2 Samuel 16:22 - Biblia Mixe de Quetzaltepec

²² Ënät ojts tu'uk yë tëjk tnikämtë jap tëjkkëjxy mëti'ipë tyukni'oytyu'unëtyën yë Absalón ets jap tmëëtko'knëty ja to'oxytyëjktëjk mëti'ipë ja tyeety të tmëët'atyën ets ni'ëmukë ja ja'ay t'ixtëty;

Biblia Dc en Mixe de Quetzaltepec

²² Ënet ojts tu'uk yë tëjk tnikämtë jap tëjkkëjxy mëti'ipë tyukni'oytyu'unëtyën yë Absalón ets jap tmëëtko'knëty ja to'oxytyëjktëjk mëti'ipë ja tyeety të tmëët'atyën ets ni'ëmukë ja ja'ay t'ixtëty;

2 Samuel 16:22 ပူးပေါင်းရင်းမြစ်များ

Génesis 35:22

Jam ënäty yë Israel të tsyënaaytyaknpëjknëtë ko yë Rubén ojts tmëëtko'knë yë Bilhá, mëti'ipë ënäty ja tyeety të tmëmäjtsk to'oxytyëjk'atyën. Ko yë Jacob tnija'awëy ko ënäty jëtu'un yë Rubén të y'ëti'itsy, ënät ojts yajxon jyantyjyoot'anpëky. Yë Jacob yë y'u'unk y'ëna'këty nimajkmäjtsk ojts y'itë.

2 Samuel 11:2

Jä'ä xëëw, jënäkyxyëëw ënäty ko ja David myä'äypyëti'ky ets jam pyejty këmoon tëjkëjxm, jamts nyäxy tyëkë ko t'ijxpaty jap ëpa'tkë'p tu'uk yë to'oxytyëjk tsyi'iy, janty tsujpë. Ya'atë to'oxytyëjk tëë ënäty je'eyë tyukjënajkta'ayë ja myëjaaw.

2 Samuel 15:16

Jëtu'un'äämpy ojts ja yajkutujkpë tsyoony mëët tëkokyë ja ja'ayëty mëti'ipë mëët tyuunmukyën, yi'iyë ojts nimajk tyajwë'ëmy ja to'oxytyëjkëty mëti'ipë myëtuuntëpën ja ënä'ämpë ets tkëwent'atëty ja kutujktakn.

2 Samuel 20:3

Ko ja David ojts jam jya'ajnë ma ja kutujktaknën, jam Jerusalén, ojts tsuumta'ay ja to'oxytyëjk mëti'ipë ënäty jëtu'unyë je'eyë myëëttsënääpyën ets tyajku'ëtujky jap ma tu'uk yë tëjkën, yajxon ijx'ity këwent'aty; jap ojts jëtu'un jyaak juuky'atë ya'atë to'oxytyëjkëty, je'eyëp ko ka'ap ojts t'ëkmëët'ajnë. Jëtu'un ojts ya'atë to'oxytyëjkëty jap jyaak'itë ku'ooky tyo'oxyën, koonëm y'o'ktë.

Isaías 3:9

Ja y'ëxëëkjot y'ëxëëk winma'any yë'ë kë'ëm ëxaty nätyuktuunëtëp, jä'ä ko ja nyëë pyokyëty ka'ap tjëkyepy tkuyu'utstëty; timjëtu'un tä tëkok jyäjty kyëpejtyën yë Sodomë kajpn, ojts ja naax kajpn tuknija'awëtyä'äy wi'ix ënäty tyëkoyën. Janty mon janty tuk yajpaatë, kë'ëm nyäyajkutëkoya'anëtë.

Jeremias 3:3

Paaty ka'ap y'ëktuunë potmjoty ets xëkopkjoty. Jëtu'un mkëxë'ëky into'oxyën.

Jeremias 8:12

Tsëtyuunëtëp jeexyë mëët ko je'eyë tuntë tkajpxtë ja mëti'ipës n'ëxëëk'ijxypyën. E ka'ap, ka'ap tsyëtyuntë, ka'ap t'ëknija'awënëtë tii ja'ay tyijp tsëtyu'un. Paatykyëjxm koos ënäty ntëytyuny nän jam nëjkx kya'atë ëxëëktum ma ja wiink ja'ayëtyën. Ëjts, Wintsën, ëjts ënaanp.

Ezequiel 24:7

Yë naax kajpn ujts yajpaaty mëët yë jot ne'pny; jam të nyaaxkutämë tsaakëjxy ma yaj'ixëtyën yajxon ets ka'ap nyaaxkëjxyëty ma jeexyë naaxway yajnitukyën.

Números 25:6

E tu'uk yë Israel ja'ay ijxnë kä'äxnë ojts yajxon tu'uk yë to'oxytyëjk, Madián ja'ay, timwyoownëjkxy ma tyëjkën. Ojts yë Moisés t'ixy ets Israel ja'ayëty, mëti'ipë ënäty jam të ye'eymyuktën, tam ënaty jyi'iytyë ya'axtë ma yajnitëkën yë wit tëjk ma ja näpyaatë y'ityën.

Filipenses 3:19

yë'ëjëty ëxëëk nëjkx kyukëxë. Jam ja wyinma'any tpëjkta'aktë ma ja kääky uukyën; yë'ë nätyukmëjpëjktakëtëp mëti'ipë jeexyë tsyuktsëtyuuntëpën. Yi'iyë myääytyëp tyajtëp mëti'ipë yaa naaxwiinyëtën.