2 Samuel 18:27 - Biblia Mixe de Quetzaltepec

²⁷ Ja japë tëjkëjxy y'ijxke'ekyën mëti'ipë ayuk yajkpën, tyaa jyaak'ënany: Mëti'ipë jëyëjp miinpën jëtu'unës n'ixy jä'ä yowë Ahimaas, yë Sadoc yë myaank. Yë'ë, oyjyä'äy yë'ë, oy aaw oy ayuk yë yajmiinpy, jëtu'un ja yajkutujkpë y'ënäny.

Biblia Dc en Mixe de Quetzaltepec

²⁷ Ja japë tëjkëjxy y'ijxke'ekyën mëti'ipë ayuk yajkpën, tyaa jyaak'ënany: Mëti'ipë jëyëjp miinpën jëtu'unës n'ixy jä'ä yowë Ahimaas, yë Sadoc yë myaank. Yë'ë, oyjyä'äy yë'ë, oy aaw oy ayuk yë yajmiinpy, jëtu'un ja yajkutujkpë y'ënäny.

2 Samuel 18:27 ပူးပေါင်းရင်းမြစ်များ

2 Reyes 9:20

Tä ja tsiptuunpë mëti'ipë jam këwent'ajtpën ojts jatëkok tnikäjpxy ets y'ënäny: Mëti'ipë tyam ok të nyijxyën tëë näjyëtu'un jam jyaja'ty, je'eyëp ko nän ka'ap wyimpity ets jëtu'un yaj'ixy mëti'ipë yë pujxnwintëkäämpë yajye'epyën yë'ë yowë Jehú, yë y'ok'u'unk yë Nimsi, jä'ä ko jëtu'un tyajye'ey yë kepy wintëkäämpë tä tu'uk yë ja'aykyupojën, jëtu'un ijxtëm jyä'äy'ätyën.

1 Reyes 1:42

Tam ënäty jëtu'un tyim'ënaanta'ay, tyaa pëyi'ikyë kyuwa'akë yë Jonatán, yë teety Abiatar yë myaank. Tä ja Adonías y'ënëmaayë: Tëkë tëkoty, mijts mëj'äämpy m'ity, paaty wä'änxyëp oypyë ja aaw ayuk xymyëminy.

Romanos 10:15

¿E wi'ix tkajpxwa'kxtëty pën ka'ap pën kyäxëtë? Ijxtëm ja kuja'ay myinyën: Janty'oy yaj'ixy ko jya'të mëti'ipë yajmiintëpën ja oy aaw oy ayuk.

Isaías 52:7

Janty oy janty tsuj yaj'ixy yë ja'ay mëti'ipë oy aaw oy ayuk myëmiinpy yajmiinpyën tunjotypë kopkjotypë, mëti'ipë nyikäjpxypën ko ka'ap y'ëkjää'atanë jëën tsip, mëti'ipë nyikäjpxypën ko pyaatantëp ja ja'ay ja ëwaatsëtuuy'ajtën ets t'ënëmaay ja Sión kajpn: Yë mWintsën, yë'ë yajkutujkpë'ajtp.

Proverbios 25:25

Jëtu'un tä xeemynyëë ja'ay t'uukyën, jëtu'un yajjawë ja oy aaw oy ayuk mëti'ipë jëkäm tso'onpën.

Proverbios 25:13

Ja ja'ay mëti'ipë oy käjpxyyajkpën jotkujk tpëjktä'äky ja mëti'ipë käjxëpën, jä'ä ko jëtu'un nyäjyawëty tä jeexyë tip kyä'äyën ma myëk'anyën.

2 Samuel 18:26

ënät ja wiinkpë t'ijxpaty ko tam pëyi'ikyë myiny ets tuk'ëwa'anëy ja mëti'ipë jap ja tëjk'aaw kyëwent'ajtypyën: Tam wiinkpë ja'ay myiny pëyi'ikyë. Nen oy aaw oy ayuk ënät yajmiinpy, jëtu'un ja yajkutujkpë y'ëtsooy.