2 Samuel 2:5 - Biblia Mixe de Quetzaltepec

⁵ Paaty ja David ojts tu'uk ja ayuk tkexy ma tääpë ja'ayëtyën ets t'ënëmaay: Yë Wintsën yë'ë mkënu'kxëtëp mëët ko ja oyjyot oywyinma'any të xyajkëxë'ëktë, ko xyajnaaxtëjkëtyë ja Saúl ja nyini'kx mëti'ipë tu'uwinwoowën.

Biblia Dc en Mixe de Quetzaltepec

⁵ Paaty ja David ojts tu'uk ja ayuk tkexy ma tääpë ja'ayëtyën ets t'ënëmaay: Yë Wintsën yë'ë mkënu'kxëtëp mëët ko ja oyjyot oywyinma'any të xyajkëxë'ëktë, ko xyajnaaxtëjkëtyë ja Saúl ja nyini'kx mëti'ipë tu'uwinwoowën.

2 Samuel 2:5 ပူးပေါင်းရင်းမြစ်များ

1 Samuel 23:21

Tä ja Saúl y'ëtsoowëtë: Tios mkënu'kxëtëp mëjwiin këjää mëët ko miitsëty xypya'ëyow xynyajts'ëyowëtës.

Salmos 115:15

Wä'än yë Wintsën mëti'ipë yë tsajp ets naax yajkojën, tyajkëtä'äky yë kyënu'kxën ma miitsëtyën.

1 Samuel 24:19

Tëë yajnijawë ko yë ja'ay yë myëtsip tpaaty ka'ap oy mëk tyajwinpity. Paaty yam n'ënëëmë ets Wintsën yë'ë mkuju'uyxyëtëty mëti'ipë tyam të xytyunyën mëët ëjts.

Rut 2:20

Ets ja Noemi y'ëtsoowë: Wintsën Tios kënu'kxëtëp mëjwiin këjää. Mëët ko xy'oyjya'aw xytsyuja'awëmë, yë'ë jëtu'unyëm yë y'oyjyä'äyëty, jëtu'un ijty jyä'äy'äty mëët ja mëti'ipë të y'o'knëtën. Tääpë ja'ay nmëku'uk ëëts yë'ëjëty, paaty patëp ets xypyutëjkëmëty.

Rut 3:10

Tääts ja Booz y'ëtsooy: Tios mkënu'kxëtëp. Tyamës nja'akyukë ko mijts mwinkutsë'këp yë mye'etyëjk oy të y'o'knë, paatyës ëjts xytsyojkën'aty; nu'unxëp mkamayë jeexyë mëët mpëky tu'uk yë ye'etyëjk mëti'ipë jaak'ëna'kën, kumeenypë ëkë mëti'ipë ëyoopën. E ka'ap jëtu'un të xytyuny.

Rut 1:8

E jam tu'u'am ma wäänë wyimpo'kxnaxtën. Jam ja Noemi t'ënëmaay ja xyäkxytyëjk: U'unkëty maayëty, nëjkxtë ma mtëjkëtyën ma ja mteety mtaak yajpaatën. Yë Wintsën yë'ë oy tsuj xëmë mëët'atëtëp, jëtu'un tä miitsëty janty'oy janty tsuj të xymyëët'atës mëët yë n'u'unk n'ëna'kës,

Jueces 21:8

¿Yaa ma ëëtsajtëmën jää jëtää pën mëti'ipë ka'ap të y'otsyën jam Mizpá Tioswintuuyë? Ënät ojts tja'amyätstë ko ja ja'ayëty mëti'ipë tsënaaytyëpën jam Jabés ma tnitänën yë Galaad, ka'ap y'ojtstë jam Mizpá ma ja nätyu'ukmukë y'ijtyën.

1 Samuel 15:13

Tä ja Samuel jam tsyo'ony ets ojts nyijkxy, jam ma ja Saúl ënäty yajpaatyën ets y'ënëmaayë: Yë Wintsën mkënu'kxëtëp. Tëës npatuny tä ja Wintsën të tni'ënä'ämën.

Génesis 14:19

ojts tkënu'kxy yë Abram mëët ya'atë aaw ayuk: Yë Tios Ni'ik Këjxmëpë mkënu'kxëtëp mjëkyäpëtëp, mëti'ipë yajkojën yë tsajp ets naaxwiinyëtë.

Génesis 14:22

Tyaa Abram y'ëtsooy: Tëës yë Tios nwinwanë, yë Tios Ni'ik Këjxmëpë, mëti'ipë tsajp ets naaxwiinyëtë yajkojën,

Josue 2:14

Ënät y'ëtsoowëtë: Ëëts nëjkx kë'ëm ntimkyuwa'antës yë mjuukyajtënëty, këtii ni pën xytyuk'ëwaanëty mëti'ipës yam të nkuminëtën, ko yë Wintsën ënäty ya'atë it naaxwiinyëtë ëëts të xymyo'otë. Miitsëty oy nëjkx myajjawëtë ets myajmëët'atë.

1 Samuel 11:1

Nahas mëti'ipë jam yajkutujkpën Amón, ojts nyijkxy jam Jabés ma ja Galaad itjotmën ets tyajtu'ukmujky ja tsyiptuunpëtëjk, tä tnitëkëja'any ja naax kajpn. E ja ja'ayëty jampë tsyëënëtën Jabés tyaa t'ëtsoowtë ja myëtsipëty: Tsojk ntu'unëm tu'uk yë käjpxtyu'unën ets tyam miits nmëtuntëty.

1 Samuel 11:9

Ënät t'ënëmaay ja mëti'ipë ënäty të tmëmintën ja aaw ayuk: Ënëëmëtë yë ja'ayëty mëti'ipë jam tsënaaytyëpën Jabés, ko jëpom kujkxyëëw ëëts nëjkx nyajtso'oktë. Ënät ojts jyänty nyëjkxtë ets tukmëmëtyaktë ja ja'ayëty jampë kyukajpn'atën Jabés, e ko jëtu'un tmëtoowtë mëk xyoontaktë.

2 Samuel 15:20

Mijtsën ëxë'ëynyëm mja'ty, ¿wi'ix n'ëk'ënëëmëty ets xypyaminëtyës, e ëjts nän ka'apës nijawë maas nëjkxy? Nikë winpit ets pawow yë mëkukajpn. Yë Wintsën yë'ë mkënu'kxëtëp ets mjämyëët'atëtëp xëmë.

2 Samuel 21:12

ënät ojts jam nyijkxy ets tyajpëtë'ky ja Saúl ja wyääy pyajk ets näjyëtu'un ja myaank Jonatán ja jyä'ä; yë'ë ënäty jam kyëwent'ajtëp yë Japës ja'ayëty jampë tsyëënëtën Galaad. Yë Jabés ja'ayëty jam ojts yë Saúl ets Jonatán yë wyääy pyajkëty tmäätstë Bet-sán, ma tkutëëytyën yë filistejë ja'ayëty ko tyaj'o'ktë jam Guilboa.