2 Samuel 19:22 - Biblia Mixe de Quetzaltepec

²² E ja David tyaa y'ëtsooy: Ya'atë ka'ap miitsëty mpaatëtë, miitsëty Sarvia y'u'unk y'ëna'k. ¿Wi'ix ko xyjyëjpkukajpxëtës? Ëjts wa'atsës nijawë ko ëjts yajkutujkpë'ajtp ma Israel kajpnën, tyam ni pën mëpaat kya'ooky.

Biblia Dc en Mixe de Quetzaltepec

²² E ja David tyaa y'ëtsooy: Ya'atë ka'ap miitsëty mpaatëtë, miitsëty Sarvia y'u'unk y'ëna'k. ¿Wi'ix ko xyjyëjpkukajpxëtës? Ëjts wa'atsës nijawë ko ëjts yajkutujkpë'ajtp ma Israel kajpnën, tyam ni pën mëpaat kya'ooky.

2 Samuel 19:22 ပူးပေါင်းရင်းမြစ်များ

2 Samuel 16:10

E ja ënä'ämpë tyaa y'ëtsooy: Ya'atë ka'ap myijtsëty mpaatyë, yë Sarvia y'u'unk y'ëna'k. Pën xypyojkpës wä'änxyëp yë Wintsën yë'ëjëty të y'ëne'emyë. E pën janty jëtu'unts, ¿pën mëpaat wi'ix y'ëktunyë?

1 Samuel 11:13

E ja Saúl ënätyë ojts tukkajpxë ets y'ënäny: Tyam ni pën mëpaat kya'ooky, jä'ä ko yë Wintsën yë'ë të tyajtso'oky yë Israel kajpn.

2 Samuel 3:39

Paaty oyxyëp yë Wintsën të xyjyapëjktakpës ënä'ämpë yajkutujkpë ma ja naax kajpnën ëjts ka'apës näjyawëty tii nkëjxmëty mëët ko ëxëëk y'ëtë'ëtstë y'ëna'antë yë Sarvia y'u'unk y'ëna'k. Yë Wintsën yë'ë nyija'ap wi'ix tukumëtoy ja ja'ay mëti'ipë winë tyuuntëkoopy kyajpxtëkoopyën.

Mateo 8:29

Ets tyëjkëtyë yaxpë jojkpë: Këtii nëkoo yaa miny ma ëëtsëtyën etsës xymyëmayëtëty, Tios mijts m'u'unk'ajtëp. ¿Ëkë yë'ë mnimiimpy ets xyaj'ëyowa'antësë? Tyam ka'ap ja xëëw po'o tpaatynyëm.

Isaías 16:5

Yë David yë y'u'unk y'ok yë'ë nëjkx tpaaty ja kutujktakn, mëti'ipë yajkutukaanpën mëët ja tëyajtën. Mëtëy nëjkx winë tnipaye'ey, jëtu'un tä y'ixëtyën ja poky ets mëtëy tyaj'ita'any ja ënä'ämën tëyajtën.

1 Samuel 26:8

Tä ja Absai t'ënëmaay ja David: David, yë Wintsën jëtu'un të tkë'ëyäky yë mmëtsip ma mijtsën. Mijts m'ëna'anëp etsës nyaj'ookëty, minës mëët yë kyë'ëmku'umën n'ëk tuknaaxmëtijë. Tu'ukyë je'eyë nyikë'ë ni'aaw.

2 Samuel 16:9

Ënät ja Abisai, yë Sarvia myaank t'ënëmaay ja yajkutujkpë: ¿Tim pën jëtää tyaapë ja'aynyë ets jëtu'un ëxaty t'ënëëmëty ja yajkutujkpë? tyamës yaa nëpujxëty yë kyëpajk.

1 Samuel 26:9

E ja David tyaa y'ëtsooy: Ka'ap, këtii xyaj'ookëty, jä'ä ko pën kyë'ënixäjpy ja mëj'ënä'ämpë mëti'ipë yë Wintsën kë'ëm të twin'ixyën, ka'ap yë'ë jëtu'unyë nyäyajna'ixëty.

1 Samuel 26:11

Yë Wintsën yë'ëjës xykyuwa'anëp ets ka'ap wi'ix ntunëtyës ja mëj'ënä'ämpë mëti'ipë yë'ë kë'ëm të twin'ixyën. Paaty yam n'ënëëmë ni'ik yi'iyë pëjkë'kë yë nyëë'a'ukëm ets kyu'umën tampë kyëpäjky tyaj'ityën.

2 Samuel 16:5

Ko yë David jyä'äjty ma jam ma Bahurim kopkën, jam nyipëtsëëmë tu'uk yë ja'ay jä'ä xyëëwajtyp Simí, yë'ë yë Saúl yë jyä'äy. Yë'ë ja myaank ja Guerá ets wiinkjaty jyänty ënë'ëmxëty, jyänty pyokyë,