2 Samuel 16:21 - Biblia Mixe de Quetzaltepec

²¹ Ets ja Ahitófel t'ëtsooy ja Absalón: Mëëtko'knë yë to'oxytyëjkëty mëti'ipë yë mteety ijty myëët'ajtypyën, jampë të tyajwë'ëmyën tëjk këwent'ajtpë ma ja kutujkëntëjkën. Jëtu'unts ja ja'ay tnijawëtëty ko mijts tëë yajxon xymyëtsiptsoony yë mteety, jëtu'un'äämpy ja ja'ayëty ni'ikyë mmëjwa'kpätëtëty mëti'ipë mpukajpxëyëpën.

Biblia Dc en Mixe de Quetzaltepec

²¹ Ets ja Ahitófel t'ëtsooy ja Absalón: Mëëtko'knë yë to'oxytyëjkëty mëti'ipë yë mteety ijty myëët'ajtypyën, jampë të tyajwë'ëmyën tëjk këwent'ajtpë ma ja kutujkëntëjkën. Jëtu'unts ja ja'ay tnijawëtëty ko mijts tëë yajxon xymyëtsiptsoony yë mteety, jëtu'un'äämpy ja ja'ayëty ni'ikyë mmëjwa'kpätëtëty mëti'ipë mpukajpxëyëpën.

2 Samuel 16:21 ပူးပေါင်းရင်းမြစ်များ

2 Samuel 20:3

Ko ja David ojts jam jya'ajnë ma ja kutujktaknën, jam Jerusalén, ojts tsuumta'ay ja to'oxytyëjk mëti'ipë ënäty jëtu'unyë je'eyë myëëttsënääpyën ets tyajku'ëtujky jap ma tu'uk yë tëjkën, yajxon ijx'ity këwent'aty; jap ojts jëtu'un jyaak juuky'atë ya'atë to'oxytyëjkëty, je'eyëp ko ka'ap ojts t'ëkmëët'ajnë. Jëtu'un ojts ya'atë to'oxytyëjkëty jap jyaak'itë ku'ooky tyo'oxyën, koonëm y'o'ktë.

2 Samuel 15:16

Jëtu'un'äämpy ojts ja yajkutujkpë tsyoony mëët tëkokyë ja ja'ayëty mëti'ipë mëët tyuunmukyën, yi'iyë ojts nimajk tyajwë'ëmy ja to'oxytyëjkëty mëti'ipë myëtuuntëpën ja ënä'ämpë ets tkëwent'atëty ja kutujktakn.

Zacarías 8:13

Jëtu'un tä ojts miitsëty Judá ja'ayëty ets Israel ja'ayëty akäjpxy m'itën wiink naax wiink kajpn ko pën yajpoky, tyam jëtu'un miitsëty nyajtso'oka'antë ets akäjpxy m'ita'antë ko ënäty pën yajkënu'kxy. Këtii mtsë'ëkëtë. Jotmëk näpyëjkta'akëtë.

2 Samuel 2:7

E këtiits mmontë mtuktë, ni'ikyë jotmëkta'aktë, jä'ä ko oy n'ëna'anmëty ja Saúl të y'ooky mëti'ipë të tyu'uwinwoyën, yë Judá jyä'äy tëëjës xynyikajpxpätë etsës ëjts n'ënä'ämëty.

Levitico 18:8

Këtii yë wintsë'kën xyajtëkoyëty ma nteetyën ets ja kyutëjk xymyëëtko'knaayëty.

1 Corintios 5:1

Jëtu'un yajnijawëy'äty ko tam ma miitsëtyën nitu'uk mëti'ipë ëtëtsnajxpën. Yë'ë mëj tëko'oyën nyäxy ko ja'ay kyutaak to'oxytyëjk'aty. Jampaat jëtu'unpë ka'ap yajkupëky ma ja ja'ayëtyën mëti'ipë ka'ap ja Tios tmëpëktën.

1 Reyes 2:22

¿Wi'ix ko xy'amëtoy yë Abisag ets mëët tsyëënëty yë Adonías? Jëtu'un t'ëtsooy ja yajkutujkpë ja tyaak. Je'eyë jyaak tëkoy'äty ets xy'amëtowëtyës yë kutujkën tääts yë'ë yajmo'ojëty, mëët yë'ëkyëjxm ko n'ajty'ätyës ets mëët yë'ë ko y'ëkputëkëty ja teety Abiatar ets Joab, yë Sarvia myaank.

1 Reyes 2:17

Tä ja Adonías y'ëtsooy: Yë'ëjës mpëjktsoopy ets xy'ënëëmëty yë yajkutujkpë Salomón, wä'änës n'ëkmëëtsëënë yë Abisag ja sunamja'ay. Yë'ë kyupëkëp yë'ë.

2 Samuel 12:11

Ëjts, mëti'ipë Wintsën'ajtpën ëjts yam jëtu'un nikäjpxyp: jam ma mjëën mtëjkën jämyë nëjkx kë'ëm ja m'u'unk m'ëna'k nyämyëtsiptsoonyë ets nëjkxëp kë'ëm xy'ixy ko ënäty ja mto'oxytyëjk myajpëjkë ets jä'ä tmëëtko'knëty tu'uk ja mmëku'uk.

1 Samuel 27:12

E ja Aquis tyuk'ijxpejtyp ja David näjyëtu'un ets ijty myäy tyäjy: Yë David yajxon yowë të tmëtsiptso'onë yë Israel ja'ayëty, oy jëtu'un, jëtu'un tjëkyäpëty ëjts xymyëtunëtyës.

1 Samuel 13:4

Tëkokyë ja Israel ja'ayëty wa'ats tnija'awëtyääytyë ko ja Saúl ënäty tëë tyajkutëkooytyä'äy ja filistejë ja'ayëty mëti'ipë këwent'ajtëpën. Paatykyëjxm ja filistejë ja'ayëty mëk tukjoot'anpëjktë ja Israel ja'ayëty. Ko ja Israel ja'ayëty ye'eymyujktaaytyë ënät tpuwa'këtyë ja Saúl jam Guilgal.

Levitico 20:11

Pën myëëtko'knaayëp ja tyeety ja tyo'oxytyëjk, wintsë'kën yajtëkoopy ma ja tyeetyën. Paaty tääpë ja'ay nëjkxëp y'ooky, mëët ja to'oxytyëjk näjyëtu'un ets kë'ëm ënäty nyätyunëtë.

Génesis 38:16

Ënät ojts tpuwa'ktu'uty ja myëku'uk ets tmëkajpxa'any ja to'oxytyëjk, ni tkanijawë pën jä'ätëm ja xyäkxy, ënät t'ënëmaay: ¿M'a'ixëp ets nmëët'itëtyë? Ënät y'ëtsooy ja to'oxytyëjk: ¿Tii mnayakëp koos xymyëët'itëty?

Génesis 35:22

Jam ënäty yë Israel të tsyënaaytyaknpëjknëtë ko yë Rubén ojts tmëëtko'knë yë Bilhá, mëti'ipë ënäty ja tyeety të tmëmäjtsk to'oxytyëjk'atyën. Ko yë Jacob tnija'awëy ko ënäty jëtu'un yë Rubén të y'ëti'itsy, ënät ojts yajxon jyantyjyoot'anpëky. Yë Jacob yë y'u'unk y'ëna'këty nimajkmäjtsk ojts y'itë.

Génesis 34:30

Ënät yë Jacob t'ënëmaay yë Simeón ets Leví: Miitsëty je'eyë nëkoo jëën tsip të xy'ëxkukëtë maas ëjtsën. E yë ja'ayëty jënu'un yaa kyunaax'at kyukajpn'atën ijxtëm yë Canaán ja'ayëty, Ferez ja'ayëty, xymyëtsiptsoontëpës ënät. Tu'ukyë nyämyuka'anëtë, tääts ënät nyajnipëtë'ëkëtyës; e ëjts wäänës yë ja'ay nmëëtëty, xyaj'ooktëpës ënäty tu'kë'ëyë mëëtësë n'u'unk n'ëna'k.

Génesis 6:4

Jää ojts ëka'any jya'të yë ja'ayëty mëti'ipë yajtijtëpën ja'aypyajkyeny ko ja Tios ja tyuunpëtëjk nyämyujkëtë mëët ja to'oxy'ëna'këty mëti'ipë ënäty yi'iyë myëmaay myëët'ajtëpën yääyëpë naaxwiinyën. Ko myiintë jyajtë ja y'u'unk y'ëna'këty, yë'ë jëtu'un ojts jotmëk y'itë ko ijty ja tsip tyunyë jeky'äjty.

2 Samuel 16:20

Ok ja Absalón tyajtëëy ja Ahitófel: ¿Wi'ix miitsëty m'ëna'antë tii mëpaat ntu'unëm?

2 Samuel 17:7

Tä ja Husai y'ëtsooy: Tyam, tääpë winma'any mëti'ipë yë Ahitófel të tjayäkyën ka'ap myëtëyëty.

2 Samuel 10:6

Tä ja Amón ja'ayëty ojts tja'akyukëtë ko myëtsiptso'ontëp ja David, paatykyëjxm ojts t'ixta'atë ni''i'px mil ja tsiptuunpë aakyë'ë sirië ja'ay jampë kyukajpn'atën Bet-rehob ets Sobá, ëpëky ojts ja yajkutujkpë Maacá tkäjxpë ja tsyiptuunpëtëjk nitu'kmil ets nimajkmäjtsk mil ja Is-tob ja tsyiptuunpë.

2 Samuel 13:5

Ënät ja Jonadab ojts kyajpxwijyë: Tëkë jap mtëkoty ets mnäpyëjkta'akëtëty mpëjkëp yowë. E ko yë mteety mniminëtëty, ënëëmë wä'än tkexy yë m'uty Tamar ets yë'ë myajkayëtëty, jäpyë tëkoty tyaj'o'oyëkyojëty mëti'ipë mjë'kxëpën ets kë'ëm xy'ixëty.

1 Reyes 11:25

Ëxëëk ojts tsip'ixy yë Israel ja'ay ma jyuuky'äjtyën yë Salomón, paatykyëjxm ojts mëët tu'ukyë winma'any tmëët'aty ja Hadad ma ënäty jam näjyëtu'un ëxëëk y'ëtëtspën, jä'ä ko ëxëëkëm ja Israel ja'ay tjanty ixy. Jëtu'un'äämpy ja Rezón tyëjkëy ënä'ämpë jam Sirië.