2 Samuel 14:14 - Biblia Mixe de Quetzaltepec

¹⁴ Yë'ë tëyajtën yë'ë ko kopkpëky ko jëna'a n'o'kmëty; ëtsajtëm jëtu'un'ajtëm tä nëëjën ko nyajtstämë ka'ap tjëkyepy n'ëkyajpëtë'kënëty. Yë'ë tëy yë Wintsën ni pën yë jyuukyajtën tkapëjkë, ni'ikyë tsoky tjawë ets ja'ay jyuuky'atëty ets ja mëti'ipë ke'ekyjyëtijtpën yajwinpijtyp jatëkok ma jyëën tyëjkën.

Biblia Dc en Mixe de Quetzaltepec

¹⁴ Yë'ë tëyajtën yë'ë ko kopkpëky ko jëna'a n'o'kmëty; ëtsajtëm jëtu'un'ajtëm tä nëëjën ko nyajtstämë ka'ap tjëkyepy n'ëkyajpëtë'kënëty. Yë'ë tëy yë Wintsën ni pën yë jyuukyajtën tkapëjkë, ni'ikyë tsoky tjawë ets ja'ay jyuuky'atëty ets ja mëti'ipë ke'ekyjyëtijtpën yajwinpijtyp jatëkok ma jyëën tyëjkën.

2 Samuel 14:14 ပူးပေါင်းရင်းမြစ်များ

Job 30:23

Nnija'apës ko mijts xyaj'ookaanpës, ma kyukëxëtën mëti'ipë juuky'ajtëpën.

Hebreos 9:27

Jëtu'un ijxtëm yajtuknipëjktakëyën ja ja'ay tuk'okyë y'ookëty ets yajnipaye'eytyëty.

Números 35:28

Ja mëti'ipë ënäty ja myëku'uk të tyaj'ookyën, jam nëjkx wyi'imy ma ja naax kajpnën, mëti'ipë tsoktaknën, koonëm ja teety wyintsën y'ookëty mëti'ipë juukyajtpën jä'ä xëëw jä'ä jëmëjt. Täänëm wyimpitëty ma ja nyaax kyajpnën.

Números 35:25

Ja kajpn yë'ë ka'ap t'ëwa'atsëty ets ja ja'ay mëti'ipë ënäty ja myëku'uk të y'ookyën tyaj'o'kwinpitëty ja yaja'ay'o'kpë. Nëjkxëp tmo'otë ja ëwaatsëtuuy'ajtën ets jam nyëjkxëty ma ja naax kajpnën mëti'ipë tsoktaknën. Ja yaja'ay'o'kpë jam jëtu'un jyuuky'atëty koonëm y'ookëty ja teety kyopk, mëti'ipë ënäty ja Tios myëtuumpyën jä'ä xëëw jä'ä jëmëjt.

Números 35:15

Ya'atë tëtujkpë kajpn, jä'ä nëjkx wyä'äny tsoktakn. Jam nëjkx kyäktso'oktë yë Israel ja'ayëty ets oy yë'ëjëty yë jaaypyo'kxyjyä'äyëty. Jam kyäktso'oktëty yë ja'ayëty mëti'ipë ënäty yë myëku'uk ka'ap tsyokyëty të tyaj'ookyën.

Eclesiastés 9:5

Ets näjyëtu'un mëti'ipë ja'ay juuky'ajtëpën nyija'awëtyëp ko y'ooka'antë, e yë o'kpëty nitii tka'ëknija'awënëtë ets nitii tka'ëkpatnëtë, jä'ä ko ja'atyëkoy yë nyëjkxnëtë.

Salmos 22:14

Jëtu'unës ëjts tä nëë nyajtstämën. Tëës yë nwaay mpajk jyäjxma'ta'ay. Jëtu'unës yë njuukyjot tä pu'unykyën tëë jap jyiiytyakta'ay njootjotyës.

Job 14:14

Ko tu'uk yë ja'ay y'ooky, ¿wä'än jëtää jatëkok jyuuky'ajtwinpityë? ko jeexyë y'ëkjëtu'unëty, n'ëwxijtypyës jeexyë mapaat xytyukka'ayës tsyo'okëty ja mpëjkënës n'ijxënës.

Romanos 2:11

Jä'ä ko Tios, ko pyaye'ey ni pën tka'apupety;

Mateo 22:16

Paaty ojts tkäxtë ja y'ijxpëjkpëtëjk mëët ja Herodes jyä'äy ets ja Jesús t'ënëmaaytyë: Wintsën, nija'awëtyëp ëëtsëty ko mijts mëtëy winë xykyäjpxy ets ko mijts mëtëy ja ja'ay xytyuk'ijxpëky ja Tios ja nyë'ë tyu'u oy pën tëkatsy mnikäjpxy mnimëtyä'äkyë, jä'ä ko ka'ap yë'ëkyëjxmëty winë oy xytyuny ets ja ja'ay m'oyjyawëtëty.

Salmos 90:10

Tëkë'px majk jëmëjt je'eyë njuuky'ajtëmë, e pën oy jeky ntimjyuuky'ajtëmë najääjën jyä'ty majkta'pxën; e oy ënät jëtu'un njajuuky'ajtëmë jeky, ka'ap xoontä'äky nyajpatmëty oywyi'ix njaak yajnajxmëty ja xëëw jëmëjt. Yë xëëw jëmëjt tsojkyë nyäxy, näjyëtu'un ëëts'ajtëmë.

Salmos 90:3

Mijts pojën yë naaxwiinyëtë ja'ay jatëkok xyaj'awinpity naaxway ko m'ënaankojnë: Awinpitë naaxway miitsëty naaxwiinyëtë ja'ayëty.

Salmos 79:3

Jëtu'un tä nëëjën të tam të tyoktë ja jot ne'pyny ma Jerusalén kajpnën, ets ka'ap ma pën, pën yajnaaxtëkëtëpën.

Salmos 58:7

Wä'än tëkooytya'atë tä nëëjën mëti'ipë pëyë'kpën; ets wä'än jëtu'un tëtstëkooytya'atë tä aay ujtsën mëti'ipë në'ë'aay tu'u'aayën;

Job 34:19

Yë'ë ka'ap tpukajpxë yë yajkutujkpëtëjk ets ka'ap yë kumeenyjyä'äytyëjk ni'ik tputëkë këtiinëm yë ëyoowpëja'aytyëjk, jä'ä ko yë'ë yajkojtaay wä'än tpënëty.

2 Samuel 11:25

Ënät ja David t'ëtsooy ja kukäjpxy: Ënëëmë yë Joab ko këtii nëkooyë tmëmay tmëtajëty mëti'ipë të tyuny të jyätyën jä'ä ko jëtu'unën yë tsip tyunyë, jam xy'ënëëmëty ko wä'än ni'ikyë tjotmëktä'äky ets tnitëkëty yë kajpn amëk jotmëk, koonëm tyajkutëkoyëty.

Deuteronomio 10:17

Jä'ä ko yë Wintsën mëti'ipë miits mTiosajtëpën, yë'ë Tios mëti'ipë ni'ik yë mëj'ajtën myëët'ajtypyën ma wiinkëtypë tiosën ets wiinkëtypë wintsënën. Yë'ë Tios mëjpë mëti'ipë maaytyääyëpën winë ets mëti'ipë kutsë'ëkën, mëti'ipë ka'ap win'ixy winkexy yë ja'ay tsoky tjawën ets mëti'ipë ka'ap yajuyën.

Levitico 26:40

E jä'ä nëjkx xyjyajawëtë ja mpokyëty ets ja pyokyëty ja mteety mtaakëty, mëët ko ënäty ka'ap oy të xymyëtuntës ets ko ënäty ka'ap të tuntë këwentë ja n'aaw n'ayukës.

1 Pedro 1:17

Pën miitsëty Tatë, xynyëëmëtë ja Tios, mëti'ipë paye'epyën mëtëy ets ka'ap wyin'ixy wyinkexyëty, kopkpëky ko xywinkutsë'ëkëtëty xëmë mapaat yaa naaxwiiny mjuuky'atën.

Hechos 10:34

Ënät ja Pedro kyajpxtso'ony: Tyamës n'ixy nijawë ko ja Tios tsyojktääpy ja ja'ay ni'ëmukë,

Éxodo 21:13

E pën ka'ap ja myëku'uk tsokyëty të tyaj'ooky ets pën jëtu'un ënäty ja Tios të timyajkutujkpë ets y'ookëty, ok ntuk'ëwaanëty ma nëjkx kyäktso'okyën.

2 Samuel 14:15

E yë'ëts ënät mwinjawëp mijts Wintsën, ko ëjts yaa të nmiinpë ets yaa mijts nmëëtkäjpxy nmëëtmëtyä'äky, yë'ëkëjxm koos yë ja'ay nëkoo xyajjotkëxy. Paatyës yaa të nminy kooxyëp ja ënä'ämpë tnatunëty mëti'ipës npëjktsoopyën.

1 Reyes 11:39

E yë'ëts ënät ja David ja y'u'unk y'ok, tyamës ja ntukukëpäta'any mëët ko të pyokytyuny, je'eyëp ko ka'ap xëmë jëtu'un tyim ita'any.

Salmos 22:15

Jëtu'unës yë n'aaw tä texy apu'ujën; tëës yë nyä'än myëjtëtspäjnë npa'kxwiinyës. Jap ma o'kpë nyipetyën japës të xyajkëtä'äky.

Salmos 77:8

¿Tëë jëtää jäpaat kyixy nyäxy yë tsyojkën jya'awënë? ¿Tëë jëtää kyixy nyäxy ja wyaantakën xëmëkyëjxmë?

Lamentaciones 3:31

Yë Wintsën ka'ap tu'ukyë xyjyä'äytyëko'omyëty.

Ezequiel 18:23

Ëjts ka'apës ntsoky ets ëxëëk ja'ay y'ookëty, yë'ëjës ntsojkpy ets tyajtëkatsëty yë jyuukyajtën ets jyuuky'atëty. Ëjts Wintsën, ëjts ënaanp.