2 Samuel 18:1 - Biblia Mixe de Quetzaltepec

¹ Ojts ja David t'ijxmujkta'ay ja tsyiptuunpëtëjk ets ojts tpëjkwa'kxta'ay tu'kmiljatyëty ets mëko'pxjatyëty, ma tu'kpëkyjätyën aak pyëjktaktaay ja nyiwinye'epyë.

Biblia Dc en Mixe de Quetzaltepec

¹ Ojts ja David t'ijxmujkta'ay ja tsyiptuunpëtëjk ets ojts tpëjkwa'kxta'ay tu'kmiljatyëty ets mëko'pxjatyëty, ma tu'kpëkyjätyën aak pyëjktaktaay ja nyiwinye'epyë.

2 Samuel 18:1 ပူးပေါင်းရင်းမြစ်များ

1 Samuel 8:12

Pënëty nëjkx tpëjktä'äky ets tniwintsën'atëty nitu'kmil ja tsiptuunpë ets mëti'ipë nëjkx tniwintsën'atëty niwëxtyikxymyajk je'eyë. Nëjkxëp näjyëtu'un tpëjktä'äky mëti'ipë ja kyam tyu'u pëjktakxëtëpën ets mëti'ipë nëjkx ja pëjktä'äky tyajpëtë'ëktën; ëpëky nëjkx tpëjktä'äky pën yaj'oyëtëpën ja ti'px, ja ku'umën, ja yenypyujxn ets ja pujxnwintëkäämpë mëti'ipë myëtsiptuuntëpën.

Josue 8:10

Komjëpom janty tsojk ojts yë Josué pyëtë'kojy ets t'ijxka'pxtaay ja tsyiptuunpëtëjk. Jëjp'am ojts nyäpyëjktä'äkyë mëët ja mëjja'aytyëjkëty mëti'ipë yajpatëpën ma ja Israel kajpnën ets tuknipëjktakëy tnitëkëja'any ja Aí kajpn.

Éxodo 17:9

Ënät ja Moisés t'ënëmaay ja Josué: Win'ix yë ja'ay mëti'ipë m'a'ijxëpën ets mnëjkxtëty tsiptuunpë ma ja Amalec ja'ayëtyën. Ëjts jamës jopy kopkëjxm nyajpaata'any ets mpakapäämpyës yë ntajk, mëti'ipë yë Tios jyä'ä'ajtypyën.

Éxodo 18:25

Ojts twin'ixy ja ja'ayëty mëti'ipë winë oy tyuuntëpën jam ma ja Israel kajpnën ets tmooy ja ënä'ämën kutujkën ma ja ja'ayëtyën tu'kmiljatypë, nimëko'pxjatypë, niwëxtyikxymyajkjatypë ets ma ja nimajkjatypyën.

Números 31:14

E ja Moisés ojts tukjoot'anpëky ja mëti'ipë nyiwintsën'ajtëpën ja tsiptuunpëtëjkëty tu'kmilpë ets ma tu'kmëko'pxpën,

1 Samuel 22:7

Ënät t'ënëmaay ja tsiptuunpë wintsëntëjk: Miitsëty Benjamín yë jyä'äy, mëtowtë yajxon mëti'ipë yam ntuk'ënëëmëjantëpën: ¿Wä'än tääjën yë David mmo'ojëty yë mnaax mkamëtyë ets ënät näjyëtu'un mpëjkta'akëtëty tsiptuunpë wintsën ma kyutujktaknënë, tä tyam miits nmo'otënë?

Éxodo 18:21

Mëti'ipë tëy mijts mtunëp, win'ix kanaak yë ja'ay mëti'ipë m'a'ijxëpën oy winë tuntë ets tsyë'këtyëp yë Tios ets mëtëy winë tkajpxtë tmëtya'aktë, ijxtëm yë ja'ayëtyën mëti'ipë ka'ap tii yë myëku'uk awin'ëënë tpëjkën ets jëtu'un xytyuknipëkëty ya'atë tuunk, mëti'ipë wyintänëtëpën ja ja'ayëty nitu'kmiljaty, nitu'kmëko'pxjaty, niwëxtyikxymyajkjaty ets nimajkjaty.

Deuteronomio 20:9

E ko ënäty jëtu'un ja tsiptuunpë wintsëntëjkëty të kyajpxta'atë, ënät nëjkx jëyëjp nyaxtë ets tsyoontëty mëët ja tsiptuunpëtëjk.