2 Samuel 17:25 - Biblia Mixe de Quetzaltepec

²⁵ Absalón yë'ë ënäty të tuknipëky yë Amasá ets yë'ë tniwintsën'atëty ja tsiptuunpë ja'ay. Jëtu'un tä jeexyë yë Joab yë'ë tyunyën. Amasá jä'ä ijty tyeety xyëëwajtyp Itra, Ismael ja'ay. Yë Itra ojts tmëëtsëënë yë Abigail, Nahas yë nyëëx yë'ë myëkä'äx yë Sarvia, Joab yë tyaak.

Biblia Dc en Mixe de Quetzaltepec

²⁵ Absalón yë'ë ënety të tuknipëky yë Amasá ets yë'ë tniwintsën'atëty ja tsiptuunpë ja'ay. Jëtu'un tä jeexyë yë Joab yë'ë tyunyën. Amasá jä'ä ijty tyeety xyëëwajtyp Itra, Ismael ja'ay. Yë Itra ojts tmëëtsëënë yë Abigail, Nahas yë nyëëx yë'ë myëkä'äx yë Sarvia, Joab yë tyaak.

2 Samuel 17:25 ပူးပေါင်းရင်းမြစ်များ

1 Crónicas 2:13

yë Jesé jä'ä y'u'unk y'ëna'k xyëëwajt Eliab, ja mëtu'ukpë, Abinadab ja mëmäjtskpë; Simá ja mëtëkëëkpë;

2 Samuel 19:13

Ojts näjyëtu'un tni'ënä'ämë ko t'ënëëmëtëty ja Amasá: Mijts njëëky'äjtyp nmëku'uk'ajtyp yë'ë, paaty yam n'ënëëmë ko mijts jëtu'un ënät ja Joab mkutëjkënëp, ma xywyintänëtyën ja tsiptuunpëtëjk. E pën ëjts ka'apës npatuny ja n'aaw n'ayuk yë Wintsën yë'ëjës nëjkx xytyiytyuny.

1 Reyes 2:32

Yë Wintsën yë'ë kë'ëm tukëpätanëp mëët ja tyuuntëko'oyën, mëët ko nimäjtsk yë ja'ay tyaj'o'ky mëti'ipë ënäty ka'ap poky tmëët'atën ets y'ooktëty ets mëti'ipë ënäty oy yë nteetyës të tmëtuntën. Ka'ap tuknija'awëtyë nteetyës, yë'ë jëtu'un ja Abner yë Ner yë myaank, mëti'ipë ënäty nyiwintsën'ajtypyën ja tsiptuunpëtëjk ma ja Israel ja'ayëtyën ets ja Amasá, myaank yë Jéter, mëti'ipë nyiwintsën'ajtën ja tsiptuunpëtëjk mëti'ipë Judá ja'ayëtyën.

1 Reyes 2:5

E mijts wa'ats xynyijawë wi'ixës ja Joab yë Sarvia myaank ja wyinma'any të xytyuk'ixyën, ko tyaj'o'ky nimäjtsk ja tsiptuunpë wintsën ma ënäty ka'ap tiitsip yajmëët'atyën: Yë Abner yë Ner yë myaank ets Amasá, yë Jéter myaank ets jëtu'un yaja'ay y'o'ky ets ëjts ja poky ntsëëmë'ky.

2 Samuel 20:4

Tä ojts tëkok t'ënëëmë yë Amasá: Nëjkx winwoowmujkta'a yë Judá ja'ayëty ets ja tëkëëk xëëw yaa xyajmiinta'ajëty.

2 Samuel 17:26

Absalón mëët ja Israel ja'ayëty ja tsyiptuunpëja'aytyëjk jam ojts nyäpyëjkta'akëtë Galaad y'itjotm.

1 Reyes 2:28

Joab yë'ë ënäty të tmëjwa'kpety ja Adonías ets ka'ap yë'ëjëty yë Absalón; paatykyëjxm ko jëtu'unpë ja aaw ayuk nyija'ajtë, ënätyë ojts kye'eky ets jap kyäktsoky tsajptëkoty, ma ja wintsë'këntyakn jëxkën.

2 Samuel 19:14

Jëtu'un ojts tyajjotuky ja Judá ja'ay ets tu'ukyë y'ënaantaaytyë ets ja David wyimpitëty mëët tëkokyë ja tyuunpëtëjk.

1 Crónicas 12:19

Ojts näjyëtu'un Manasés jyä'äy tpuwa'akëtë ja David, ko jam tsyënaay ma ja filistejë ja'ayëtyën, ko mëët nyäy'ixjëtijt nyäpyajëtijtë ja Saúl. Oy ojts ntijmëty ja David ka'ap yajxon timy'apupety ja filistejë ja'ayëty jä'ä ko ka'ap kyupëjkëtë, jëtu'un ojts ja filistejë ja'ayëty y'ëna'antë ja kyutuunkëty: Ka'ap yowë y'oy'atëty ko yë David nkupëjkmëty ets xy'apupäjtmëty ma mëët yë Saúl ntsiptuna'anëmën, jä'ä ko tyam ënäty nyätyijyë xypyupäjtëmë ko ajotkumonë xynyipëtë'kmëty, nikë oy ko Aak ëëtsajtëm kë'ëm mëët yë Saúl n'ëk'ijxmëty.