2 Samuel 13:39 - Biblia Mixe de Quetzaltepec

³⁹ e ko ojts jatëkok jyotkujkë, ënät tja'amyejtsy ja myaank Absalón ets y'ënäny ko t'ixa'any.

Biblia Dc en Mixe de Quetzaltepec

³⁹ e ko ojts jatëkok jyotkujkë, ënät tja'amyejtsy ja myaank Absalón ets y'ënäny ko t'ixa'any.

2 Samuel 13:39 ပူးပေါင်းရင်းမြစ်များ

Génesis 24:67

Ënät ja Isaac ojts ja Rebeca twoownëjkxy ma ja tyaak ja jyëën tyëjkën, tä ojts mëët pyiky y'uuky. Yë Isaac mëk tsojky tja'awëy yë Rebeca, jëtu'un ojts jotkujk nyäjyawëty jatëkok oy ënäty ja tyaak të y'ëk'ooky.

Génesis 31:30

Pën mijts mjanty wyinpitanëp ënäty ma ja mteety ja jyëën tyëjkën ets paaty të mtsoony. ¿Wi'ix ko të xy'ëkmä'tspë ntsaamëxanës?

Génesis 37:35

Yë Jacob yë y'u'unk y'ëna'k ojts jya'ënë'ëmxëty ets jeexyë ka'ap mon tuk y'ëkyajpatnë, e yë'ë ka'ap t'a'ijxëy, ni'ikyë tyëjkëy moonpë tujkpë, ko pën wi'ix y'ënë'ëmxëty ets ijty y'ënä'äny: Nimon nitukëpës yë n'u'unk nmaay ijxtë koonëmës n'ookëty, täätsës mëët jatëkok näpyaatëtëty o'kpë akujky.

Génesis 38:12

Nyäjxy jëtu'un yë xëëw jëmëjt, ok ojts y'o'knë ja Judá ja tyo'oxytyëjk, ja nyëëx ja Súa. Ko ja Judá nyäjxy ja myonyë tyukyë, mëët ko ënäty ja tyo'oxytyëjk të y'ooky, tä tsyo'ony ets ojts nyijkxy ma tu'uk yë kajpn txëëwatyën Timnat, ma ja ënäty ja ja'ayëtyën jam mëti'ipë ja kupixyny ja jyëmk kyä'ptëpën, yë'ë ojts mëët nyijkxy yë myëku'uk mëti'ipë xyëëwajtypyën Hirá, Adulam ja'ay ënäty.

2 Samuel 14:1

Joab ojts tnijawë, ko yë yajkutujkpë David mëk ënäty tpa'ëyoy yë Absalón,

Salmos 119:20

Je'eyës nyajpaaty janaam jatsojk janty määpy janty tajp koos njanijawëja'any mëti'ipë mijts mni'ënä'ämëpën.

Salmos 84:2

Janty itaanpës ets janty nëjkxaanpës ma mtsajptëjkën, winë aaw winëjot nkuuy'iy nkuuyä'äxyës mëti'ipë juukyajtën yäjkpyën.

Deuteronomio 28:32

Nëjkxëp xyjya'ixy, ko ënäty yë mnëëx ets maank yajmënëjkxnëtë ets mja'ëna'anëty jatëkok xya'ixa'anëty, mijts nitii nëjkx mkamayë.

Filipenses 2:26

Yë'ë mëk mja'amyätsëtë, mtukjotmay'ookëtë ni'ik, jä'ä ko ojts xynyijawëtë ko tëë pyikyë.