2 Samuel 19:37 - Biblia Mixe de Quetzaltepec

³⁷ Ëjts yi'iyës yam mpëjktsowäämpy yë yajkutujkpë etsës xy'ëwatsëty yë ntu'u wä'änës n'ëknëjkxy maas yë nkajpnën, jamës n'ookëty ets jamës naaxtëkëty ma jam kyo'knëtën ja n'aptëjkës. E pën jëtu'unts mtimy'ënä'äny, tyam tyaapë n'u'unkës ntukpakexy mëti'ipë xyëëwajtypyën Quimham. Oy yë'ë mpanëjkxëtëty, mijts yë mnija'ap wi'ix jam xymyëët'aty.

Biblia Dc en Mixe de Quetzaltepec

³⁷ Ëjts yi'iyës yam mpëjktsowäämpy yë yajkutujkpë etsës xy'ëwatsëty yë ntu'u wä'änës n'ëknëjkxy maas yë nkajpnën, jamës n'ookëty ets jamës naaxtëkëty ma jam kyo'knëtën ja n'aptëjkës. E pën jëtu'unts mtimy'ënä'äny, tyam tyaapë n'u'unkës ntukpakexy mëti'ipë xyëëwajtypyën Quimham. Oy yë'ë mpanëjkxëtëty, mijts yë mnija'ap wi'ix jam xymyëët'aty.

2 Samuel 19:37 ပူးပေါင်းရင်းမြစ်များ

Jeremias 41:17

Jam tsyo'ontë ets jyajtë Guerut-quimam, winkon ma mëët yë Belén nyäpyäätyë, jam ojts wäänë pyo'kxtë. Jap ënäty të tnipëjktaakëtë jya'ta'antë Egiptë;

1 Reyes 2:7

Yë'ë tëy yë Barzilai, jampë kyukajpnëtyën Galaad, m'oyjyawëp ets myajkay myaj'uukëp, jä'ä ko yë'ëjës ojts mëk xykyëwent'aty koos ja Absalón xyajkeky xyajpujty.

2 Samuel 19:40

Ja yajkutujkpë jam ojts nyijkxy Guilgal, tam ja Quimham pyanëjkxyë ets tëkokyë ja Judá ja'ay ets näjyëtu'un kujkwä'kxy ja Israel ja'ayëty.

2 Pedro 1:14

Tëë ja Wintsën Jesukristë xytyuknijawës wäänë jyaak ijty ets ya'atë juukyajtën n'ëxmatsa'anyës;

2 Timoteo 4:6

Ëjts, yoxyës n'ijnë, tëë timpyääty maajës n'ooka'anyën.

1 Reyes 13:22

ko të mwinpity kääpyë ukpë ets tëë yë Wintsën m'ënë'ëmxëty ko nitu'uk aawën mëpaat tii yaa mkanätyuk'apëkëty ma ya'atë naax kajpnën, ko m'ookëty, yë mjot mnini'kx ka'ap nëjkxy jam nyaaxtëkë ma ja m'ap m'ok nyaaxtëjkëtyën.

Josue 23:14

Ëjts wäänës njaakjuuky'äty täätsës n'o'knëty, e jëyëjp ntsojkpyës ets yajxon xynyijawëtëty winë aaw winëjot ko yë Wintsën tëë winë oy tuunta'ay ijxtëm ojts twinwanën. Nitu'uk yë y'aaw y'ayuk të tkaninaxy.

Génesis 50:13

Ojts jëtu'un jam tmënëjkxtë Canaán ets jam tyajnaaxtëjkëtyë ma ja aankën mëti'ipë jamën Macpelá, mëti'ipë ojts yë Abraham tjuyën, yë'ë tukmëto'kë Efrón ja Hit ja'ay ets jam nyaaxtëkëtëty jënu'un tyu'kjëëky'at tyu'kmëku'uk'atën. Ya'atë it naaxwiinyëtë ma jam ja aankën jam yajpaaty awinmtsow jam Mamré.

Génesis 48:21

Ënät t'ënëmaay yë José: Ëk'ix ëjts tsojkës n'ookanë, Tios yë'ë mkënu'kxanëtëp ets mëët'ita'anëtë ets yë'ë näjyëtu'un nëjkx jatëkok myajwinpitëtë ma ja y'it nyaaxwiinyëtën ja m'ap m'okëty.

Génesis 47:30

Koos ëjts nëjkxnëty po'kxpë maas jam ja n'ap n'okëtyën, xyajpëtsëmëpës yaa Egiptë etsës jam nëjkx xyajnaaxtëkë ma jam yë'ëjëty pyo'kxtën. Oyës jëtu'un mtunëty, jëtu'un y'ëtsooy yë José.

2 Samuel 19:36

Ëjts yi'iyës nimiimpy ets mijts mëj'ënä'ämpë mputëkëja'any ma ja mëjnëë xytyuknaxa'anyën, mijts mëj'ënä'ämpë nëkoopës jëtu'un xyjyaak'ënëëmë ko npanëjkxëty jam Jerusalén.

2 Samuel 19:38

Tä ja yajkutujkpë y'ëtsooy: Wä'än yë Quimham xypyaminyës ets tyamës jëtu'un nmëët'atëty tä mijts xytsyokyën. Ets tëkokyë tiijës mijts xy'amëtoop, tyam nmo'ojëty.

1 Reyes 4:5

Azarías, yë myaank yë Natán, jä'ä ojts y'ity tëjk këwent'ajtpë; e yë Zabud, yë myaank yë teety Natán, jä'ä ojts y'ity kajpxtëëpë ma ja yajkutujkpën;