2 Samuel 18:33 - Biblia Mixe de Quetzaltepec

³³ Ënät ja yajkutujkpë ojts jyoot'amutskë ets pya'tëjkëy jap këjxy ma ja tëjkën mëti'ipë yajpatpën jap ma ja tëjk akajkopkën ets tyëjkëy jëëpyë yaxpë. Jëtu'un jap nyäxy tyëkë ets y'ënä'äny: Absalón, u'unk maay. Absalón, u'unk maay. Nikë oyës jeexyë ëjts të n'ooky ets ka'ap myijtsëty. U'unk maay, Absalón, u'unk maay.

Biblia Dc en Mixe de Quetzaltepec

³³ Ënet ja yajkutujkpë ojts jyoot'amutskë ets pya'tëjkëy jap këjxy ma ja tëjkën mëti'ipë yajpatpën jap ma ja tëjk akajkopkën ets tyëjkëy jëëpyë yaxpë. Jëtu'un jap nyäxy tyëkë ets y'ënä'äny: Absalón, u'unk maay. Absalón, u'unk maay. Nikë oyës jeexyë ëjts të n'ooky ets ka'ap myijtsëty. U'unk maay, Absalón, u'unk maay.

2 Samuel 18:33 ပူးပေါင်းရင်းမြစ်များ

2 Samuel 19:4

E ja yajkutujkpë tyam ja ni'ikyë nyäwyinmäx nyäwyimpo'tëpë mëët ko ja myaank tjantynyiyä'äxy ets mëk jyänty'ënä'äny: Absalón, u'unk maay; Absalón, u'unk maay, u'unk maay.

Proverbios 17:25

Yë u'unk ëna'k mëti'ipë tsuujën, je'eyë tyaak tyeety tyajjoot'anpëky ets tyajmony tyajtuky.

Proverbios 10:1

Ya'atë Salomón y'aaw'ajtyp y'ayuk'ajtyp: Yë u'unk ëna'k wijypyë ets mëti'ipë winë nyija'apën yajxoontäkpy yë tyeety tyaak; e ja mëti'ipë winma'anytyukën ets tsuujën je'eyë ja tyeety tyaak tyajmony tyajtuky.

Salmos 103:13

Yë Wintsën jëtu'un Tyios'aty tä tu'uk u'unkteetyën ma ja'ayëtyën mëti'ipë mëjpëjktakëpën,

Romanos 9:3

ja ënaanpës ets jeexyë kajpxpoky n'ityës, nmëjëkäm'atyës ja Kristë ets tuk'oy'atëty ja nmëku'uktëjkës, nmëjutiis ja'ayës.

Éxodo 32:32

E tyam mijts mëj këjää nmënu'kxtä'äky ets xypyokymyä'kxëty, e pën kajts xypyokymyä'kxa'any, ni'ik oyës yë nxëëw xytyimjo'tsëty japë ma mnokyën këxja'ay y'ityën.

Santiago 5:17

Ja Tios ja kyäjpxynyajxpë Elías, näjyëtu'un y'ijty ja'ay ijxtëm ëëtsajtëmën, ko ja Tios tja'amyejtsy ets ja nëë tuu ka'ap myinëty, ka'ap ojts tyu'uy tëkëëk jëmëjt ja kujkm.

Génesis 21:11

Ko jëtu'un tmëtooy yë Abraham, mëk ojts tjawë, jä'ä ko yë'ë ënäty näjyëtu'un y'u'unk ja Ismael.

2 Samuel 14:1

Joab ojts tnijawë, ko yë yajkutujkpë David mëk ënäty tpa'ëyoy yë Absalón,

2 Samuel 19:1

Ko ja ja'ay tnija'awëtyë ko ja yajkutujkpë wiinkëm ja y'u'unk Absalón tpa'ëyoownë ets tnijëëy tniyäxnë, ënät ojts ja Joab tuk'ëwaanëtë. E jëtu'un'äämpy ja mëti'ipë ënäty tyijtëpën jeexyë ja yajkutujkpë tukxoontä'äky mëët ko të myëta'aktë, monyëtukyë ojts y'awinpity.