2 Samuel 20:26 - Biblia Mixe de Quetzaltepec

²⁶ Yë Irá, jampë tsyoonyën Jair, nän teety ojts y'ity ma ja David ja kyutujktaknën.

Biblia Dc en Mixe de Quetzaltepec

²⁶ Yë Irá, jampë tsyoonyën Jair, nän teety ojts y'ity ma ja David ja kyutujktaknën.

2 Samuel 20:26 ပူးပေါင်းရင်းမြစ်များ

2 Samuel 23:38

Irá, jampë kyukajpnëtyën Jatir; Gareb, mëti'ipë jam tso'onpën Jatir;

Éxodo 2:14

Ënät tääpë nimäjtskpë ja hebreo ja'ayëty y'ëtsoowtë: ¿E mijts pën të mpëjktakëpë ënä'ämpë yajkutujkpë ma ëëtsëtyën? ¿Ëkë jä'äjëtën m'ëna'any, ko näjyëtu'un ënät yam xyaj'ookëtyës, tä ëxë'ëy xyaj'o'kyën ja Egiptë ja'ayë? Ko yë Moisés jëtu'un tmëtooy ja ayuk, ënät ojts ja tsë'ëkë tyuktëkëty. Jä'ä ko tëëtëm ënäty yajnijawë, ko ja Egiptë ja'ay të tyaj'ooky.

2 Crónicas 35:15

E ja ëëpë yaxpë mëti'ipë ja Asaf jyä'äy'äjtypyën, ojts ja tyuunk t'atänëtën jëtu'un tä ojts ja David, Asaf, Hemán ets Jedutún tni'ënä'ämëtën. Ja mëti'ipë y'atënaaytyëpën ja tsajptëjk'aaw nijä'äjaty ojts tkëwent'atë; jä'ä ko ja myëku'uktëjkëty mëti'ipë Leví ja'ayëtyën yë'ë ojts tyaj'o'oyëtya'atë winë mëti'ipë kyäytyëpën y'uuktëpën.

1 Crónicas 11:40

Irá, jampë tsyoonyën Jatir; Gareb, jampë näjyëtu'un tsyoonyën Jatir;

2 Samuel 8:18

E ja Benaías, yë myaank yë Joiadá, yë'ë ijty jam winë y'ijxpy tyuunpy ma ja Queret ja'ayëtyën ets ja peleteëja'ayëtyën mëti'ipë ja David këwent'ajtëpën. Yë David yë y'ëna'k aak teety y'ijtë.

Éxodo 24:11

Tios ka'ap ojts wi'ix tuny ya'atë ja'ayëty, mëti'ipë ënäty mëj'äämpy ijtëpën ma ja nyaax kyajpnën ja Israel, oy ënäty tëë ja Tios tja'ixtë, ojts jam kyäytyë y'uuktë ma ënäty jam yajpaatën.

Éxodo 2:16

Yë Reuel mëti'ipë ënäty jam teety'ajtpën Madián, niwëxtujk ënäty yë nyëëx, jä'ä xëëw ënäty jam näjyëtu'un të nyëjkxtëpë ma ja nëëjutën ets tyaj'utsa'antë ja nyëë a'ukënëty ets jap ja tsajppaxëty kupixynyëty nyëë'uuktëty.

Génesis 41:45

Yë yajkutujkpë ojts yë José yë xyëëw tyajtëkajtsë, jä'ä txëëwmooy Safenat-panéah, jëtu'un ijxtëm ënäty jap Egiptë kyajpxtën ets tyajpëjky mëët tu'uk ja to'oxytyëjk jä'ä xyëëwajtyp Asenat, yë'ë nyëëx yë Potifera, mëti'ipë ënäty tuunpën teety ma tsajptëjkën, jam ma ja kajpn txëëwatyën On. Jëtu'un'äämpy yë José ojts ja naax kajpn tmëwë'ëmy ets t'ënä'ämëty jap Egiptë.

Génesis 41:43

Ënät ojts tyajpety ma ja kepy wintëkäämpën mëti'ipë ijty xëmë paye'eyëpën ets tyajmëjtu'unajxtë tu'kkajpnjoty ets tu'kë'ëyë ja'ayëty tyëjkëtyë yaxpë jojkpë ets y'ëna'antë: yaj'ëwa'atstë tu'u'aaw ma nyaxëtyën yë wintsën. Jëtu'un'äämpy ja José ojts tyëkë ënä'ämpë ma tu'kë'ëyë ja naax kajpnën mëti'ipë Egiptë nyitënääpyën.

2 Samuel 20:25

Yë Sevá yë'ë ijty kyujaaytyääpy winë, e yë Sadoc ets Abiatar yë'ë ojts tyeety'atë.

2 Samuel 21:1

Ma ja David ënäty y'ëne'emyën, ojts jam yë yuu xëëw y'ity tëkëëk jëmëjt. Ënät yë David ojts yë Wintsën tuk'ëwaanë ets y'ëtsoowë: Yë yuu xëëwpaaty yë jyää'aty, jä'ä ko yë Saúl ojts nanëkoo may tyaj'ooky yë Gabaón ja'ayëty.

Deuteronomio 3:14

Yë Jair, yë jyä'äy yë Manasés, yë'ë ojts tniwä'äky yë Argob yë y'itjot jampaat ma nyäpyäätyë mëët yë Guesur ets Maacá ets ojts txëëwmo'oy ja itjot, jëtu'un tä ënäty yë'ë kë'ëm txëëwatyën, jä'ä ojts tijy Havot-jair, tyampaat jëtu'un yajtijp, mëti'ipë ijty tëëyëp yajtijpën Basán.

1 Reyes 4:5

Azarías, yë myaank yë Natán, jä'ä ojts y'ity tëjk këwent'ajtpë; e yë Zabud, yë myaank yë teety Natán, jä'ä ojts y'ity kajpxtëëpë ma ja yajkutujkpën;