2 Samuel 2:1 - Biblia Mixe de Quetzaltepec

¹ Ko jëtu'un y'ëktuun y'ëkjajtë, yë David ka'ap ojts jëtu'unyë wyi'imy, ojts ja Wintsën tyajtëy, t'ënëmaay: ¿Wi'ix m'ëwatsyp etsës muum nëjkxëty kajpntumë? Tä ja Wintsën y'ëtsoowë: Ëjts n'ëwatsypës ets muum kajpntum mnëjkxëty. Tä ja David jatëkok tyajtëëy: ¿E maakajpn xy'ëwa'atsy nëjkxëtyës? Tä ja Wintsën y'ëtsooy: Jam mnëjkxëty Hebrón.

Biblia Dc en Mixe de Quetzaltepec

¹ Ko jëtu'un y'ëktuun y'ëkjajtë, yë David ka'ap ojts jëtu'unyë wyi'imy, ojts ja Wintsën tyajtëy, t'ënëmaay: ¿Wi'ix m'ëwatsyp etsës muum nëjkxëty kajpntumë? Tä ja Wintsën y'ëtsoowë: Ëjts n'ëwatsypës ets muum kajpntum mnëjkxëty. Tä ja David jatëkok tyajtëëy: ¿E maakajpn xy'ëwa'atsy nëjkxëtyës? Tä ja Wintsën y'ëtsooy: Jam mnëjkxëty Hebrón.

2 Samuel 2:1 ပူးပေါင်းရင်းမြစ်များ

Génesis 13:18

Paaty ja Abram ojts tyajpëtë'kta'ay yë jyëën tyëjk ma ënäty jam y'ity tsyëënën ets ojts nyijkxy tsënääpyë ma ënäty jam tu'uk ja it naaxwiinyëtën janty xojjotpë. Yë'ë ënäty tu'uk yë ja'ay nyiwäämpy tääpë naax mëti'ipë xyëëwajtypyën Mamré, myëwinkon'ajtyp ja Hebrón kajpn, jam ma tääpë naax kamën jam ojts yë Abram tu'uk yë wintsë'këntyakn tyaj'oyë ets ja Tios tmooy.

Génesis 32:2

Ko jëtu'un t'ijxy yë Jacob tää y'ënäny: Ya'atë n'ixyësën Tios yë tsyiptuunpëtëjk, paaty ojts txëëwmo'oy ja tampë ja it naaxwiinyëtë Mahanaim.

2 Samuel 15:7

Kom taxk jëmëjt ojts yë Absalón t'ënëëmë yë yajkutujkpë: Wintsën mëyajtënës yam mpëjktsoopy etsës xy'ëwatsëty yë ntu'u wä'änës n'ëknëjkxy jam Hebrón yë'ëjës nyaj'ëtukäämpy yë nwaantakënës mëti'ipës ojts jam ntunyën Tios wintum.

2 Samuel 2:11

jä'ä jam tyuuny wëxtujk jëmëjt ets ja tëtujk po'o, jam tmëët'ajty ja kyutujktakn jam Hebrón.

2 Samuel 5:19

David pojën ojts ja Wintsën tuk'ëwaanë ets tyajtëëy: ¿Wi'ix oy'atëp ets mëët yë filistejë ja'ayëty ntsiptunëtyësë? Tä ja Wintsën y'ëtsoowë: Oy, tsiptun mëët, tyam mijts nyajmëta'akëty.

2 Samuel 5:23

David ojts jatëkok yë wyintsën tuk'ëwaanë, ja Wintsën ojts y'ëtsoowinpityë ets y'ënëmaayë: Këtii wintuuytsyow xynyiminëty, jëxkë'ptsow xynyi'ëwtitëty ets jää xynyipëtë'ëkëty ko ënäty jam të mja'ty ma ja kepyjotyën mëti'ipë yajtijpën bálsamo.

1 Reyes 2:11

Jä'ä ojts y'ëne'emy ma ja Israel ja kajpnën wëxtyikxy jëmëjt; wëxtujk jëmëjt jam Hebrón ets i'px majk tëëk jëmëjt jam Jerusalén.

1 Crónicas 29:7

jä'ä y'akoonmujkëtyëp ma ja Wintsën ja jyëën tyëjk ënäty kyoja'anyën ets nyipejty mëko'px ja tëkë'px mëkoxk mil tsim, ëpëky ja majk mil ja meenywyä'kxy aakyë'ë pu'ts pujxn; ojts näjyëtu'un myuk tëkëëk mëko'px ja i'px majk mil tsim yë poop pujxn ets jawäänë kyatëtujk mëko'px mil tsimëty yë tsuxkpujxn ets tëkëëk mil ja tëkëëk mëko'px yë juunpujxn.

2 Crónicas 11:10

Sorá, Aialón ets Hebrón, mëti'ipë ta'tspëky ijtëpën jam ma Benjamín nyaaxjotmën ets ma Judá nyaaxjotmën.

Salmos 143:8

Ko jyopyëp'atëty, tuknija'awëkës yë mtsojkën mja'awën, mijtsyë tu'ukyë ntuk'ijxpejtyp. Tuknija'awëkës wi'ixës nja'ay'atëtyën, jä'ä ko yë ntsojkënës jamës npëjktä'äky ma mijtsën.

Salmos 27:4

Tu'uk je'eyë mëti'ipës n'amëtoopyën yë Wintsën, tu'uk je'eyë mëti'ipës ntsojkën'ajtypyën. Yë'ë koos xëmë n'itëty ma Wintsën yë tsyajptëjkën mapaatës njuuky'ätyën, ets n'ëwtata'any etsës n'ixa'any yë y'oyajtën.

Ezequiel 36:37

Ëjts Wintsën, jëtu'unës n'ëna'any: Mëj këjääjës winë ntuna'any. Nmo'ojäämpyës yam yë Israel kajpn mëti'ipës xy'amëtoopën ntunëtyës ma yë'ëjëtyën; jëtu'unës yë jyä'äy nyajnimayëyä'äny tä nyimayën yë kupixyny.

Números 13:22

Ënät ojts nyëjkxtë näjyëtu'un jam Négueb, nyajxtë ets jyajtë Hebrón. Jam ijty tsyëënëtë ja'ayëty, mëti'ipë yajtijtëpën Ahiman, Sesai ets Talmai, yë'ë yë Anac ja y'u'unk y'ok. Yë Hebrón wëxtujk jëmëjt jyëwiinëty ma ojts yajkojyën jam ja kajpn ets ok yë mëj kajpn mëti'ipë xyëëwajtypyën Zoan, mëti'ipë Egiptë nyitënääpyën.

Números 27:21

Yë Josué nëjkxëp kë'ëm nyäwya'këxë'ëkyë ma teety Eleazarën. E yë Eleazar yë'ë kyajpxkëxë'ëkëp maas ëjtsën mëët yë Urim. Josué yë'ë nëjkx tni'ënä'ämë tii mëpaat tuntën yë Israel ja'ayëty.

Josue 15:13

Josué ojts tmo'oy yë Caleb, yë Jefuné myaank wäänë yë naax mëti'ipë Judá ja'ay jyä'ä'ajtëpën, jä'ä pyatuun ja aaw ayuk mëti'ipë ja Wintsën ënäty të tni'ënä'ämën, yë'ë ojts tmo'oy ja Quiriat-arbá, mëti'ipë yajtijpën Hebrón, ma ijty tsyëënëtën tëëyëp ja Anac pajkyeny ja y'u'unk y'ok.

Jueces 1:1

Ko ja Josué y'o'ky, ënät ojts yë Wintsën tyajtëwtë, pën jëyëjp nyitëkëp ja Canaán ja'ayëty.

1 Samuel 10:22

Tä ojts ja Wintsën tmëkajpxtë ets tnijawëja'antë pën ja Saúl jam yajpaaty. Ënät Ja Wintsën y'ëtsoowinpijty ko ja Saúl tam ja ënäty yajpaaty je'eyëp ko tëë ënäty nyäyu'utsyë ma ja xyuumy tyaj'itën ja mayjyä'äyëty.

1 Samuel 23:2

tääts ja Wintsën ojts tmëkäjpxy ets tyajtëëy: ¿Wintsën, m'a'ijxëpë etsës nëjkx ntsiptuny mëët yë filistejë ja'ayëtyë? Ets ja Wintsën y'ëtsooy: Nëjkx, nëjkx mëët mtsiptuny ets nitsiptun yë Keilá kajpn.

1 Samuel 23:4

Ënät ja David ojts jatëkok tyajtëy ja Wintsën. E ja Wintsën tyaa y'ëtsoowë: Nëjkx jam Keilá, jä'ä ko tëëjës ntuknipëjktaakë koos nkë'ëmo'oja'any yë filistejë ja'ayëty.

1 Samuel 30:31

jam Hebrón ets maajaty jyëtijtën mëët ja jyä'äy.