2 Samuel 15:10 - Biblia Mixe de Quetzaltepec

¹⁰ E jä'ä xëëw ojts näyjyëtu'un tkäjxwa'kxta'ay yë ayuk oymyaakajpnëty ma ja Israel ja'ay tsyëënëtën, ma y'ënä'änyën, ko ja ja'ay tmëtowtëty ja xuxn yajtukxu'uxëty, jä'ä ënäty yajnikajpxp ja Absalón ets yë'ë y'ënä'ämëty.

Biblia Dc en Mixe de Quetzaltepec

¹⁰ E jä'ä xëëw ojts näyjyëtu'un tkäjxwa'kxta'ay yë ayuk oymyaakajpnëty ma ja Israel ja'ay tsyëënëtën, ma y'ënä'änyën, ko ja ja'ay tmëtowtëty ja xuxn yajtukxu'uxëty, jä'ä ënety yajnikajpxp ja Absalón ets yë'ë y'ënä'ämëty.

2 Samuel 15:10 ပူးပေါင်းရင်းမြစ်များ

1 Crónicas 12:38

Tëkokyë ya'atë tsiptuunpëtëjkëty mëti'ipë ojts nimay yajxon myuktën ets jëjp'ixy tyimyajpaatë oy ja tsip tyimpëtë'ëka'anëty, yë'ë jëtu'un ojts nyëjkxtë jam Hebrón ets ja David tnikajpxpäta'antë ets yë'ë tyëkëty yajkutujkpë ma ja Israel ja nyaax kyajpnën; e ja wiinkëtypë ja Israel ja'ayëty nän jëjp'ixy ja ënäty tyimyajpaatë.

1 Crónicas 12:23

Yaa jëtu'un yajnimëtyä'äky mëti'ipë ja David ojts tmä'kxyën, ja tsiptuunpë ja'ayëty, mëti'ipë ja tsip wyinkuwa'këtëpën ko jam yajpatë Hebrón, tääts jä'ä ja kutujkën tmëwë'ëmëjanë mëti'ipë ënäty ja Saúl nyitënääpyën, jëtu'un tä ënäty ja Wintsën të tuknipëjktaakën:

1 Crónicas 11:3

Jëtu'un'äämpy ojts tëkokyë ja mëjja'aytyëjk ets kopktëjkëty jampë yajpaatën Israel nyëjkxta'atë jam Hebrón ets mëët ja David myëtyaktë, ja David ojts ja käjpxytyu'unën tuny mëët yë'ëjëty ets yë'ë ja Wintsën ojts tukajpxpety ets yë'ë wyë'ëmëty ijxpë nija'apë. Ënät ojts tkënu'kxtë ja David ets yë'ë yajkutukëty, jëtu'un tä ënäty ja Tios të tukwinwanën ja Samuel.

2 Reyes 9:13

Tä ënätyë nitu'ukjaty nyätyuknijääntutëtë ja nyijänëty ets tyä'ptë ma ja tëjk yajnipäjtë'ëkyën, jä'ä tyukniyä'pëtyë ja Jehú. Tääts ojts txuxmuktë ja mayjyä'äy ets mëk tukyax tukjojkëtyë: Yë Jehú yë'ë tyam yajkutujkp.

1 Reyes 1:34

e ko ënäty ja teety Sadoc ets ja Natán tkënu'kxtë ets yë'ë yajkutukëty ma ja Israel kajpnën, mtukxu'uxtëp ënätyë ja tsajpkaawaj ets mëk m'ëna'antëty: Wä'än ja yajkutujkpë Salomón jeky tjuuky'äty.

2 Samuel 19:10

E ja Absalón mëti'ipë ojts njatuknipëjkëmën ets jeexyë yë'ë yajkutuky, tëë ja y'o'knë jam tsipjotm. ¿E tyam tii n'ëwxijtëmë ko ka'ap nyajwinpijtëmë jatëkok ja David?

2 Samuel 14:30

Ënät ojts ja Absalón ja tyuunpëtëjk t'ënëëmë: Ëk'ixtë, yë Joab yë'ëjës mëët tu'ukyë nätyu'kmëkam'atyë, e jam ma kyamën tam tyam yajxon tyajyoontä'äky yë tsajpmok, nëjkxtë ets xyjyëën'ixkonëtëty wä'än tnitooytyä'äy. Ja Absalón ja tyuunpëtëjk ojts jyänty nyëjkxtë ets tjëën ixko'onëtyë ja tsajpmok kam, wa'ats tyajtooytyääytyë,

2 Samuel 13:28

tëë ënäty t'ënëëmë ja tyuunpëtëjk: M'ixtëp yajxon, ko ja Amnón myukpëkëtëty, koos nikajpxëty ets xyaj'ooktëty, tääts ënätyë xyaj'ooktëty. Këtii mtsë'ëkëtëty, ëjts yam jëtu'un ni'ënä'ämëp. Amëk jotmëk myajpaatëty.

2 Samuel 5:5

jam Hebrón ma ja Judá ja jyä'äyëtyën, jä'ä ojts y'ëne'emy wëxtujk jëmëjt ja kujkm, e jam Jerusalén ma ja Israel ja'ayëtyën jä'ä ojts y'ëne'emy i'px majktëkëëk jëmëjt.

2 Samuel 2:11

jä'ä jam tyuuny wëxtujk jëmëjt ets ja tëtujk po'o, jam tmëët'ajty ja kyutujktakn jam Hebrón.

2 Samuel 2:1

Ko jëtu'un y'ëktuun y'ëkjajtë, yë David ka'ap ojts jëtu'unyë wyi'imy, ojts ja Wintsën tyajtëy, t'ënëmaay: ¿Wi'ix m'ëwatsyp etsës muum nëjkxëty kajpntumë? Tä ja Wintsën y'ëtsoowë: Ëjts n'ëwatsypës ets muum kajpntum mnëjkxëty. Tä ja David jatëkok tyajtëëy: ¿E maakajpn xy'ëwa'atsy nëjkxëtyës? Tä ja Wintsën y'ëtsooy: Jam mnëjkxëty Hebrón.

2 Samuel 15:9

Oy mnëjkxëty, jëtu'un y'ëtsoowë ja ënä'ämpë. Jëtu'un ja Absalón ojts jam nyijkxy Hebrón.

1 Reyes 1:11

Ënät ja Natán mëët myëtyäky yë Betsabé, yë Salomón yë tyaak ets t'ënëmaay: ¿Këtii xynyijawë ko Adonías, yë myaank yë Haguit, tëë kë'ëm nyäpyëjktä'äkyë yajkutujkpë ets ka'ap yë David tnijawë mëti'ipë nWintsën'ajtëmënë?