2 Samuel 20:21 - Biblia Mixe de Quetzaltepec

²¹ Ka'ap jyëtu'unëty, ëëtsëty yi'iyës n'ixtaaytyëp tu'uk yë ja'ay jam tsyoony ma Efraín yë nyaaxjotmën, jä'ä xyëëwajtyp Sebá, yë'ë nyipëtë'kpy yë yajkutujkpë David. Yi'iyës xymyo'ojëp etsës yam nëjkxtëty. Ka'ap tääpë wyi'ixëty, tyam ënät yääyë ma potsykyopkën yajkukä'tsnaxëty yë kyëpajk, jää xy'ëxajëty, jëtu'un y'ëtsooy ja to'oxytyëjk.

Biblia Dc en Mixe de Quetzaltepec

²¹ Ka'ap jyëtu'unëty, ëëtsëty yi'iyës n'ixtaaytyëp tu'uk yë ja'ay jam tsyoony ma Efraín yë nyaaxjotmën, jä'ä xyëëwajtyp Sebá, yë'ë nyipëtë'kpy yë yajkutujkpë David. Yi'iyës xymyo'ojëp etsës yam nëjkxtëty. Ka'ap tääpë wyi'ixëty, tyam ënät yääyë ma potsykyopkën yajkukä'tsnaxëty yë kyëpajk, jää xy'ëxajëty, jëtu'un y'ëtsooy ja to'oxytyëjk.

2 Samuel 20:21 ပူးပေါင်းရင်းမြစ်များ

Jeremias 50:19

Ëjts nyajwinpitäämpy jatëkok yë Israel ja'ayëty ma nyaax kyajpnëtyën, jëtu'unës nyajwinpita'any tä tu'uk yë kupixyny yajtukniwoyën yë jyi'kxy jam Carmel, Basán, ëkë ma Efraín kyopk jotmën, jam Galaad.

Jeremias 4:15

Jam tsyo'ontä'äky ma Dan y'itjotmën ets tyimja'ty jampaat ma Efraín y'itjotmën yajmëtoy'äty ja ëyo'on jotmay:

2 Reyes 10:7

paaty ko ojts ja noky nyija'tëtë, ënätyë tyaj'o'ktë ja nitëkë'px majkpë ja yä'äy ëna'k; tääts tkupëjkëtyääytyë ja kyëpajkëty katsyjoty ets tkäjxtë jam Jezreel.

2 Reyes 5:22

Ka'ap, ka'ap jyotmayëty, jëtu'un y'ëtsooy ja Guehazí. Ëjts paatyës nminy, yë nwintsënës të xykyexy, jam nimäjtsk të jya'të yë Wintsën yë tyuunpëtëjk jam tsyoontë ma kopkjotmën mëti'ipë yë Efraín nyitënääpyën, e yë'ëts yam mijts mpëjktsowäämpy ets xyakëty tëkëëk mil yë poop pujxn meeny ets majts ni'kx yë wit.

2 Samuel 23:18

E yë Abisai, Joab yë y'uty, yë Sarvia myaank, yë'ë ojts tnikopk'aty ja ni i'px majkpë ja jotmëkja'aytyëjk. Tëkok ojts tyaj'ooky tëkëëk mëko'px ja myëtsip mëët ja kyu'umën. Jëtu'un ojts näjyëtu'un mëj'äämpy nyäxy ma ja ni i'px majkpë jotmëkja'aytyëjkëtyën,

2 Samuel 20:1

Ojts jam tu'uk yë ja'ay jyuuky'äty mëti'ipë ëxëëk ja jyot wyinma'anyën, ma Benjamín yë jyä'äyën; jä'ä xyëëwajtyp Sebá, yë'ë y'u'unk yë Bicri jam ënäty näjyëtu'un yajpatpë Guilgal. Ënät ojts tëkok ja mayjyä'äy t'ëxëëk winkajpxë ets t'ënëmaay: Ëëtsajtëm, ka'ap nimaa ntuk'oy'ajtëm ko yë David yë'ë yaa y'ëne'emy ëkë yajkutuky, mëti'ipë yë Jesé myaank'ajtypyën, paaty yam miitsëty n'ënëëmëtë: Nikë nëjkxta'atë ma mjëën mtëjkëtyën.

1 Samuel 26:9

E ja David tyaa y'ëtsooy: Ka'ap, këtii xyaj'ookëty, jä'ä ko pën kyë'ënixäjpy ja mëj'ënä'ämpë mëti'ipë yë Wintsën kë'ëm të twin'ixyën, ka'ap yë'ë jëtu'unyë nyäyajna'ixëty.

1 Samuel 24:6

ets t'ënëmaay ja jyä'äy: Tiosës xypyutëkëp ets ka'apës wi'ix ntunëty yë Saúl, yë nwintsënës mëti'ipë yajkutujkpën. Pën yajkutujkpë yajpaaty, yë'ëkyëjxm yajkutuky mëët ko yë Wintsën të wyin'ixyë.

Jueces 7:24

Ënät ja Gedeón ënätyë ja aaw ayuk tkejxy jam ma yajpaatën ja Efraín ja jyä'äyëty ets jyënaktëty, tu'u'ëtuktëty ja Madián ja'ayëty ma nyaxa'antën jam Bet-bara ets ma ja Jordán mëjnëëjën. Yë Efraín yë jyä'äyëty ojts ënätyë ja aaw ayuk tpatuntë.

Jueces 2:9

Jam ojts tyajnaaxtëkëtë ma ja nyaax kyajpnjotmën mëti'ipë xyëëwajtypyën Timnat-sérah mëti'ipë yajpatpën anëkëjxytsyow ma ja it naaxwiinyëtë txëëwatyën Gaas, ja kopkjot mëti'ipë yë Efraín ja jyä'äy nyitënaaytyëpën.

Josue 24:33

Ko y'o'ky yë Eleazar, Aarón yë y'u'unk, jam tyajnaaxtëjkëtë tunkëjxm ma ja nyaaxjotmën yë myaank Finees, mëti'ipë yajmooyën, jampë tunjotm kopkjotm yajpaatyën mëti'ipë yë Efraín nyitënääpyën.

2 Samuel 20:2

Ënät tëkokyë ja Israel ja'ayëty t'ëxmajtstaaytyë ja David ets ojts yë'ë tpanëjkxtë ja Sebá, yë myaank yë Bicri. E yë ja'ayëty mëti'ipë Judá jyä'äy'äjtypyën ka'ap ojts t'ëxmatstë ja yajkutujkpë, timpyatso'ontë jam ma ja Jordán mëjnëëjën ets tyimja'ajtë jam Jerusalén.

2 Samuel 20:20

Tä ja Joab y'ëtsooy: Ka'ap jyëtu'unëty, ëjts ka'apës yam n'ëna'any nyajkutëkoyä'äny, ëkë ënät xit ko'ow ntuna'anyës.

1 Reyes 11:26

Näyjyëtu'un yë Jeroboam, yë myaank yë Nabat, ojts tmëtsiptsoony ja yajkutujkpë. Jeroboam yë'ë ënäty mëët tyuunmuky yë Salomón ma jam yajkutukyën, jam ja kajpn t'atänë Seredá ma ja Efraín ja'ay tsyëënëtën. Yë'ë tyaak'ajt tu'uk ku'ookytyo'oxy mëti'ipë xyëëwajtypyën Zerúa.

Jueces 9:55

Ko yë Israel ja'ayëty t'ijxtë ko yë Abimélec tëë y'o'knë, ënät ojts wyimpijtaaynyëtë ma tyëjkëtyën.