2 Samuel 15:12 - Biblia Mixe de Quetzaltepec

¹² Ojts näjyëtu'un yë Absalón twoy yë Ahitófel, mëti'ipë mëët yë David tyuunmukyën ets mëti'ipë yë David wyäämpyën najtskajpxëpë, jam tsyëënë Guiló ets jyämyëët'atëtëty ma ënäty ja wintsë'kën tyajka'anyën. Jëtu'un ojts nyimayëtë ja Absalón ja jyä'äy ets tnipëtëka'antë ja ënä'ämpë David.

Biblia Dc en Mixe de Quetzaltepec

¹² Ojts näjyëtu'un yë Absalón twoy yë Ahitófel, mëti'ipë mëët yë David tyuunmukyën ets mëti'ipë yë David wyäämpyën najtskajpxëpë, jam tsyëënë Guiló ets jyämyëët'atëtëty ma ënety ja wintsë'kën tyajka'anyën. Jëtu'un ojts nyimayëtë ja Absalón ja jyä'äy ets tnipëtëka'antë ja ënä'ämpë David.

2 Samuel 15:12 ပူးပေါင်းရင်းမြစ်များ

Salmos 41:9

Yë'ëpaat yë nmëku'ukës mëti'ipës ënäty mëët oy nnäjyawëtyën, mëti'ipës ënäty mëët tu'ukyë nkay n'uukyën, nän tëës xymyëtsiptsoony.

2 Samuel 15:31

E ko ja David yajtukmëmëtyäky ko ja Ahitófel jä'ä ënäty mëët ja Absalón jëtu'unpë ja winma'any të tpaaty ko tnikäjpxytyunëtë ja yajkutujkpë, ënät ja David ënätyë ja Wintsën tmënu'kxtäky ets ja Ahitófel jëtu'unyë wyinma'anytyëkoyëty.

Josue 15:51

Gosen, Holón ets Guiló, jä'ä wyinë'aty ja kajpn nimajktu'uk, ëpëky ja myutsk kajpnëty mëti'ipë nyitënaaytyëpën.

2 Samuel 17:23

Ko ja Ahitófel t'ijxy ko ja wyinma'any ka'ap të tyuny, tää tniwë'ëny tnijujky ja jyëyujk ets ojts nyëjkxnë ma tyëjkën, jam ma ja nyaax kyajpnën ma ënäty të myinyën naaxwiiny. Ko tyajwintu'upëjktaay ja jyotmay jampë ma jyëën tyëjkën, tä nyäyaj'o'kë. Jëtu'un y'oky ets jam nyaaxtëjkëy ma ja tyeety nyaaxtëjkëyën.

2 Samuel 17:14

Absalón ets tëkokyë yë Israel ja'ayëty ojts tkajpxmuktë ko oy ni'ik tmëtoowtë ijxtëm ja Husai myäy tyäjyën ets ijxtëm të tuknipëjktaakën këtiinëm jyëtu'unëty ja Ahitófel. Ja Wintsën ënäty jëtu'un të tnipëjktaakë ets tjo'opanë ja Ahitófel ja wyinma'any mëti'ipë jeexyë tuunpën, mëët ko ënäty jä'ä t'ëyo'onmo'oja'any ja Absalón.

Tito 1:16

Jëtu'un y'ëna'antë ko Tios t'ixy'atë, je'eyëp ko tii tuntë jëtu'un yaj'ixy ka'ap yowë t'ixy'atë, ëxëëk'ijxtëp ets käjpxy kumëtoownajxtëp, ka'ap tukjatë wi'ix tii oy tuntëtyën.

Juan 13:18

Ka'ap miits ni'ëmukë ntijtë, ëjts nija'apës mëti'ipës të nwinwitsyën. E kopkpëky ko y'atëwëty wi'ix ja Tios ja y'aaw y'ayuk këxja'aypyë y'ënä'änyën: Mëti'ipës mëët nkay n'ukyën, mëtsip të y'awinpity.

Proverbios 21:27

Tios ëxëëk t'ixy ko ëxëëkja'aytyëjk tii tyoxtë. Jä'ä ko ka'ap tii ëmuumtu'ukjot tyaktë.

1 Crónicas 27:33

Näyjyëtu'un ja Ahitófel, nän wiinkajpxpë kajpxwijpë ijty tyuunk'ajtyp ma ja yajkutujkpë tyuuntaknën; e yë Husai, Arquit ja'ay, yë'ë ijty ja yajkutujkpë pyutëjkëp.

1 Reyes 21:12

Ojts tni'ënä'ämëtë ets ja ja'ayëty nitëkokyë y'ayuu'atëty, tääts t'ënyääytyaktë ja Nabot itkujky ma ja mayjyä'äyën.

1 Reyes 21:9

Ma ja nokyën tyaa jap y'ënä'äny: Ënëëmëtë ja ja'ay wä'än t'ayuu'atë ets xy'ënyääytya'aktëty ja Nabot itkujky.

Números 23:30

Balac ojts jëtu'un tuny tä Balaam y'ënëmaayën ets ma tu'ukjaty ja wintsë'këntyaknën, tu'ukjaty ja tsajpkaayä'äy ojts jam tyaj'ooky ets näjyëtu'un ja kupixyny yä'äy mëti'ipë të yä'kpetyën.

Números 23:14

Ënät ja Balac ojts ja Balaam jam twoownëjkxy Zofim ets tyajpejty ma ja Pisgá kopk kupi'tykyën. Jamts t'oytyuuny wëxtujk yë potsy ma ja wintsë'kën yajyäkyën ets tu'ukjaty yë tsajpkaa ets kupixyny yä'äy mëti'ipë tëë yä'kpetyën, tä tyäjky ma tu'uk ja potsyën ma ja wintsë'kën yajyäkyën.

Números 23:1

Ënät ja Balaam t'ënëmaay ja Balac: Oytyun yaa wëxtujk yë potsy ma wintsë'kën yajyäkyën, nipëjktaakë jam xytyimyaj'itëty mëët wëxtujk yë tsajpkaa ëna'k ets wëxtujk yë kupixyny ëna'k.

2 Samuel 16:15

Ënät ja Absalón kyajpntëjkëy mëët tëkokyë ja Israel ja'ayëty ets ja Ahitófel.

2 Samuel 23:34

Elifélet, yë myaank yë Ahasbai ets myaank yë Maacá; Eliam, yë myaank yë Ahitófel, jampë tsyoonyën Guiló;

Salmos 41:10

E mijts Wintsën, pa'ëyoowkës; yajtsok yaj'akëtakës, ets nmëtsip ntukumëtowëtëtyës ijxtëm të xytyimtuntënës.

Proverbios 15:8

Yë Tios ka'ap nijënu'un t'oy'ixy ko yë ëxëëk ja'ay tyäky yë wintsë'kën, e ko yë wa'ats ja'ay aaw ayuk myo'oyë kyupëjkpy yë'ë.

Jeremias 6:20

¿Tiijës ko xytyuknimintë yë poom mëti'ipë jam Sabá të xymyëtsoontën ets aay ujts mëti'ipë pa'akxu'kpën, mëti'ipë tso'onpën wiink kajpn? Ëjts ka'apës yë'ëjëty n'oyjyawë ja wintsë'kën no'okpyë xämpyë ets wiinkëtypë wintsë'kën.