2 Samuel 18:9 - Biblia Mixe de Quetzaltepec

⁹ Yë Absalón ajotkumonë ojts twinkuja'të ja David ja jyä'äy, jëyujkkëjxm ënäty myiny. Ënät ja jëyujk y'äämtyëjkëy jam xojjotm ets ja Absalón tu'uk ja xoj kepy xe'enty y'akajptujkë yo'knkëjxm, jam ojts wyi'imy pojjotm jä'ä ko ja jyëyujk ojts pya'atye'eytyu'utyë.

Biblia Dc en Mixe de Quetzaltepec

⁹ Yë Absalón ajotkumonë ojts twinkuja'të ja David ja jyä'äy, jëyujkkëjxm ënety myiny. Ënet ja jëyujk y'äämtyëjkëy jam xojjotm ets ja Absalón tu'uk ja xoj kepy xe'enty y'akajptujkë yo'knkëjxm, jam ojts wyi'imy pojjotm jä'ä ko ja jyëyujk ojts pya'atye'eytyu'utyë.

2 Samuel 18:9 ပူးပေါင်းရင်းမြစ်များ

2 Samuel 14:26

Ko ijty yajkeepy winjëmëjtëty, jä'ä ja wyääy jye'emtyëty mäjtsk kilë.

Proverbios 30:17

Mëti'ipë ja'ay ja tyeety y'ëxëëk'ijxypyën ets je'eyë ja tyaak tnëxi'iky tukxi'iky ko myëjja'ayënë, tääpë jëtu'unpë ja'ay nitëjkëyëp ets lut tsyu'tspëtsë'ëmxëtëty yë wyiin ets witsn y'awoon y'apotëtëty.

Job 31:3

¿Ti këtiijën yë'ëjëty ja ëxëëkja'aytyëjk ets ja pokyjyä'äytyëjk pyaat'atëtë ja ëyo'on jotmayë?

Gálatas 3:13

Tëë ja Kristë xyajpëtsë'ëmëmë ma ijty kajpxpoky n'ijtëmën, jä'äkyëjxm ko ja Kristë ojts nyätyukjä'ätijyë ja kajpxpojkën mëti'ipë ënäty ëëts njä'ä'ajtëmën, jëtu'un këxja'ay myiny: Kajpxpoky tu'kë'ëyë winë y'ity mëti'ipë kepykyijxy këx'o'kpën.

Marcos 7:10

Jä'ä ko ja Moisés y'ënäny: wintsë'ëkëtë mtaak mteety, ets pën ja tyaak tyeety pyojkpy, ookëp yë'ë.

Jeremias 48:44

Mëti'ipë ënäty kyukekpyën ja ja'aymyajtspë, jutjoty nëjkx kyuka'anaxy; e mëti'ipë ënäty jutjoty pëtsëëmpën, jam nëjkx nyaskääkë ma yajxokyën, jä'ä koos ënäty jëtu'un kë'ëm ntëytyuunpyës ja Moab. Ëjts Wintsën, ëjts ënaanp.

Proverbios 20:20

Mëti'ipë ja'ay pyojkpyën yë tyaak tyeety, kupi'its kukoots y'ooka'any ets atsë'ëk ajawë.

2 Samuel 18:14

Nëjkx, ka'ap yam je'eyë nmëëtmëtya'ka'any, jëtu'un y'ëtsooy ja Joab; ënät tëkëëk tkoonë'ky ja tsujkn u'unk ets tukmoxmëka'tsëy ja Absalón, jam ma jyuukyjotën jaakjuukynyëm ënäty jam tyiiynyë xojkëjxm ma ja kepyxye'entyën.

2 Samuel 17:23

Ko ja Ahitófel t'ijxy ko ja wyinma'any ka'ap të tyuny, tää tniwë'ëny tnijujky ja jyëyujk ets ojts nyëjkxnë ma tyëjkën, jam ma ja nyaax kyajpnën ma ënäty të myinyën naaxwiiny. Ko tyajwintu'upëjktaay ja jyotmay jampë ma jyëën tyëjkën, tä nyäyaj'o'kë. Jëtu'un y'oky ets jam nyaaxtëjkëy ma ja tyeety nyaaxtëjkëyën.

Deuteronomio 27:20

Poky yë ja'ay wyë'ëmëty mëti'ipë myëët'ajtypyën yë tyeety yë tyo'oxytyëjk. Jä'ä ko tyeety jëtu'un ënäty yë myëyajtën wyintsë'kën yajtëkooyëp. Ënät ja ja'ay y'ëtsowtëty: Oy, jëtu'un'atëp.

Deuteronomio 27:16

Poky yë ja'ay wyë'ëmëty, mëti'ipë ka'ap ja tyeety tyaak tmëj'ixy t'mëjpëjktä'äkyën. Ënät ja ja'ay y'ëtsowtëty: Oy, jëtu'un'atëp.

Deuteronomio 21:23

Yë jyot nyini'kx ka'ap mëpaat wyi'imy tu'ktsuupaat këxtëy ma ënäty të y'ookyën, ënätyë xyajnaaxtëkëtëty ko ënäty të tsyu'ujënyë jä'ä xëëw. Jä'ä ko yë Wintsën mëti'ipë mTiosajtëpën pyojkpy yë ja'ay mëti'ipë kutëy o'kpën kepykyijxy, miitsëty ka'ap mëpaat nëkoo ja it naaxwiinyëtë xyaj'ëxëëkëtë mëti'ipë ja mWintsën mo'ojanëtëpën ets xyjyä'ä'atëty.

Mateo 27:5

Ënät ja Judas ja meeny tnajtswëjëy jap tsajptëkoty ets ojts nyijkxy tääts nyäyo'ktëëyë.

2 Samuel 13:29

Ja tyuunpëtëjk ojts ja wyintsën tjanty myëmëtowtë, yaj'o'ktë ja Amnón. Ënät tëkokyë ja yajkutujkpë David ja y'ëna'ktëjk wyatsë'ktaaytyë ets kyäktë.

2 Samuel 18:8

Ja tsip yajxon ojts myëktaknë mëjwiin këjää jä'ä xëëw, ja yukjot ni'ik ja ojts yaja'ay'o'knë këtiinëm jyëtu'unëty ja tujn pujxn.

2 Samuel 18:10

E ojts tu'uk ja ja'ay t'ixy ko ja Absalón tam tyiiynyë kepy xye'entykyëjxm ets tuk'ëwa'anëy ja Joab, t'ënëmaay: Tëës yë Absalón n'ixy tam xim tyiiynyë ma kepyxye'entyën.