2 Samuel 13:37 - Biblia Mixe de Quetzaltepec

^37-38 Ja Absalón jam ojts nyaskääkë ma ja Talmai yajkutukyën, yë'ë myaank yë Amiud ma ja kajpn txëëwatyën Guesur, tëkëëk jëmëjt jam y'ijty. David xëmë winjëpom ojts tniyä'äxy ja myaank Amnón ko ënäty të y'ooky,

Biblia Dc en Mixe de Quetzaltepec

^37-38 Ja Absalón jam ojts nyaskääkë ma ja Talmai yajkutukyën, yë'ë myaank yë Amiud ma ja kajpn txëëwatyën Guesur, tëkëëk jëmëjt jam y'ijty. David xëmë winjëpom ojts tniyä'äxy ja myaank Amnón ko ënety të y'ooky,

2 Samuel 13:37 ပူးပေါင်းရင်းမြစ်များ

2 Samuel 3:3

ja mëmäjtskpë, jä'ä xyëëwajt Quileab, yë'ë mëët t'u'unk'aty yë Abigail, ja to'oxytyëjk mëti'ipë ja Nabal nyi'o'ktutën jam Carmel; ja mëtëkëëkpë jä'ä xyëëwajtyp Absalón, yë'ë mëët t'u'unk'aty ja to'oxytyëjk mëti'ipë xyëëwajtypyën Maacá, ja nyëëx ja Talmai jampë y'ëne'emyën Guesur.

1 Crónicas 3:2

Ja mëtëkëëkpë jä'ä xyëëwajtyp Absalón, yë'ë yajmëxu'unk'ajt Maacá, nyëëx yë Talmai, jampë yajkutukyën Guesur; ja mëmajktaxkpë jä'ä xyëëwajtyp Adonías, yë'ë yajmëxu'unk'ajt Haguit;

2 Samuel 14:32

Tä ja Absalón y'ëtsooy: Mja'amyejtsypë ko tëë njanikäxë ets jeexyë yaa të miny, tääts jeexyë ojts të xy'ixy yë yajkutujkpë mëët ëjtskyëjxm, ma jeexyë të xy'ënëëmë ko nëkoopës të nminy yaa nikë oyës jeexyë jam të ntimwyi'imy Guesur. Ëjts yë'ëjës yë yajkutujkpë nja'ixäämpy, pën ëjts pokymyëëtës wä'änës xyaj'ooky.

2 Samuel 14:23

Ënätyë ja Joab tnitso'ony ja Absalón, jam ënäty yajpaaty Guesur ets tyajmina'any jam Jerusalén.

2 Samuel 13:34

Ja Absalón ojts ënätyë kye'eky, ja ja'ay mëti'ipë ënäty jam këwent'ajtpën ma ja David ja kyutujktaknën jam jëkäm t'ijxpaty ja'ay myintë jëyujk këjxy, nikanaak, ma ja it txëëwatyën Horonaim, ma wyinjënäkyën. Ënät ënätyë tuk'ëwa'anëy ja yajkutujkpë David, ko ënäty të t'ixy ja ja'ay jam jyënaktë tunkëjxm ma txëëwatyën Horonaim.

2 Samuel 13:36

Tam ënäty je'eyë ja Jonadab tyimkajpxta'ay, ko ja yajkutujkpë David ja y'ëna'k kyuwa'këtyë ets tyëjkëtyë jëëpyë yaxpë, näjyëtu'un ja David ets tëkokyë ja myëkutuunktëjk.

2 Samuel 14:13

Ënät ja to'oxytyëjk yajtëëwë: ¿E wi'ix ko yë yajkutujkpë jëtu'un ja Tios ja nyaax kyajpn tuunpë? Jëtu'un ijxtëm të m'ëtsoyën, mijts mpokykya'ap ko ka'ap xyajwinpity ja maank mëti'ipë ke'ekyjyëtijtpën.

2 Samuel 15:8

Jamës ënäty ntsëënënëm Guesur, ma sirië ja'ayëty tsyëënëtën, jam ojts yë Wintsën n'ënëëmës pën xyajwinpijtpës oy mëk jam Jerusalén yë'ë nyajmiinëpës yë wyintsë'kën.