2 Samuel 19:9 - Biblia Mixe de Quetzaltepec

⁹ Kajpn apëtsëmy aakyë'ë ja'ay nyikajpx nyimëtyaktëp ets y'ëna'antë: Yë yajkutujkpë David, yë'ë ojts xyaj'ëwaatsë pëtsë'ëmëmë ma ënäty ëxëëk yë filistejë ja'ayëty xy'atsë'k xy'aja'awëmën, e mëët ko yë Absalón nëkoo yajjotkëjxpë tääts kwanë ja nyaax kyajpn të t'ëxmatsy.

Biblia Dc en Mixe de Quetzaltepec

⁹ Kajpn apëtsëmy aakyë'ë ja'ay nyikajpx nyimëtyaktëp ets y'ëna'antë: Yë yajkutujkpë David, yë'ë ojts xyaj'ëwaatsë pëtsë'ëmëmë ma ënety ëxëëk yë filistejë ja'ayëty xy'atsë'k xy'aja'awëmën, e mëët ko yë Absalón nëkoo yajjotkëjxpë tääts kwanë ja nyaax kyajpn të t'ëxmatsy.

2 Samuel 19:9 ပူးပေါင်းရင်းမြစ်များ

2 Samuel 15:14

Ënät ja David t'ënëmaay ja myëkutuunktëjk jënu'un mëët yajpaatyën Jerusalén: Tsojk nkäkëmë, ko yaa n'ëku'ëtujkënëty ets Absalón xyaj'o'ktä'ämyëty. Ja'amta'ayëmë pëyi'ikyë këtiipë xynyajtspatëmëty, jä'ä ko yë'ë yajja'ay'okaanp ënät.

2 Samuel 5:20

Tä ja David jam jyä'äjty Baal-perasin, jam mëët yajxon tsyiptuuny ja filistejë ja'ayëty, ma ojts ka'ap tyajmëtä'äkyën. Paaty jam y'ënäny: Jëtu'un tä yë mëj nëëkom muum nyäxyën, jëtu'unës yë Wintsën yë nnë'ë ntu'u të xy'ëwatsë maas yë nmëtsiptëjkën, paatykyëjxm tampë ja it txëëwmooy Baal-perasim.

1 Samuel 19:5

Ix wa'ats xynyijawë ko ka'ap yë jyuukyajtën tpa'ëyooy ma tyaj'o'kyën ja filistejë ja'ay, e mëët yë'ëkëjxm yë Israel ja'ayëty ojts tpaatë ja nitsokën. Mijts yajkutujkpë wa'ats xy'ijxy ets wa'ats xynyijawë. ¿E wi'ix ko ënät nëkoo xyaj'ooka'any tu'uk yë ja'ay mëti'ipë ka'ap tii poky tmëëtëtyën, ma xytyuknipëjktaakën xyaj'ooka'any ja David?

1 Samuel 18:25

Saúl jä'ä ënäty wyinmay ko ja David yajka'ajäämpy ets y'ookëty ma ja filistejë ja'ayëtyën, paaty y'ëtsooy: Ënëëmëtë yë David ko jëtu'un tä jeexyë tyekyën mëti'ipë tëë yaj'ijxwë'ëmyën, ko pën pyëka'any, ëjts mëti'ipë ënä'ämpën jëtu'unës yam n'ëna'any ko ni'ikë oy yë'ë tyakëty tu'kmëko'px yë filistejë ja'ayëty, je'eyëp ko ookynyë ets tnëtsujktaayëty yë ye'etyëjk'ajtënëty yë nyi'ak, jëtu'untsës ëjts ntukjotxäämëty ja nmëtsiptëjkës.

1 Samuel 17:50

Jëtu'un ja David ja nyitsaa mëët ja tsaawëjëtu'un kujk tmooy ma tjawëtyën wintu'upëky ets yë'ë tmë'ookëty. E ja David ka'ap ja pyujxn ënäty tii,

Éxodo 32:24

Ënätës ojts n'ëtsoy: Pën yë pu'ts pujxn myëët'ajtyp wä'än ëpëky tmëminy. Ënät të xymyo'otës yë maypyu'tspujxn etsës të nyajwin'ëëtsy, jëtu'un ya'atë awinax të kyojy, mëti'ipë jëtu'un yaj'ijxpën tsajpkaajën.

2 Samuel 19:10

E ja Absalón mëti'ipë ojts njatuknipëjkëmën ets jeexyë yë'ë yajkutuky, tëë ja y'o'knë jam tsipjotm. ¿E tyam tii n'ëwxijtëmë ko ka'ap nyajwinpijtëmë jatëkok ja David?

2 Samuel 19:40

Ja yajkutujkpë jam ojts nyijkxy Guilgal, tam ja Quimham pyanëjkxyë ets tëkokyë ja Judá ja'ay ets näjyëtu'un kujkwä'kxy ja Israel ja'ayëty.

2 Samuel 22:44

Mijtsës të xyajnitso'oky ma ja naax kajpnën ëxëëkpë, etsës të xypyëjktä'äky Wintsën, ma ja naax kajpn ja mëjatyëtypë, tëë xymyëtuntës ja ja'ay ka'apës ënäty n'ixy'ätyën.

Salmos 18:43

Tëës mijts xyajnitso'oky ma ja naax kajpnën mëti'ipë käjpxy kyumëtoownajxpën. Tëës xypyëjktä'äky yajkutujkpë ma ja naax kajpnën ets të xymyëtunyës ja ja'ay ka'apës ënäty n'ixy'ätyën.

2 Samuel 18:17

Tä ja Absalón ja nyini'kx ojts jap jutjoty t'ajëpipëtë mëti'ipë ënäty jam yuukjotmën, jamts tu'uk ja mëjtsaawääpy tyajpëtë'ktë, ja Israel ja'ayëty ojts ja kyäkta'atë, jam nyëjkxtaaytyë ma tyëjkëtyën.