Jëtu'un ja David mëët ja xoontakën yujk'ënany. Wi'ix Wintsën, jëtu'un y'ëtsooy ja Mefi-bóset.

2 Samuel 9:7

Tä ja David y'ënäny: Këtii mtsë'ëkëty, ëjts janty'oy nmëku'ukjawë, mëëtkyëjxm ja mteety Jonatán. Ëjts tyamës mijts nmooytya'aja'any ja m'apteety Saúl ja nyaax kyamtëjk ets jam xëmë mkayëty m'uukëty maas yë nkaaypyäjnën.

Eclesiastés 8:2

Mtunëp ja ënä'ämën mëti'ipë ja yajkutujkpë të tni'ënä'ämën, jä'ä ko jëtu'un të xytyuny ja waantakën ma Wintsënën.

1 Samuel 18:3

Yë Jonatán mëët yë David ojts tkäjpxy'atë ko xëmë nyäy'oyjyawëja'anëtë, jä'ä ko yë Jonatán janty'oy ojts tmëku'ukjawë ets t'oyja'awëy yë David, jëtu'un tä kë'ëm nyäjyawëtyën.

1 Samuel 20:12

jam ja Jonatán t'ënëmaay ja David: Mëët yë Wintsën yë xyëëw mëti'ipë Tios'ajtpën ma Israel ja'ayëtyën, tyam yajxon ntuk'ëwaanë koos jëpom ets wëxtëjkm jopy, tëëjës ënäty nijawë tiijës yë nteety tyuknipëjktakëpën. Pën oy tsuj mnikäjpxyë, ënätyë ntuk'ëwaanëty,

1 Samuel 20:15

këtii nijëna'a xyjyä'äytyëkoyëty ja m'oyjot m'oywyinma'any maas ja n'u'unk n'ëna'kën ets n'u'unk nto'oxytyëjkën. Jëtu'un'äämpy nëjkx tjëkyepy wi'ix mëpaat ja Wintsën näjyëtu'un tëytyuny ja mëtsiptëjk ets tim yajkutëkooytya'ajëty. Jëtu'un'äämpy ja Jonatán ojts ja käjpxytyu'unën tuny mëët ja David.

1 Samuel 20:17

E ja Jonatán mëj këjää ënäty t'oyjyawë ja David, paaty ojts jatëkok tnikäjpxy mëët yë Tios yë xyëëw ko tmëku'ukjawë ja David, jä'ä ko mëk ënäty tsoky tjawë.

1 Samuel 20:42

Ko jëtu'un kyëjxtaay nyajxtaay, ënät ja Jonatán t'ënëmaay ja David: Nëjkx akujk jotkujk ets ja'amyäts ja käjpxtyu'unën mëti'ipë të ntu'unëmën nimäjtsk, yë Wintsën yë'ë kë'ëm të ntimtyuknija'awëmë ets tëë n'amëto'owëmë ko yë'ë xëmë yajpaatëty ma ëëtsajtëmën ets ma ja n'u'unk'ajt n'ok'ajtëmën. Tä ja David ojts jam tsyo'onë ets ja Jonatán näjyëtu'un wyimpijnë ma kyajpnën.

1 Samuel 20:8

Paaty yam n'amëtoy ya'atë mëyajtën. Tëëxë nätyukajpxëmë, ko mëku'uk xëmë näjyäwëja'anëmë Wintsën wyintuuy, e jatu'kpëky ja winma'anypë, pën ëjts nëkoo tëkatsy winë ntuunpy, etsës pokymyëët, tim yaj'o'kës yaa mijts kë'ëm. Ka'ap kwanë jam xytyimwoonëjkxëtyës ma mteetyën.

1 Samuel 23:18

Ënät ojts jatëkok ja käjpxtyu'unën tuntë ets Wintsën ojts kë'ëm t'ixy tnijawë. Ko jëtu'un tyuuntaay jyajtaayë, tääts ojts ja Jonatán wyimpijnë ma tyëjkën, e ja David jam wyë'ëmnë Horés.

1 Samuel 24:22

David ojts tnikäjpxy mëët yë Tios xyëëwkëjxm ets ja Saúl ojts jatëkok wyimpijnë jam ma kyutujktaknën, e ja David mëët ja jyä'äy jam ojts jatëkok nyëjkxtë ma ja të'ëts'itjotmën napotsypë.