2 Samuel 21:17 - Biblia Mixe de Quetzaltepec

¹⁷ E ja Abisai Seruiá myaank, ënätyë tnimiiny ja David ets niwaantuty, koonëm ja Abisai tyaj'o'ky ja ja'aypyajkyeny filistejë ja'ay. Tääts ja David ja jyä'äy y'ënantë ko ka'ap mëpaat yë David y'ëknëjkxnë tsiptuunpë, këtiipë ja Israel ja kyutujkën y'atëkoyëty.

Biblia Dc en Mixe de Quetzaltepec

¹⁷ E ja Abisai Seruiá myaank, ënätyë tnimiiny ja David ets niwaantuty, koonëm ja Abisai tyaj'o'ky ja ja'aypyajkyeny filistejë ja'ay. Tääts ja David ja jyä'äy y'ënantë ko ka'ap mëpaat yë David y'ëknëjkxnë tsiptuunpë, këtiipë ja Israel ja kyutujkën y'atëkoyëty.

2 Samuel 21:17 ပူးပေါင်းရင်းမြစ်များ

2 Samuel 14:7

E tyamts ënätnë aak xymyëtsip'ajtnëpës ja njëëky nmëku'uknë, yë'ë tyäty tsyojktëp etsës nkë'ëyakëty ja nmaankës mëti'ipë ojts ja myëku'uk tyaj'ookyën, e tääpë nmaankës yi'iyë tu'uk njaak'u'unk'ajtypyës, ko yë'ë y'ookëty tim këjxp tim najxp ënäty ja ntiktsës n'aatsës ets ka'ap pën y'ëkwë'ëmnëty pën ja näykyumayë yamo'ojëpën ets pën yajjuuky'it yajtsuxk'itëp ja niye'etyëjkës ja xyëëw.

2 Samuel 18:2

Ojts tu'kpëky tkäjxë'ëky mëti'ipë ja Joab wyinye'epyën ets wiinkpë tkäjxë'ky mëti'ipë ja Abisai wyinye'epyën, yë myaank yë Sarvia, y'uty yë Joab ets wiinkpë tkäjxë'ky mëti'ipë yë Itai wyinye'epyën, jampë tsyoonyën Gad. Ets tëkokyë ja tsiptuunpëtëjk t'ënëmaaytyääy: Ëjts yam kë'ëm tim nëjkxaanp tsiptuunpë mëët miitsëty.

2 Samuel 18:3

E yë'ëjëty tyaa y'ëtsoowtë: Ka'ap, ka'ap y'oy'atëty ets ënä'ämpë kë'ëm tsyoonëty, jä'ä ko yë mëtsip jëtu'un yë wyinmay ko ëëtsëty oyës nkä'äktëty, ëkë n'ooktëty ntëkoytyëtyës ka'ap nëkooyë mëj tjawëja'any; tii tëy ko tyaj'ookëty ja mëti'ipë ënä'ämpën jëtu'un tsyoowpaata'any tä jeexyë ëëts nimëkoxk mil ëkë nimajk mil n'ooktën. Paaty nikë oy ko mijts Wintsën mwë'ëmëty ets jää je'eyë xykyäxëty yë ja'ay ko ënäty jam jyaaktsokyë.

2 Samuel 22:19

Jää ojts yajxon xyjyanipëtë'ëktës maas ënäty ëxëëk njaty nkëpetyën, je'eyëp ko yë Wintsën yë'ëjës mëk të xypyutëkë:

2 Samuel 22:29

Mijts Wintsën, xymyoopyës yë të'kxën jajën; mijts Wintsën, mëti'ipës nWintsën'ajtypyën xykyutë'kxpës, koos muum nkupi'its nkukootsë.

1 Reyes 11:36

Je'eyës ja myaank ntukmëwë'ëma'any tu'kkajpn, jëtu'untsës ja tyë'kxën jyajjën ja David, ja ntuunpës y'ijtëwëty ma ja Jerusalén kajpnën; ja kajpn mëti'ipës ojts nwin'ixyën ets jam ja nxëëwës yaja'amyätsëty.

1 Reyes 15:4

E mëët ko ja David tja'amyetsy, paaty ojts yajkutuky ets ja kyutujkën ka'ap y'atëkoyëty jam Jerusalén, jëtu'un ja myaank ojty yë'ë kyutëkëty;

Salmos 132:17

Ëjts n'ëwa'atsäämpy ets ja David ja y'ënä'ämën kyutujkën jam jatëkok tsyo'onta'akëty, tëës tu'uk ja kutë'kxn nnipëjktaakë mëti'ipë kutë'kx kujajëtëpën ja nyajkutujkpës.

Salmos 144:10

Mijts myajmëtäkpy yë yajkutujkpëtëjk jam tsipjotm; tëë xyajtso'oky yë mtuunpë David, mijtsës xyajtso'okëp ma ja'ayëtyën mëti'ipës xyaj'ookantëpën, kuwaankës ma ja'ayëtyën ka'apës n'ixy'ätyën, mëti'ipë win'ë'ëntëpën, mëti'ipë y'a'oykyë'ë xyajjë'ktëpën awin'ëënë ko waantakën tuntë.

Salmos 46:1

Tios yë'ë xykyuwa'anëm xyajtsokëm ets yë'ë xymyëkmo'oy xymyëjaawmo'oyëm; mëti'ipë putëjkëpën ko mon tuk nyajpatmëty.

Jeremias 40:15

Ënät yë Johanán t'ënëmaay yë Guedalías ame'tsyë: Ëwatsëkës yë ntu'u wä'änës nëjkx n'ëkyaj'ooky yë Ismael. Ni pën tkanijawëty pën ënäty ëtëtsp. ¿Wi'ix ko nkupëjkmëty ets yë'ë myaj'ookëtëty? Tsojk jëtu'unyë mpuwa'ktuta'ajëtëty yë jutiiyë ja'ayëty mëti'ipë mja'ay'äjtypyën ets nëjkx o'ktëy jyäty kyëpety yë Judá naax Judá kajpn.

Juan 5:35

Jëtu'un ja Juan ijty ijxtëm tu'uk ja jëën tyoyën ets kyutë'kxy, ets miitsëty ojts wäänë ja kyutë'kxn xytyukxontë.