2 Samuel 21:10 - Biblia Mixe de Quetzaltepec

¹⁰ Ënät ja Rizpa o'ktëy nyäxyojxë, ja Aiá nyëëx; yë'ë pyëjktak yë tukwit mëti'ipë tëë ëxëëk jyajtaaynyën mëët ja monyëtukyë mëti'ipë ënäty myënajxyp yajnajxypyën, jamts tsaakëjxm nyäjyëpijptakë. Jam jëtu'un ja xëëw jëmëjt tyajnajxy tyimtso'ontäky ma ja pëjktä'äky cebadë ënäty myëjaawë'ëkyën koonëm ja ja'ay tpëjkmujktaay tuunmujktaaytyë ja pyëjktä'äkyëty ets pyotmtëjkëy, ka'ap tuktsu'ty ja lut majkwejkxy ja o'kpë.

Biblia Dc en Mixe de Quetzaltepec

¹⁰ Ënet ja Rizpa o'ktëy nyäxyojxë, ja Aiá nyëëx; yë'ë pyëjktak yë tukwit mëti'ipë tëë ëxëëk jyajtaaynyën mëët ja monyëtukyë mëti'ipë ënety myënajxyp yajnajxypyën, jamts tsaakëjxm nyäjyëpijptakë. Jam jëtu'un ja xëëw jëmëjt tyajnajxy tyimtso'ontäky ma ja pëjktä'äky cebadë ënety myëjaawë'ëkyën koonëm ja ja'ay tpëjkmujktaay tuunmujktaaytyë ja pyëjktä'äkyëty ets pyotmtëjkëy, ka'ap tuktsu'ty ja lut majkwejkxy ja o'kpë.

2 Samuel 21:10 ပူးပေါင်းရင်းမြစ်များ

Génesis 40:19

kom tëkëëk xëëw yë mëj yajkutujkpë tnipaye'eyä'äny yë mpoky ets myajyo'ktëyä'äny ma tu'uk yë kepyën, yë joon jëyujk yë'ë mnini'kx nëjkx tsyu'utsyë.

2 Samuel 21:11

Ko ja David tnija'awëy ko jëtu'un ënäty ja Rizpa të y'ëti'itsy, ja Saúl ja tyuunpë mëti'ipë myëëtsënaayën,

2 Samuel 3:7

Ko ja Saúl jyuuky'äjty ojts tu'uk yë to'oxytyëjk tmëët'aty mëti'ipë xyëëwajtën Rispá, yë'ë nyëëx yë Aiá, e yë Abner ojts näjyëtu'un ya'atë to'oxtëjk tmëët'ajnë. E ja Is-boset ojts tyuk'ojyë ets y'ënëmaayë: ¿Wi'ix ko të xymyëët'aty yë tääpë to'oxytyëjk mëti'ipës yë nteety myëëttsënaayën?

1 Reyes 21:27

Ko yë Ahab tmëtooy jëtu'unpë ja aaw ayuk mëkpë, ënät ojts tkë'tsta'ay ja wyit, aakjä'ä ëxëëk wit ojts nyätyuknijenyë ets y'ayuu'ajty y'ëxëëwajty. Jëtu'un tmëma'ay ja y'ëxëëkwit ets myony tyuk.

Jeremias 14:22

¿Wä'än jëtää tyajtu'ujëty tu'uk yë tios mëti'ipë ka'ap tyiosëtyënë? ¿Wä'än jëtää kë'ëmwinma'any tsyoony yë nëë tuu tsajpjotmë? Ka'ap Wintsën mëti'ipës nTios'ajtëpën, mijts yë nëë tuu mkejxyp, mijts winë mtuuntääpy, paatykyëjxm mijts myaj'ëwxity.

Ezequiel 39:4

E mijts, mëët yë mtsiptuunpëtëjk ets ja naax kajpn mëti'ipë mjämyëët'ajtëpën, ooky nëjkx kya'ata'atë ma Israel kopkën. Jam nkë'ëyaka'antë ets nëjkx mtsu'utsëtë lut majkwejkxy, kaa ets tsa'any.

Oseas 6:3

Tsojk winma'any mëk mpëjktakëmë ets n'ixy'ajtmëty yë Wintsën. Xynyimina'anëm yë Wintsën ets kopkpëky xynyimina'anëmë jëtu'un tä kopkpëky yë xëëw pyëtsimyën, jëtu'un tä kyopkpëkyëtyën ko yë naax tyajmëyäty yë nëë tuu ma pyotm'atyën ets ma xyëkopk'atyën.

Joel 1:18

Ëjp tu'kp ja tsajpkaa. Yë tsajpkaato'oxy nëkoopë jyi'kxy t'ixta'atë; yë kupixyny jëtu'unyë y'o'ktaaynyëtë.

Joel 2:23

Xoonta'aktë miitsëty Sión ja'ayëty, xoonta'aktë ma Wintsënën mëti'ipë mTiosajtëpën. Yë'ë të mo'ojëtë nëë tuu ma myëyätyën, ma pyotm'atyën ets ma xyëkopk'atyën, jëtu'un ijxtëm ijty tëëyëp tunyën.

Zacarías 10:1

Amëtowtë yë Wintsën ets tyajtu'ujëty xëkopkjoty, yë Wintsën mëti'ipë yajëtsujkpyën nëjkxëp tkexy yë nëë tuu mëjwiin këjää ets tmo'oja'any yë aay ujts oypyënëty jam kamjotm tu'ujotm.

Deuteronomio 11:14

Yë'ë nëjkxëp t'a'ixë ets ja nëë tuu tyajminëty potmjoty ets xëkopkjoty, jëtu'un xyajpëtë'ëkëty mëj këjää ja tsajpmok, ja tsatym nyëë ets ja on ma ja mkam mtu'ujën.

Deuteronomio 21:13

Nëjkxëp tjeny ja wyit mëti'ipë ënäty myëët'ajtypyën ko të yajmatsy ets jam wyë'ëmëty ma ja ye'etyëjk ja tyëjkën. Tu'kpo'o nëjkx tnijë'ëy tniyä'äxy ja tyeety tyaak. Ko ënäty jëtu'un tu'kpo'o të nyäxy, ënät ja Israel ja'ay nëjkx tmëët'atynyëm ets tmëëtsëënëty ja to'oxytyëjk.

Deuteronomio 21:22

Pën tëë yajni'ënä'ämë ets tu'uk yë ye'etyëjk y'ookëty kutëy kepykyijxy, mëët ko ja mëjpoky të tuuntëkoy.

Deuteronomio 21:23

Yë jyot nyini'kx ka'ap mëpaat wyi'imy tu'ktsuupaat këxtëy ma ënäty të y'ookyën, ënätyë xyajnaaxtëkëtëty ko ënäty të tsyu'ujënyë jä'ä xëëw. Jä'ä ko yë Wintsën mëti'ipë mTiosajtëpën pyojkpy yë ja'ay mëti'ipë kutëy o'kpën kepykyijxy, miitsëty ka'ap mëpaat nëkoo ja it naaxwiinyëtë xyaj'ëxëëkëtë mëti'ipë ja mWintsën mo'ojanëtëpën ets xyjyä'ä'atëty.

1 Samuel 17:44

Ëpëky t'ënëmaay: Nimiinkës yaa winkon, wä'änës yë mxixy yë'ë nmo'oy yë joon jëyujk ets nyätyuk'ix nyätyukmëyatëtëty, ëkë jëyujk mëti'ipë ëwa'anëtyën, aayjotypë ujtsjotypë jyëtitën.

1 Samuel 17:46

E tyam yë'ëts yë Wintsën mkë'ëyakanëp ëjts nkë'ë'amjotmës, tyam nyaj'ookäämpy yam ets nëëpuxa'anyës yë mkëpajk. E tëkokyë yë jyot nyini'kxëty yë tsiptuunpëtëjkëty mëti'ipë filistejë ja'ayëtyën, ooykyës yam ntuk'ajëpijpëtya'aja'antë yë joon jëyujk, jëyujk ëwa'anëtypë mëti'ipë jëtijtëpën aayjoty ujtsjoty. Jëtu'unts nijawëtëty tëkokyë yë ja'ayëty naaxwiinyëtë apëtsëmy ko tää tu'uk yë Tios yajpaaty ma Israel ja'ayëtyën.