2 Samuel 16:8 - Biblia Mixe de Quetzaltepec

⁸ Yë Wintsën yë'ë tyam mtëytyuunëp mëët ja mëti'ipë të xytyimtunyën ko ojts ja Saúl ja y'u'unk y'ëna'k xyaj'o'k xyajtëkooyë ets mijts jam mnaaxwe'tsy ma ja kyutujktaknën. Paaty tyam yë'ë ja kutujktakn ja maank Absalón të yajmo'oy ets ënät je'eyë mkäknë mpujnë mëët ko kë'ëm xykyatukjaty wi'ix mja'ay'atëtyën, mijts ka'ap nitii xykyëjxmëty je'eyë myajja'ay'ooky.

Biblia Dc en Mixe de Quetzaltepec

⁸ Yë Wintsën yë'ë tyam mtëytyuunëp mëët ja mëti'ipë të xytyimtunyën ko ojts ja Saúl ja y'u'unk y'ëna'k xyaj'o'k xyajtëkooyë ets mijts jam mnaaxwe'tsy ma ja kyutujktaknën. Paaty tyam yë'ë ja kutujktakn ja maank Absalón të yajmo'oy ets ënät je'eyë mkäknë mpujnë mëët ko kë'ëm xykyatukjaty wi'ix mja'ay'atëtyën, mijts ka'ap nitii xykyëjxmëty je'eyë myajja'ay'ooky.

2 Samuel 16:8 ပူးပေါင်းရင်းမြစ်များ

2 Samuel 1:16

tä ja David ojts y'ënä'äny: Tyam ya'atë Amalec ja'ay të y'ooky, kë'ëm jëtu'un të nyätyunyë, ko të y'ënä'äny ko të tyaj'ooky mëti'ipë ënä'ämpën, mëti'ipë ja Wintsën wyin'ijxën.

2 Samuel 19:19

ets t'ënëmaay: Wintsën, tyam mijts n'amëtoy npëjktsoy ets këtii xyjyä'äymyätsëty ets xymyëjpëjkta'akëty oy ojts nmëtëkoy, ma ojts ëxaty n'ënëëmën ko jam Jerusalén mkäkpëtsëëmy. Këtii xyjyä'äymyätsëty ja npokyës,

2 Samuel 19:21

Ënät ja Abisai, ja Sarvia ja myaank ënätyë y'ënäny: ¿Këtii jëtäätën nyitëkëty y'ookëty yë Simeijë, mëët ko të tpoky ja yajkutujkpë mëti'ipë ja Wintsën kë'ëm wyin'ijxënë?

2 Samuel 21:1

Ma ja David ënäty y'ëne'emyën, ojts jam yë yuu xëëw y'ity tëkëëk jëmëjt. Ënät yë David ojts yë Wintsën tuk'ëwaanë ets y'ëtsoowë: Yë yuu xëëwpaaty yë jyää'aty, jä'ä ko yë Saúl ojts nanëkoo may tyaj'ooky yë Gabaón ja'ayëty.

2 Samuel 21:9

tääts tkë'ëmooy ja Gabaón ja'ayëty ets jam tyo'ktëëytyë ma tu'uk ja kopkën Wintsën wyintuuy. Jëtu'un ojts niwëxtujk y'ooktë ma ënäty kujk ja tsajpmok myëjayën.

1 Reyes 2:8

Näyjyëtu'un ntuk'ëwaanëja'any, ko yë Simí, yë y'u'unk yë Guerá, yë Benjamín ja'ay, jampë tsyëënën Bahurim. Yë'ë ojtsës ëxëëk'aaw ëxëëk'ayuk xytyuknipëtsëmy, jamës ënäty nëjkxy Mahanaim. E koos jatëkok nwinpijty poj'amës ojts xyjyëjpye'eyi'iky jam ma ja Jordán mëjnëëjën ets ojts n'ënëëmës mëët yë Wintsën xyëëwkyëjxm ko ka'apës nyaj'ooka'any.

Salmos 3:2

mayës ja'ay xynyikajpx xynyimëtya'aktë. Ka'ap nitsokën tpaata'any ma Tiosën.

Salmos 4:2

Miitsëty ninu'un mëj këjxm mnäyajnaxëtën, ¿Jëna'apaat ëxëëk maya'an mtaja'antë, mëët ëjts koos oy njuuky'äty, jëna'apaat yi'iyë xytyuunk'ata'antë ka'apë myëtëyëtyën ets ka'apë jyääntyëtyën?

Salmos 7:4

¿Tëës ja njëëky nmëku'uk ëxëëk ntuunwimmpity ma winë oy të tunyën mëët ëjtsë? ¿ëkë tëës nanëkoo ntsaatsytyuny ja nmëtsipë?.

Proverbios 26:2

Jëtu'un tä tu'uk yë tsi'k kyääkjëtityën ets tä yë patutkën ka'apë tmëëtëtyën yë pyä'än, jëtu'un ja näpyokë ka'ap jyäty ma ja'ayën mëti'ipë nanëkoo pën të pyokyën ets ka'ap tii tuuntëko'oyën tmëëtëty.

Apocalipsis 16:6

Jä'ä ko tëë tyajtsun tyajtaxtë ja mmëpëjkpëtëjk ets ja mkäjpxynyajxpëtëjk; paaty mijts ja nëë të xyajwinpity ne'pynyën ets yë'ë t'uuktëty, jëtu'un ijxtëm pyaat'atëtën.

Jueces 9:24

Jëtu'un'äämpy ja Abimélec tkëpätëty mëët ko yaja'ay'o'ky, ma tyaj'o'kyën ja nitëkë'px majkpë ja Jerubaal ja myaank ets ja Siquem ja'ayëty tkëpätëty näjyëtu'un mëët ko tputëjkëtyë ja Abimélec ma yaja'ay'o'kyën.