2 Samuel 18:14 - Biblia Mixe de Quetzaltepec

¹⁴ Nëjkx, ka'ap yam je'eyë nmëëtmëtya'ka'any, jëtu'un y'ëtsooy ja Joab; ënät tëkëëk tkoonë'ky ja tsujkn u'unk ets tukmoxmëka'tsëy ja Absalón, jam ma jyuukyjotën jaakjuukynyëm ënäty jam tyiiynyë xojkëjxm ma ja kepyxye'entyën.

Biblia Dc en Mixe de Quetzaltepec

¹⁴ Nëjkx, ka'ap yam je'eyë nmëëtmëtya'ka'any, jëtu'un y'ëtsooy ja Joab; ënät tëkëëk tkoonë'ky ja tsujkn u'unk ets tukmoxmëka'tsëy ja Absalón, jam ma jyuukyjotën jaakjuukynyëm ënety jam tyiiynyë xojkëjxm ma ja kepyxye'entyën.

2 Samuel 18:14 ပူးပေါင်းရင်းမြစ်များ

1 Tesalonicenses 5:3

Ko ja ja'ay y'ëna'antëty: Jotkujk tyam, ka'ap tii tyunyë jyätyë, ënät nëjkx ajotkumonë tyukja'tëtë ja ëyo'on, ijxtëm tu'uk ja to'oxytyëjk tyukminyën ja pëjkën ijxën ko ja y'u'unk myëxu'unk'ita'any ets nimaa ja yu'tstakn kya'ita'any.

Mateo 12:40

Jëtu'un ijxtëm ja Jonás ojts tëkëëk xëëw tëkëëk tsuu y'ijtyën jap ajkx jootjoty, näjyëtu'unës tëkëëk xëëw tëkëëk tsuujës n'itëtä'any naaxjoty. Ëjts, naaxwiinyëtë ja'ay y'U'unk.

Salmos 45:5

Mijts yajkutujkpë, aak mwinkoxtënaayëp yë ja'ay wiink kajpnëpë tsyoontën, yajxon yë mti'pxn jyëjpme'eyëty, ets ko mmëtsip pyäätyë timtukjë'p najxëp yë jyot wyinma'any.

2 Samuel 18:5

Ojts yë David, mëti'ipë ënä'ämpën, t'ënëëmë yë Joab, Abisai ets Itai ko mëk t'ixtëty ets ka'ap wi'ix tuntëty yë Absalón, ko jëtu'un yë David y'ënäny ojts yë ja'ay tmëtoowta'atë.

2 Samuel 14:30

Ënät ojts ja Absalón ja tyuunpëtëjk t'ënëëmë: Ëk'ixtë, yë Joab yë'ëjës mëët tu'ukyë nätyu'kmëkam'atyë, e jam ma kyamën tam tyam yajxon tyajyoontä'äky yë tsajpmok, nëjkxtë ets xyjyëën'ixkonëtëty wä'än tnitooytyä'äy. Ja Absalón ja tyuunpëtëjk ojts jyänty nyëjkxtë ets tjëën ixko'onëtyë ja tsajpmok kam, wa'ats tyajtooytyääytyë,

Jueces 5:31

Jëtu'un mëpaat kyutëkooytya'atë mijts yë mmëtsip Wintsën, e ja ja'ay mëti'ipë mtsojkëpën mja'awëpën wä'än jëtu'un të'kxtë tjajtë tä xyëëw'anyën. Ko ya'atë tsip nyäjxy, jä'ä ojts yë Israel kajpn jotkujk yajpaaty wëxtyikxy jyëmëjt.

Jueces 5:26

Jëxkë'ptsow tnixajnajxy ja kepyjyëjpxu'uny mëët yë y'anajnykyë'ë, ets ja pujxnkuwojpën mëët ja y'a'oykyë'ë tukutäjxë'ky kyëpajkëjxy amëjaaw, ojts tuknaaxmëtijë mëët, wa'ats ja kyuko'oxy ojts täjxpëtsëëmtaayë

Jueces 4:21

Ja Sísara yajxon ënäty y'ënu'kxënyë, paaty ënätyë myaanajxy. Ënät yë Jael ojts tu'uk yë kepy tkajppë'ëky jëtu'un yaj'ixy tä nipntajkën ets tu'uk yë pujxnkuwojpën ets tmëwinkoony ja Sísara ame'tsyë ma ënäty jam myä'äyën, ënät tukkuwojpë'ky ja kepyjyëjpxu'uny ets tuknaaxkuwojpëy mëët ja pujxnkuwojpën. Jëtu'un'äämpy ojts tyaj'ooky ja Sísara.

2 Samuel 12:10

Mëët koos ka'ap të xymyëj'ixy, ko të xypyëjkë ja Urías ja tyo'oxytyëjk, ja Hit ja'ay, jam ma mjëën mtëjkën itëp jam xëmë ja tsip äkë.

2 Samuel 18:15

Ënät myiintë nimajk ja Joab ja tyuunpë ets tjaak timyaj'o'këtaktë.

2 Samuel 19:1

Ko ja ja'ay tnija'awëtyë ko ja yajkutujkpë wiinkëm ja y'u'unk Absalón tpa'ëyoownë ets tnijëëy tniyäxnë, ënät ojts ja Joab tuk'ëwaanëtë. E jëtu'un'äämpy ja mëti'ipë ënäty tyijtëpën jeexyë ja yajkutujkpë tukxoontä'äky mëët ko të myëta'aktë, monyëtukyë ojts y'awinpity.

2 Samuel 19:11

Ya'atë käjpxy mëtyä'äky mëti'ipë ënäty tu'kkajpn yajmëtoopën ojts jampaat yajnijawë ma David ja kyutujktaknën. Ënät ja David tkäjpxynyikejxy ja teety Sadoc ets Abiatar, t'ënëmaay: Mëtya'aktë miitsëty mëët yë mëjja'aytyëjkëty mëti'ipë Jadá ja'ayëtyën ets yajtëwtë tiitën ko tyajpo'oxtë etsës jatëkok nwinpitëty maas yë nkutujktaknën.

Job 20:5

yë ëxëëkja'aytyëjk yë xyoontakënëty wäänë pyo'oxy; tsojkyë yë jyotkujk'ajtkojtë.

Salmos 37:35

Tëës n'ixy ko yë ëxëëk ja'ay kë'ëm janty mëj nyäyajnaxyë, ets nëkooyë wyinma'any nyätyuk mëjpëjktakënë tä tu'uk yë mëj kepyën nëkooyëpë yoonwä'kxyën,