2 Samuel 2:9 - Biblia Mixe de Quetzaltepec

⁹ jamts ojts tkënu'kxy ets yë'ë y'ënä'ämëty yajkutukëty jam Galaad, jam Guesurí, mëti'ipë Jezreel nyitënääpyën, ma näjyëtu'un tnitänën yë Efraín, yë Benjamín ets ma tëkokyë yë Israel tnitänën.

Biblia Dc en Mixe de Quetzaltepec

⁹ jamts ojts tkënu'kxy ets yë'ë y'ënä'ämëty yajkutukëty jam Galaad, jam Guesurí, mëti'ipë Jezreel nyitënääpyën, ma näjyëtu'un tnitänën yë Efraín, yë Benjamín ets ma tëkokyë yë Israel tnitänën.

2 Samuel 2:9 ပူးပေါင်းရင်းမြစ်များ

Génesis 30:13

ënät yë Lea ojts y'ënä'äny: Wi'ixpëm njanty jotkujkëtyës, ëna'antëp tyam yë to'oxytyëjkëty, koos njotkujkëty, paaty ya'atë mëxu'unk jä'ä txëëwatëty Aser.

2 Samuel 2:10

Ko ja Is-boset jam yajkutujktso'ony ma ja Israel kajpnën jä'ä ënäty yë jyëmëjt wëxtyikxy, mäjtsk jëmëjt je'eyë tyuuny. E ma ja Judá ja jyä'äyëtyën yë'ë ënäty jam ënä'ämp ja David,

2 Samuel 3:6

Ma jëtu'un ja Saúl ja jyä'äy tsyiptuuntën mëët ja David ja jyä'äy, ja ja'ay y'ijxtëp ënäty mëti'ipë ja Saúl jyä'äy'äjtypyën ko ja Abner mëktaknëp.

1 Crónicas 12:29

Ma ja Benjamín ja jyä'äyën, ja Saúl ja myëkä'äx, nitëkëëk mil ja tsiptuunpë, jä'ä ko ja nimaypyë jä'ä ënäty mëët ja Saúl të yajpaatë.

1 Crónicas 12:30

Ma ja Efraín ja jyä'äyën, jä'ä nyiwinë'atë, ni''i'px mil ja tuktujk mëko'px ja tsiptuunpëtëjkëty, mëti'ipë mëj'äämpy ijtëpën ma ja jyä'äyëtyën.

Salmos 108:8

Galaad ets Manasés ëjts yë njä'ä, Efraín yë'ëjës jëtu'un nyajnajxyp tääjës yë nkujupën mëti'ipës yë nkëpajk ntuk'ëtujkpyën, e yë Judá yë'ëjës ntukmëët'ajtyp yë nkutujkën.

Números 1:40

Ma jyä'äyën yë Aser, jä'ä ojts yajmëtyoowpëtsëmtë wëxtyikxy tu'uk mil ja mëkoxk mëko'px.

Josue 16:5

Ja tsëpa'an mëti'ipë tsyëpa'an'ajtëpën ja Efraín ja'ayëty jam tsyo'ontä'äky a'oytsyow ma txëëwatyën Atarot-adar ets jyä'ty jam Bet-horón, anëkëjxmtsow.

Josue 16:8

Jam wiinkpë tso'ontä'äky Tapúah mëti'ipë najxë'kpën anajnytsyow ets jyä'ty ma ja Caná wokën ma mëët nyäpyäätyë ja Mejy Naax'akujkpë. Ya'atë ojts tyuka'ajëtë ja Efraín ja'ay mëti'ipë yajwa'kxtën tä ënäty tyu'kmëku'uk'atën.

Josue 16:9

Ma tääpë it naaxwiinyëtën ojts näjyëtu'un jyam'atë kajpn mëjëtypë ets mutskëtypë ma ja Manasés ja jyä'äyëty tnitänëtën ets ojts yë'ë tjä'ä'atë yë Efraín yë jyä'äyëty.

Josue 17:1

Ya'atë jëtu'un ja itjot naaxjot mëti'ipë ojts tyuka'ajëtën ja Manasés ja jyä'äy, mëti'ipë kyä'äxkopk'ajtypyën yë José. Mëjëyëjp ja Maquir mëti'ipë kyä'äxkopk'ajtypyën yë Manasés, yë Galaad yë tyeety. Tsip'ixy ijty yajxon, yë'ë ojts tyuka'ayë ja Galaad ja y'itjot nyaaxjot jampë yajpaatyën Galaad ets Basán, a'oytsyow wyi'imy ma ja Jordán mëjnëëjën.

Josue 18:11

Ko ojts yaj'ixtë mëti'ipë naax ënäty ja Benjamín ja jyä'äy të nyikääkëtën, ënät ojts yajnijawë ko yë'ë ojts tyuka'ajëtë ma ja Judá ets José tjä'ä'atën.

Josue 18:20

Ja Jordán nëë yë'ë ënäty tsëpa'an'ajtp ma ja a'oytsyowpë ja it naaxwiinyëtën. Ya'atë tsëpa'an'ajtp ma ja naaxën mëti'ipë ojts yajmo'otën ja Benjamín ja'ay nu'unjaty tyu'kukajpn'atën.

Josue 19:18

Ojts tjä'ä'atë ja naax kajpn mëti'ipë xyëëwajtëpën Jezreel, Quesulot, Sunem,

Josue 22:9

Jëtu'un'äämpy ja Gad, ja Rubén ets nikujkwä'kxy ja Manasés ja jyä'äy ojts tpuwa'ktutnëtë ja myëku'ukëty Israel ja'ayëty jam Siló, ma ja Canaán itjotmën ets ojts wyimpijnëtë ma txëëwatyën Galaad, ma ënäty ja Moisés ja nyaax kyam të myo'ojëtën mëti'ipë ojts yë Wintsën tim nyi'ënä'ämën.

1 Samuel 29:1

Ja filistejë ja'ayëty wa'ats nyäy'ijxmujktaayëtë jam Afec. E yë Israel ja'ayëty jam ojts jyajta'aktë ma tu'uk ja nëëwookyën, ma txëëwatyën Jezreel.