2 Samuel 21:3 - Biblia Mixe de Quetzaltepec

³ Ënät ja David yajtëëwëtë: ¿Tii m'amëtoowtëp etsës ntunëty? ¿Tii winma'any mëpaat mpaatës ets y'oyëtëty ja mjot mwinma'anyëty ma të myajmëtëkoytyën? ¿Tääts yë nnaax nkajpnës xykyënu'kxtëty?

Biblia Dc en Mixe de Quetzaltepec

³ Ënet ja David yajtëëwëtë: ¿Tii m'amëtoowtëp etsës ntunëty? ¿Tii winma'any mëpaat mpaatës ets y'oyëtëty ja mjot mwinma'anyëty ma të myajmëtëkoytyën? ¿Tääts yë nnaax nkajpnës xykyënu'kxtëty?

2 Samuel 21:3 ပူးပေါင်းရင်းမြစ်များ

2 Samuel 20:19

Ëëts yë nkajpnëty, oy jotkujk yë mëët nyäyaj'ityë oymyëti'ipë kajpnëty, ka'ap ni pën mëët tsyiptuny ma Israel kajpn yajpaatyën ets ya'atë kajpn mëj'äämpy näjyëtu'un y'ity. Je'eyëp ko tyam jëtu'un yowë yaj'ixy ko mijts xyajkutëkoyä'äny. ¿Wi'ix ko jëtu'unpë winma'any xypyääty ets xyajkutëkoyaanpë mëti'ipë kë'ëm yë Wintsën të tyajnaaxkëtä'äkyën?

Hebreos 9:22

Jëtu'un ja Moisés ja y'ënä'ämën tnikäjpxy ets oy tyimtiijëty, ne'pny mëët wya'atsëty, ets ko ja ne'pyny kya'itëty, ka'ap ja poky yajmä'kxëty.

1 Samuel 26:19

Mëyajtënës yam npëjktsoopy yë mëj'ënä'ämpë ets tmëtowëty mëti'ipës yam nkajpxäämpyën. Pën yë'ë jëtu'un yë Wintsën të tyajkutuky etsës yë mëj'ënä'ämpë xy'ixjëtit xypyajëtitëty, yë'ë y'ëxajëp ko ënäty ja wyintsë'kën myo'oyë. E pën kë'ëmts jëtu'un twinma'any'äty, yë Wintsën pokëtëp yë'ë. Jä'ä ko tëëjës nyaj'ëxwojp nyaj'ixkäjxnë ma ya'atë it naaxwiinyëtën mëti'ipë yë Wintsën jyä'ä'ajtypyën etsës jam të xynyaswopëtë ma ka'ap tsyipëtyën etsës ja wiink tios n'ëwtajnëty.

1 Samuel 2:25

Pën yë ja'ay myëtëkoopy yë myëku'uk, yë Wintsën jyëkyejpy nyipaye'eyëtëty, e pën tu'uk yë ja'ay myëtëkoopy yë Tios. ¿Pën jää nëjkx y'ëknipaye'eyë? Yë'ëjëty ka'ap tmëtoowkujkëtyë oy jëtu'un ja tyeety jya'ënëmaayëtë, jä'ä ko yë Wintsën tëë ënäty tuknipëjktaakë ko yaj'ooka'anëtë.

Levitico 1:4

Ets tkëxkonëty yë kyë'ë ma ja tsajpkaa ja kyëpajkën jëtu'un yajkupëkëty, mëti'ipë ënäty tyukunaxäämpyën ja nyëë pyoky.

Éxodo 32:30

Ënät komjëpom ja Moisés t'ënëmaay ja mayjyä'äy. Miitsëty mëj këjää ja poky mëti'ipë të xytyuntën. E ëjts tyamtsës jatëkok nëjkxa'an ma ja kopkën ma Tios jam yajpaatyën etsës nnijawëja'any pën n'ëkyajjotujkpyës yë Tios ets jeexyë myajpokmyä'kxtë.