2 Samuel 19:41 - Biblia Mixe de Quetzaltepec

⁴¹ Ënät ni'ëmukë ojts tninëjkxtë ja yajkutujkpë ets t'ënëmaaytyë: ¿Tii ko yë Judá jyä'äy, mëti'ipë ëëts nmëku'uk'ajtëpën yë'ë tyimjä'ä'atantëp ja yajkujkpë ets yë'ë timtyu'uwinwowa'antë ets tyajnëënaxa'antë ja yajkutujkpë mëët ja y'u'unk y'ëna'k ma ja Jordán nëëjën?

Biblia Dc en Mixe de Quetzaltepec

⁴¹ Ënet ni'ëmukë ojts tninëjkxtë ja yajkutujkpë ets t'ënëmaaytyë: ¿Tii ko yë Judá jyä'äy, mëti'ipë ëëts nmëku'uk'ajtëpën yë'ë tyimjä'ä'atantëp ja yajkujkpë ets yë'ë timtyu'uwinwowa'antë ets tyajnëënaxa'antë ja yajkutujkpë mëët ja y'u'unk y'ëna'k ma ja Jordán nëëjën?

2 Samuel 19:41 ပူးပေါင်းရင်းမြစ်များ

Jueces 12:1

Ënät ja Efraín ja jyä'äyëty ojts nyäyajmukëtë ets tsyo'ontë, nyinajxtë yë Jordán mëjnëë, jamtsow ënäty nyëjkxtë Zafón, ko jam jyajtë, ënät ojts t'ënëëmëtë ja Jefté: ¿Wi'ix koos të xykyatuk'ëwaanëtë, ko të mnëjkxy tsiptuunpë mëët yë Amón ja'ayëty, tëëyëp mpanëjkxtë? E tyam mëët ko ka'ap të xynyikäjpxy myajnino'okëp ënät mëët yë mtëjk.

Jueces 8:1

Yë jyä'äyëty yë Efraín ojts tukjoot'anpëktë yë Gedeón, jä'ä ko ka'ap ënäty të wyowëtë ko tsyo'ony tsiptuunpë ma ja Madián ja'ayëty mëët tsyiptuna'anyën.

2 Samuel 19:3

Yë'ëpaat ja tsiptuunpëtëjkëty mëti'ipë ënäty ojts të tsyiptuntën, ayu'utsy ame'tsyë jyaaktëjkëtyë kajpnjotm: Mëët ja tsëtyu'un oy wi'ix jyaak ja'ajtë jam kajpntum jëtu'un tä jeexyë muum ja myëtsip ka'ap të yajmëta'akëtën.

2 Samuel 19:11

Ya'atë käjpxy mëtyä'äky mëti'ipë ënäty tu'kkajpn yajmëtoopën ojts jampaat yajnijawë ma David ja kyutujktaknën. Ënät ja David tkäjpxynyikejxy ja teety Sadoc ets Abiatar, t'ënëmaay: Mëtya'aktë miitsëty mëët yë mëjja'aytyëjkëty mëti'ipë Jadá ja'ayëtyën ets yajtëwtë tiitën ko tyajpo'oxtë etsës jatëkok nwinpitëty maas yë nkutujktaknën.

2 Samuel 19:12

Ënëëmëtë ko ka'ap y'oyëty ko yë'ëjëty oknëm y'ëna'antëty etsës nwinpitëty maas yë nnaax nkajpnën, njëëky nmëku'ukës yë'ëjëty, wä'än tmëmay tmëtajtë.