2 Samuel 21:16 - Biblia Mixe de Quetzaltepec

¹⁶ jam tu'uk yë ja'ay mëti'ipë xyëëwajtypyën Isbi-benob, ja'aypyajkyeny ënäty, yë'ë ojts yë David tjayaj'ooka'any ko t'ijxy tëë y'ënu'kxënyë; jä'ä kyu'umën jye'emtyëty i'px majk tsimën ets tam tu'uk yë yenypyujxn t'ëxwëën'aty jemypyë.

Biblia Dc en Mixe de Quetzaltepec

¹⁶ jam tu'uk yë ja'ay mëti'ipë xyëëwajtypyën Isbi-benob, ja'aypyajkyeny ënety, yë'ë ojts yë David tjayaj'ooka'any ko t'ijxy tëë y'ënu'kxënyë; jä'ä kyu'umën jye'emtyëty i'px majk tsimën ets tam tu'uk yë yenypyujxn t'ëxwëën'aty jemypyë.

2 Samuel 21:16 ပူးပေါင်းရင်းမြစ်များ

2 Samuel 21:20

Jam Gad, jam wiinkpë tsip y'ijty; jam ijty tu'uk yë filistejë ja'ay, ëxëëk këjxm tyänë, jä'ä yë kyë'ëwa'axy ets tyeky wa'axy wyinë'aty i'px majktaxk: Tëtujkjaty ja kyë'ëwa'axy ma tu'ukpë ja kyë'ëjën ets näjyëtu'un ja tyekywyä'äxy,

2 Samuel 21:18

Ojts näjyëtu'un wiinkpë tsip jam y'ity Gob, mëët yë filistejë ja'ayëty, jä'ä xëëw, yë Sibecai, husatitë ja'ay, yë'ë y'u'unk y'ok yë ja'aypyajkyenyëty, ojts tyaj'ooky tu'uk yë ja'aypyajkyeny mëti'ipë xyëëwajtypyën Saf.

2 Samuel 21:22

Ya'atë nimajktaxkpë ja'aypyajkyenyëty yë'ë yë Refa y'u'unk y'ok, jampë kyukajpn'atë Gad, je'eyë ko ka'ap ojts myëta'aktë mëët yë David ets tsyiptuunpë wintsënëty.

2 Samuel 5:18

Yë filistejë ja'ayëty, ojts tsyoontë ets jam nyäpyëjktakëtë ma tu'uk ja itjot txëëwatyën Refaim.

Deuteronomio 9:2

Yë ja'ayëty jampë tsyëënëtën këjxmëty tyänëtë, jëtu'un tä ja ja'aypyajkyeny Anac ja y'u'unk y'okën. Miitsëty wa'ats xynyijawëtë ja ayuk mëti'ipë ënaanpën: ¿Pën y'ëkwinkuwa'akëp ja ja'aypyajkyeny Anac ja y'u'unk y'ok?

Deuteronomio 3:11

Yë yajkutujkpë Og, yi'iyë ënäty tu'uk jaakwë'ëmp ma Refa ja'ayëtyën. Yë myaapäjn aak juunpujxn ënäty mëët y'oytyunyëty ets jä'ä y'ayenyëty mäjtsk xajpk ja mäjtsk kë'ënux ets myëjwiinëty tu'kxajpk. Tyampaat jaakyaj'ijxp yë jëtu'unpë ma Amón ja'ayëtyën jam Rabá.

Deuteronomio 2:21

Mëj kajpn ënäty jam yajpatëp ets nimayjyä'äy jam tsënaaytyëp. Yë ja'ayëty jampë yajpaatën janty këjxmëty ijty tyänëtë ets mëkëty, jëtu'un tä yë ja'aypyajkyeny Anac yë y'u'unk y'okën, e yë Wintsën ojts tyajkutëkoy tääpë naax kajpn, ma ojts yë Amón ja'ayëty myëta'aktën ets jam tsyënaaytyaknpëjktë.

Deuteronomio 2:10

Tëëyëp yë'ë ojts jam tsyëënëtë yë ja'ayëty mëti'ipë yajtijtëpën emitas. Tääpë ja'ay nimay ijty jam yajpaatë, jëtu'un myëjjaty'atë ets kyëjxm'atë tä yë y'u'unk y'okën yë ja'aypyajkyeny Anac.

Deuteronomio 1:28

E tyam, ¿maa ënät nëjkxmëty? Yë nmëkukajpn'ajtëmë jëtu'un y'ëna'antë, ko ma tääpë itjotmën tam yë ja'ayëty mëti'ipë mëkëtyën ets këjxmëty tyänëtë. Ets nyaax kyajpnëty ta'tspëky oy nyapotsy'atë ets näjyëtu'un nikajpxtë, ko tëë t'ixtë yë y'u'unk y'ok yë ja'aypyajkyeny Anac. Tääpë aaw ayuk jëtu'unyë të xy'ëtsë'këtyä'äyëmë.

Génesis 14:5

Kom jëmëjt yë yajkutujkpë Quedorlaomer ets mëët ja yajkutujkpëtëjk jënu'un mëët oy nyäyaj'ityën, ojts nyëjkxtë ma ja it naaxwiinyëtë txëëwatyën Astarot Carnaim. Jamts ojts tmëmëta'aktë ja Refa ja'ayëty, zuzitë ja'ayëty jam ma yajtijyën Ham, ja emitas ja'ayëty jam ojts yajmëmëta'aktë ma yajtijyën Save-quiriataim,

Génesis 6:4

Jää ojts ëka'any jya'të yë ja'ayëty mëti'ipë yajtijtëpën ja'aypyajkyeny ko ja Tios ja tyuunpëtëjk nyämyujkëtë mëët ja to'oxy'ëna'këty mëti'ipë ënäty yi'iyë myëmaay myëët'ajtëpën yääyëpë naaxwiinyën. Ko myiintë jyajtë ja y'u'unk y'ëna'këty, yë'ë jëtu'un ojts jotmëk y'itë ko ijty ja tsip tyunyë jeky'äjty.

Números 13:22

Ënät ojts nyëjkxtë näjyëtu'un jam Négueb, nyajxtë ets jyajtë Hebrón. Jam ijty tsyëënëtë ja'ayëty, mëti'ipë yajtijtëpën Ahiman, Sesai ets Talmai, yë'ë yë Anac ja y'u'unk y'ok. Yë Hebrón wëxtujk jëmëjt jyëwiinëty ma ojts yajkojyën jam ja kajpn ets ok yë mëj kajpn mëti'ipë xyëëwajtypyën Zoan, mëti'ipë Egiptë nyitënääpyën.

Números 13:28

E ja ja'ayëty mëti'ipë jam tsënaaytyëpën janty amaj kë'ëmajëty yaj'ixtë. Yë kajpn mëjjëty oy ets aak napotsyëty. Ets ka'ap yi'iyëty, tëëjës jam n'ixtë yë Anac yë y'u'unk y'ok, mëti'ipë pajkyenyëtyën.

Josue 15:14

Caleb ojts jam t'ëxwojpta'ay nitëkëëk ja Anac pajkyeny yë y'u'unk y'ok mëti'ipë ënäty mëj'äämpy ijtëpën ma tampë ja it naaxwiinyëtën, jä'ä txëëwatë: Sesai, Ahiman ets Talmai.

Deuteronomio 2:11

Yë ja'ayëty jëtu'un ënäty tyijëtë refaita ja'ayëty, e yë Moab ja'ayëty jä'ä ënäty tyijëtë emitas.

Josue 11:22

Ka'ap ojts nitu'uk wyi'imy ja y'u'unk y'ok ja ja'aypyajkyeny Anac ma ja Israel ja naaxwiinyëtë ojts tniwä'äkyën. Ja ja'aypyajkyeny Anac ja y'u'unk y'ok jämyë ojts wyë'ëmtë ma ja Gaza, Gad ets Asdod kajpnën.

1 Samuel 17:7

Yë kyu'umn jëjp jëtu'un kyëxë'ëky tä yë kepyën ma ja'ay yë pyiity tkëxpitën mëti'ipë yajwitkojtëpën ja jyëjp jä'ä jye'emtyëty tëtujk tsimënmokën. Ja tyuunpë jä'ä winye'eyëp.