2 Samuel 15:27 - Biblia Mixe de Quetzaltepec

²⁷ Ojts yë ënä'ämpë näjyëtu'un t'ënëëmë yë teety Sadoc: Ëk'ix, mijts ets Abiatar, winpitë jam kajpnjotm akujk jotkujk. Mijts mëët yë maank Ahimaas, e yë Abiatar mëët yë myaank Jonatán.

Biblia Dc en Mixe de Quetzaltepec

²⁷ Ojts yë ënä'ämpë näjyëtu'un t'ënëëmë yë teety Sadoc: Ëk'ix, mijts ets Abiatar, winpitë jam kajpnjotm akujk jotkujk. Mijts mëët yë maank Ahimaas, e yë Abiatar mëët yë myaank Jonatán.

2 Samuel 15:27 ပူးပေါင်းရင်းမြစ်များ

2 Samuel 17:17

E jä'ä ko yë Jonatán ets Ahimaas tam ënäty yajpaatë ma En-roguel kajpnën, ka'ap tjëkyepy pyëtsëmëty këtiipë ja ja'ay y'ixëtëty, ënät tu'uk ja to'oxytyëjk mëtuunpë nyimiinëtë mëti'ipë tuk'ëwa'anutyääyëtën winë, tääts ënätyë tsyo'ontë ets tukmëmëtyaktë ja David.

1 Samuel 9:9

Tëëyëp ko ijty ja Israel ja'ayëty tii tnija'awëja'antë ma Tiosën, tyaa ijty y'ëna'antë: Ja'amtë n'ijxëmë mëti'ipë winë nyajtsja'apën. Jä'ä ko ja mëti'ipë tyam yajtijpën käjpxynyajxpë, jä'ä ijty yajtijy najtsja'apë.

1 Crónicas 25:5

Tëkokyë ya'atë ja'ayëty aakyë'ë Hemán y'u'unk y'ëna'k ijtë, mëti'ipë ojts ja Wintsën tkäjpxynyajxpë'atyën mëti'ipë myëtuuntën ja yajkutujkpë, jëtu'un ijxtëm ënäty ja Tios të y'ënë'ëmxëtyën ko mëj'äämpy yajnaxa'anyë ma ja naax kajpnën; e jëtu'un jyänty ixë'ajty, yë Tios ojts Hemán y'u'unk y'ëna'k tmo'oy, majkmajkts ye'etyëjkpë ets tëkëëk to'oxytyëjkpë.

2 Samuel 24:11

Komjëpom ko ja David ojts myä'äypyëti'iky, ënät ja Wintsën t'ënëmaay ja Gad, mëti'ipë ja Wintsën winë tyuk'akäjpxypën, ko ja David tii tnijawëja'any:

2 Samuel 15:36

Tam näjyëtu'un ja y'ëna'këty Ahimaas ets Jonatán, mijts yam n'ënëmääpy etsës xytyuknijawëty winë mëët yë'ëjëty.

2 Samuel 15:34

e pën mwinpijtp jam Jerusalén ets Absalón xy'ënëëmëty: Wintsën ëjts mijts nmëtunäämpy jëtu'un tääjës ojts ja mteety nmëtunyën, xypyutëkëpës ënät ets mya'atëty mëti'ipë ja Ahitófel jyawinma'any'äjtypyën,

1 Samuel 9:6

E ja tyuunpë tyaa y'ëtsoowë: Ma ya'atë kajpnën tam tu'uk tsyëënë yë ja'ay mëti'ipë y'akäjpxypën tii yë Wintsën tyunäämpyën. Ja'am n'ëk'ijxëmë, kooxyëp xynyatuk'ëwa'anëmëty mëti'ipë tu'u mëpaat nmajtsëmë.

1 Reyes 1:42

Tam ënäty jëtu'un tyim'ënaanta'ay, tyaa pëyi'ikyë kyuwa'akë yë Jonatán, yë teety Abiatar yë myaank. Tä ja Adonías y'ënëmaayë: Tëkë tëkoty, mijts mëj'äämpy m'ity, paaty wä'änxyëp oypyë ja aaw ayuk xymyëminy.

1 Reyes 4:15

Ahimaas, mëti'ipë mëët pyijkyën ja to'oxytyëjk mëti'ipë xyëëwajtypyën Basemat, yë nyëëx yë Salomón, jam ma ja Neftalí ja y'itjotmën;

1 Crónicas 6:8

Ahitub yë'ë teety'ajtë Sadoc, Sadoc yë'ë teety'ajtë Ahimaas,

2 Samuel 18:19

Ënät yë Ahimaas, yë myaank yë Sadoc, t'ënëmaay yë Joab: Tyam yë mëyajtën npëjktsoy ets xy'ëwa'atsëty yë ntu'ujës, wä'änës nëjkx yë yajkutujkpë n'ëktuk'ëwaanë ko tëë ja myëtsip y'ooky, ma ja Wintsën të yaj'ëwaatsëpëtsëmyën.