2 Samuel 14:11 - Biblia Mixe de Quetzaltepec

¹¹ E ja to'oxytyëjk ni'ikyë y'ënaan'ëtë'ëtsy: Tyamës yë Wintsën yë xyëëw nkajpxpatë ets mijts nmënu'kxtä'äky ma yaa m'ëne'emyën myajkutukyën ets xymyëpëjktsowëty yë Wintsën ets jyä'äkyukëty ja nmëku'uktëjkës, këtiipë ja ëxëëk winma'any tpaatëty tyaj'ookantëpëty ja wiinkpë ja nmaankës, mëti'ipë je'eyë tu'uk jaakwë'ëmpën. Tä ja ënä'ämpë tnikajpxëy: Tyam yajxon n'ënëëmë mëët ja Wintsën ja xyëëw ko yë mmaank nitii kyajata'anyë jëtu'un tä jeexyë kyuwaay nitu'uk kyaka'ayën.

Biblia Dc en Mixe de Quetzaltepec

¹¹ E ja to'oxytyëjk ni'ikyë y'ënaan'ëtë'ëtsy: Tyamës yë Wintsën yë xyëëw nkajpxpatë ets mijts nmënu'kxtä'äky ma yaa m'ëne'emyën myajkutukyën ets xymyëpëjktsowëty yë Wintsën ets jyä'äkyukëty ja nmëku'uktëjkës, këtiipë ja ëxëëk winma'any tpaatëty tyaj'ookantëpëty ja wiinkpë ja nmaankës, mëti'ipë je'eyë tu'uk jaakwë'ëmpën. Tä ja ënä'ämpë tnikajpxëy: Tyam yajxon n'ënëëmë mëët ja Wintsën ja xyëëw ko yë mmaank nitii kyajata'anyë jëtu'un tä jeexyë kyuwaay nitu'uk kyaka'ayën.

2 Samuel 14:11 ပူးပေါင်းရင်းမြစ်များ

1 Samuel 14:45

Ënät ja naax kajpn ojts t'ëtsoy ja Saúl: Wi'ix ko y'ëk'o'kpëty yë Jonatán, pën mëët yë'ëkyëjxm yë Israel ja'ayëty tyam të myëta'aktë, tääpë winma'any ka'ap tyunëty. Jëtu'un tä yë Tios jyuukyëtyën, yë Jonatán nitu'uk yë kyuwaay kyanëëka'ajëty. Jä'ä ko mëti'ipë tyam të tunyën yë'ë Wintsën të pyutëkëty. Jëtu'un'äämpy ja naax kajpn ojts tnikajpxtu'uty ja Jonatán ets ka'ap y'o'ky.

Mateo 10:30

E miitsëty ënät, yë'ëpaat yë mwaayëty mkëpajkëjxypyë, mëtyoy tyaj'ity tu'uktu'uk.

Números 35:19

Ko ja ja'ay ja myëku'uk mëti'ipë ënäty të y'ookyën, yë'ë patëp tyaj'o'kwinpitëty ja myëtsip, ëkë ja mëti'ipë ënäty ja myëku'uk të yaj'o'kxëtyën ko muum tpaatëty.

Hechos 27:34

Mkaytyëp m'uuktëp ets ja mmëjaaw xypyëktëty ets mjaakjuuky'atëty, ka'ap pën wi'ix jyata'any.

1 Reyes 1:52

Tä ja Salomón y'ëtsooy: Pën oy ja jyot wyinma'any tyajwinkëxë'ëky ka'ap nitii jyatëtëty ets nitu'uk yë wyääy kyanëka'ajëty; e pën jääts tii tuuntëkoy, kopkpëky ko y'ookëty.

Números 35:21

ëkë pën kyojxyp tsyi'kpy ja myëku'uk mëët ko ënäty ka'ap oy mëët nyäjyëkyepyë ets ja myëku'uk tkukoxëty. Ja ja'ay mëti'ipë ënäty ja myëku'uk të tkukoxyën, jä'ä nëjkx pokymyëët wyi'imy. Jä'ä ko yaja'ay'o'kpë ënäty nyajxkojnë. Ja ja'ay ja myëku'uk mëti'ipë ënäty të y'ookyën, jä'ä nëjkx tyaj'o'okwinpity ja yaja'ay'o'kpë, ko muum tpaatëty.

Jeremias 4:2

jäänëm tëy, jyëkyäpëp xykyajpxpaatëty yë nxëëwës ko ënäty tii xynyikäjpxy mëët yë tëyajtën, mëët ja oypyë ja paye'eyën ets oypyë tu'unën kajpxën. Nëjkxëp ja ja'ay tukxoonta'aktë ja nxëëwës ma ja naax kajpnën.

1 Samuel 28:10

E ja Saúl ja Tios ojts ja xyëëw tukkajpxpety ets t'ënëmaay: Tyamës yë Tios yë xyëëw ntukkajpxpety ko mijts ka'ap tii mjatëtëty.

1 Samuel 20:42

Ko jëtu'un kyëjxtaay nyajxtaay, ënät ja Jonatán t'ënëmaay ja David: Nëjkx akujk jotkujk ets ja'amyäts ja käjpxtyu'unën mëti'ipë të ntu'unëmën nimäjtsk, yë Wintsën yë'ë kë'ëm të ntimtyuknija'awëmë ets tëë n'amëto'owëmë ko yë'ë xëmë yajpaatëty ma ëëtsajtëmën ets ma ja n'u'unk'ajt n'ok'ajtëmën. Tä ja David ojts jam tsyo'onë ets ja Jonatán näjyëtu'un wyimpijnë ma kyajpnën.

Números 35:27

Ja ja'ay ja myëku'uk mëti'ipë tëë y'ookyën, kajts ja poky tunëty, pën yaj'o'kpy muum ja mëti'ipë ënäty ja myëku'uk të yaj'o'kxëtyën.

Génesis 31:50

Pën ëxëëk xytyuny ja n'u'unkës nnëëxës ets pën mpëjkpy m'ukpy wiinkpë ja to'oxytyëjk, oy ënäty pën tka'ixy tkanijawë, Tios yë kë'ëm kyëwentëpëkëp.

Génesis 14:22

Tyaa Abram y'ëtsooy: Tëës yë Tios nwinwanë, yë Tios Ni'ik Këjxmëpë, mëti'ipë tsajp ets naaxwiinyëtë yajkojën,

2 Samuel 14:10

Ets ja ënä'ämpë y'ëtsooy: Pën nëkoo m'ëtsu'ux mëkajpxëp, yaa xynyikajpxëty ets ka'ap pën nëkoo m'ënaxëtëty.

2 Samuel 14:12

E ja to'oxytyëjk ni'ikyë ja y'ënaan'ëtë'ëtsy: Wintsën, këtii wi'ix xy'ëkjawëty, oy je'eyë ja tu'k aaw njaakajpxa'anyës. Kajpx, jëtu'un y'ënëmaayë ja ënä'ämpë.

2 Samuel 14:21

Mëët ko ënäty jëtu'un ja to'oxytyëjk të y'ënä'äny, ënät ja David t'ënëmaay ja Joab: Ëk'ix ya'atë winma'any tëëjës yam nyaj'oyë. Nëjkx ets xyajwinpitëty yë Absalón.