2 Samuel 14:2 - Biblia Mixe de Quetzaltepec

² paaty ojts tnikäxë tu'uk yë to'oxytyëjk kuwinma'anypë ets këpetypë, jam Tekoa kyukajpnëty. Ets t'ënëmaay: Yë'ë yam mpëjktsowäämpy ets mnäpyëjkta'akëtëty tä jeexyë mëk ja monyëtukyë xymyënaxy xyajnaxyën, yë'ë mtuktëkëp yë tukwit ets këtii yë on mnätyukjaaxëtëty këtiipë mpa'akxuukëty, jä'ä ko jëtu'un mëpaat mkëxë'ëky tä jeexyë ja monyëtukyë mtuktëjkëyënën mëët ko ja o'kën tëko'oyën të y'ity.

Biblia Dc en Mixe de Quetzaltepec

² paaty ojts tnikäxë tu'uk yë to'oxytyëjk kuwinma'anypë ets këpetypë, jam Tekoa kyukajpnëty. Ets t'ënëmaay: Yë'ë yam mpëjktsowäämpy ets mnäpyëjkta'akëtëty tä jeexyë mëk ja monyëtukyë xymyënaxy xyajnaxyën, yë'ë mtuktëkëp yë tukwit ets këtii yë on mnätyukjaaxëtëty këtiipë mpa'akxuukëty, jä'ä ko jëtu'un mëpaat mkëxë'ëky tä jeexyë ja monyëtukyë mtuktëjkëyënën mëët ko ja o'kën tëko'oyën të y'ity.

2 Samuel 14:2 ပူးပေါင်းရင်းမြစ်များ

2 Crónicas 11:6

Ojts yajxon mëk tkuwa'any ja Belén kajpn, Etam, Tecoa,

Amós 1:1

Ya'atë Amós y'aaw'ajtyp y'ayuk'ajtyp, ja kupixyny këwent'ajtpë, mëti'ipë jam Tecoa kukajpn'ajtpën. Ojts yë Wintsën tyukmëmëtyä'äkyë wi'ix ja Israel kajpn jyata'anyën, ja mäjtsk jëmëjt ënäty tkapaaty ma ja mëk ujx nyaxa'anyën; jää xëëw jää jëmëjt ma ënäty yajkutukyën yë Ozías, Judá yajkutujkpë ets ma yajkutukyën yë Jeroboam, yë Joás yë myaank, Israel yajkutujkpë.

Rut 3:3

E tyam yë'ë mtunëp mëti'ipë yam ntuk'ënëëmëjäämpyën; tsi'iw xëts yajxon, näpyerfumë kuutsët ets pëjkta'ak ja oypyë ja mwit ets jam kamjotm mnëjkxëty. Je'eyëp ko këtii mnätyuk'ixëtëty yë Booz ma ënäty ka'ap kyääytyä'äy y'ukta'aynyëmën.

Jeremias 6:1

Miitsëty Benjamín ja'ayëty, ixta'atë yë tsoktakn, käkpëtsëmtë jam Jerusalén. Tukxu'uxtë ja mxuxnëty jam Tecoa, tëëyë'ëktë tu'uk wit jam Bet-haquérem, jä'ä ko tam anëkëjxmtsow myiny wyinkony ja ëyo'on jotmay.

Nehemías 3:5

Ojts näjyëtu'un yajtuknikääkëtë tyuunk yë Tecoa ja'ayëty, oy ka'ap tjakupëjktë yë jyä'äyëty may ets ka'ap pyutëjkëtyë.

2 Crónicas 20:20

Komjëpom, jopyëp ojts pyëtë'kojtë ets tyu'utëkëja'antë, nyëjkxa'antë jam Tecoa, jam të'ëts'itjotm. Ka'anëm ënäty tyu'utëkëtë ko ja Josafat y'ënëmaayëtë: Mëtoow'itë ya'atë aaw ayuk miitsëty Jerusalén ja'ayëty ets Judá ja'ayëty: Yë Wintsën yë'ë mëpaat tu'ukyë xytyuk'ijxpätë ets akujk jotkujk m'itëty, tuk'ijxpätë ijxtëm ja tyuunpëtëjk y'ëna'antën ets xy'ëk'ixtëty ko aak'oy winë mwinpëtsëma'anxëtë.

2 Samuel 12:20

Ënät ja David wyä'ätsë'ky ets tsyiiy xyijtsy, nyäy'oon nyäpyëjkë ets ja wyit tjääntëkajtsy, tääts jap tyëjkëy tsajptëkoty ets ja Wintsën t'ëwtata'any; jam tsyo'ony tääts ojts nyijkxy ma tyëjkën t'amëtooy ja kääky uuky ets kyääy pyijky.

Mateo 6:17

Temë ko mijts m'ayuu'atëty, puj ja mwiin mjëjp ets näkyaaxët,

Eclesiastés 9:8

Poop wit xëmë mnätyukxoxëtëp ets on mëti'ipë pa'akxu'kpën xëmë mnätyukujaaxëtëty.

Salmos 104:15

yë ka'ayën ukën mëti'ipë mëjaaw moopyën, ets tsatym nyëë mëti'ipë yajjotkujktakpën, ets wyiin jyëjp yaj'ixy tim o'oyëtyääpy yowë.

Nehemías 3:27

ja Tecoa ja'ayëty yë'ë ojts tkoj'oyëtë yë potsy mëti'ipë jam tso'onpën ma ja mëjpotsyën ets tyimja'ty jam ma ja mëjpotsy txëëwatyën Ofel.

2 Samuel 11:26

Ko ja Urías ja tyo'oxytyëjk tnija'awëy ko tëë y'ooky ja nyiye'etyëjk, ojts tnimony tnituky ets ojts kanaak xëëw y'ity ayuu.

2 Samuel 20:16

Ajotkumonë ojts tu'uk ja to'oxytyëjk janty wijypyë këpetypë yujk'ëna'any mëti'ipë jap kukajpn'ajtpën: Mëtowtë, mëtowtë. Tuntë mëyajtën. Tun mëyajtën, ënëëmëtë yë Joab, wä'än yaa xynyiminyës yë'ëjës nmëkajpxäämpy.

2 Samuel 23:26

Heles, mëti'ipë yajtijpën paltita; Irá, yë myaank yë Iqués, jampë kyukajpnëtyën Tecoa;

1 Reyes 14:2

Ënät ja Jeroboam t'ënëmaay ja tyo'oxytyëjk: Mijts yë'ë ënät mtunëp, wiink wit mpëjkta'akëp, këtiipë yaj'ixëty ko mijts nto'oxytyëjk'ajtyp ets jam mnëjkxëty Siló. Jam tu'uk tsyëënë ja'ay Ahías xyëëwajtyp, Wintsën myëtuumpy, yë'ëjës ojts xytyuk'ëwaanë koos ëjts n'itëty yajkutujkpë ma ja naax kajpnën.

1 Reyes 14:5

e ja Wintsën tëë ënäty nyatuknija'awëyënë ko ja Jeroboam ja tyo'oxytyëjk nyimina'any ets tyajtëwa'any wi'ix wyë'ëma'anyën ja y'u'unk mëti'ipë pëjkëpën. Ojts tyuknijawëty wi'ix t'ëtsowëtyën ja to'oxytyëjk ets ko ënäty myina'any wiink xoxy.

Génesis 38:19

Tä yë Tamar ojts jatëkok nyëjkxkojnë ets nyätyukwinpëjktutë ja wit jatëkok, mëti'ipë ënäty jam wyinpëk'ajtypyën, tääts tuktëjkëy ja wyit mëti'ipë ënäty ku'ookytyo'oxy yajkëxë'këpën.