2 Samuel 17:17 - Biblia Mixe de Quetzaltepec

¹⁷ E jä'ä ko yë Jonatán ets Ahimaas tam ënäty yajpaatë ma En-roguel kajpnën, ka'ap tjëkyepy pyëtsëmëty këtiipë ja ja'ay y'ixëtëty, ënät tu'uk ja to'oxytyëjk mëtuunpë nyimiinëtë mëti'ipë tuk'ëwa'anutyääyëtën winë, tääts ënätyë tsyo'ontë ets tukmëmëtyaktë ja David.

Biblia Dc en Mixe de Quetzaltepec

¹⁷ E jä'ä ko yë Jonatán ets Ahimaas tam ënety yajpaatë ma En-roguel kajpnën, ka'ap tjëkyepy pyëtsëmëty këtiipë ja ja'ay y'ixëtëty, ënät tu'uk ja to'oxytyëjk mëtuunpë nyimiinëtë mëti'ipë tuk'ëwa'anutyääyëtën winë, tääts ënätyë tsyo'ontë ets tukmëmëtyaktë ja David.

2 Samuel 17:17 ပူးပေါင်းရင်းမြစ်များ

2 Samuel 15:36

Tam näjyëtu'un ja y'ëna'këty Ahimaas ets Jonatán, mijts yam n'ënëmääpy etsës xytyuknijawëty winë mëët yë'ëjëty.

2 Samuel 15:27

Ojts yë ënä'ämpë näjyëtu'un t'ënëëmë yë teety Sadoc: Ëk'ix, mijts ets Abiatar, winpitë jam kajpnjotm akujk jotkujk. Mijts mëët yë maank Ahimaas, e yë Abiatar mëët yë myaank Jonatán.

Josue 18:16

ets jam jyënajkë'ëky kopk'ëjxm mëti'ipë mëët nyäwyinku'ixëtyën ja Ben-hinom joyjyot, anëkëjxytsyow wyi'imy ma ja Refaim joyjyotmën. Jamts jatëkok jyënajkë'ëky ets jyëjptä'äky ma ja Hinom jyoyjyotmën; nyäxy jam ëpa'tkë'ëmtsow yä'äpwinm ma txëëwatyën Jebús ets tyimnëjkxy, jyä'ty ma tu'uk ja nëëwookyën jam En-roguel.

Josue 15:7

Jam tsyoony ma txëëwatyën Acor ets pyäjtë'ëky jam Debir ets jyä'ty jam Guilgal mëti'ipë wintuuytsyow yajpatpën ma ja yä'äp txëëwatyën Adumim, ëpa'tkë'ëmtsow yajpaaty ma ja nëëwokën. Ja tsëpa'an ja wiinkpë jam jyënajkë'ëky ma ja In-semes nëëwookën ets jyä'ty ma txëëwatyën En-roguel.

1 Reyes 1:9

Jä'ä xëëw yë Adonías ojts tu'uk yë ka'ayën ukën tnipëjktaakë jam winkon ma ja tsaatun txëëwatyën Zohelet, winkon ma ja nëëwookyën Roguel. Ojts tyaj'ooky yë tsajppax, tsajpkaayä'äy ets tsajpkaa ëna'k ni'kxëtypë, tääts twoowtaay kääpyë ja jyiiky myëku'uk ets tëkokyë ja myëkä'äxtëjk, ja y'ëna'k ja yajkutujkpë ets tu'kë'ëyë ja Judá ja'ayëty mëti'ipë mëët tyuunmuktën ja yajkutujkpë;

1 Reyes 1:42

Tam ënäty jëtu'un tyim'ënaanta'ay, tyaa pëyi'ikyë kyuwa'akë yë Jonatán, yë teety Abiatar yë myaank. Tä ja Adonías y'ënëmaayë: Tëkë tëkoty, mijts mëj'äämpy m'ity, paaty wä'änxyëp oypyë ja aaw ayuk xymyëminy.

2 Samuel 15:35

jam tam yajpaatë ja teetytyëjkëty Sadoc ets ja Abiatar. Paaty xëmë xytyukmëmëtya'akëty tëkokyë tii mëtoopyën ma akujktëjkën.