2 Samuel 16:16 - Biblia Mixe de Quetzaltepec

¹⁶ E ja Husai, ja David ja myëku'uk, ojts näjyëtu'un ënätyë tjëjpaatë'ëky ja Absalón ets tyëjkëy yaxpë jojkpë: Tëë ja yajkutujkpë jyä'ty, tëë ja yajkutukpë jyä'ty.

Biblia Dc en Mixe de Quetzaltepec

¹⁶ E ja Husai, ja David ja myëku'uk, ojts näjyëtu'un ënätyë tjëjpaatë'ëky ja Absalón ets tyëjkëy yaxpë jojkpë: Tëë ja yajkutujkpë jyä'ty, tëë ja yajkutukpë jyä'ty.

2 Samuel 16:16 ပူးပေါင်းရင်းမြစ်များ

2 Samuel 15:32

Ko ja David jam jyä'äjty jam kopkkëjxm ma ijty ja Wintsën tëëyëp yajmënu'kxtä'äkyën, jam tye'eypyatë yë Husai, mëti'ipë arquitë ja'ayën, tëë wyit jyänty kyë'tstaaynyë ets kyëpajk janty naaxway mëët.

2 Samuel 15:34

e pën mwinpijtp jam Jerusalén ets Absalón xy'ënëëmëty: Wintsën ëjts mijts nmëtunäämpy jëtu'un tääjës ojts ja mteety nmëtunyën, xypyutëkëpës ënät ets mya'atëty mëti'ipë ja Ahitófel jyawinma'any'äjtypyën,

2 Samuel 15:37

E ja Husai, ja mëti'ipë mëët ja David oy nyäy'oyjawëtyën ojts ja jyänty nyijkxy jam Jerusalén, jää ojts mëtëy jyä'ty ma ënäty ja Absalón jam tyimkajpntëkën.

1 Reyes 1:25

Jëtu'unës n'ixy, ko yë'ë tëëtëm jam jyëjptä'äky ets tëë ja jëyujk tsajpkaa tyaj'ooky may ets tsajpkaa ëna'k ets tsajppax, kupixyny; tëë twoowta'ay kääpyë ja m'u'unk m'ëna'k, mtsiptuunpë wintsëntëjk ets ja teety Abiatar. Tyam tam yajxon kyäytyë y'uuktë ets ya'axtë jyoktë: Wä'än yë Adonías tyajkutuky.

1 Reyes 1:34

e ko ënäty ja teety Sadoc ets ja Natán tkënu'kxtë ets yë'ë yajkutukëty ma ja Israel kajpnën, mtukxu'uxtëp ënätyë ja tsajpkaawaj ets mëk m'ëna'antëty: Wä'än ja yajkutujkpë Salomón jeky tjuuky'äty.

1 Reyes 4:5

Azarías, yë myaank yë Natán, jä'ä ojts y'ity tëjk këwent'ajtpë; e yë Zabud, yë myaank yë teety Natán, jä'ä ojts y'ity kajpxtëëpë ma ja yajkutujkpën;

2 Reyes 11:12

Tääts ja Joiadá ojts jap tyajpëtsëmy ja yajkutujkpë ja myaank ets tukujujpy ja kyujup mëti'ipë myëkutujkën'ajtëpën ets tpëjktäky ma yë'ëjën ja mëti'ipë yajtuk'ijxtëpën ko yë'ë yajkutuktë; ojts tukutemy ja on kënu'kxypyë ets ojts tkënu'kxy ets yë'ë yajkutukëty. Tääts tëkokyë ja ja'ayëty tyëjkëtyë yaxpë jojkpë, y'ëna'antë: Tyaa ja yajkutujkpë.

Daniel 2:4

Ënät ja wijyjyä'äytyëjkëty ojts t'ëtsowtë ja yajkutujkpë mëët yë arameë ayuk: Mëj'äämpy yë yajkutujkpë y'ity. Tukmëmëtyaktëk ëëtsëty mëti'ipë të xywyinkuma'ayën ets yam myajtuknijawëty tii jëtu'un ja mkuma'ay jyatijäämpyën.

Daniel 5:10

e ja to'oxytyëjk yajkutujkpë, mëti'ipë taak'ajtpën, ko tmëtoowpaty ja yajkutujkpë yä'äxy jyoky jap tëkoty mëët ja wintsëntëjkëty mëti'ipë ënäty të yajwoowmuktën kääpyë ukpë, ënät tyëjkëy jap tëkoty ets y'ënäny: Xëmë juuky'ajtp yë yajkutujkpë. Ets këtii nëkoo mmay mtajy ets këtii mnäy'ëtsë'ëkëty,

Daniel 6:21

Ets ja Daniel y'ëtsooy: Juuky'ijtp yë yajkutujkpë xëmë.

Daniel 6:6

Ënät kutuunktëjkëty, mëti'ipë anajx atëjkëtyëpën ets ja yajkutujkpëtëjk tkajpxmujktë ets nëjkx tmëëtmëtya'aka'antë ja Darío yajkutujkpë, ko jam jyajtë tääts t'ënëmaaytyë: Xëmë juuky'ajtp yë yajkutujkpë.

Mateo 21:9

Tääts ja ja'ay wintuuy jëxkë'ëy tyëjkëtyë yaxpë jojkpë: Hosana. Mëj jaanty yë yajkutujkpë David y'u'unk y'ok. Tios kënu'kxëtëp mëti'ipë të kyexyën yë Wintsën. Hosana. Mëj jaanty yë Tios.

1 Samuel 10:24

Tä ja Samuel tyajtëëy ja mayjyä'äy: ¿Tëë xy'ixtë pën jëtu'un yë Tios të twin'ixyën ets yajkutujkpë'atëty? Ka'ap maa wiinkpë, pën mëpaat yaj'ijxkijpxy mëët yë'ë. Tääts tëkokyë ja mayjyä'äy yujk'ënantë: Yajkutujkpë, yajkutujkpë.