2 Samuel 13:29 - Biblia Mixe de Quetzaltepec

²⁹ Ja tyuunpëtëjk ojts ja wyintsën tjanty myëmëtowtë, yaj'o'ktë ja Amnón. Ënät tëkokyë ja yajkutujkpë David ja y'ëna'ktëjk wyatsë'ktaaytyë ets kyäktë.

Biblia Dc en Mixe de Quetzaltepec

²⁹ Ja tyuunpëtëjk ojts ja wyintsën tjanty myëmëtowtë, yaj'o'ktë ja Amnón. Ënet tëkokyë ja yajkutujkpë David ja y'ëna'ktëjk wyatsë'ktaaytyë ets kyäktë.

2 Samuel 13:29 ပူးပေါင်းရင်းမြစ်များ

1 Reyes 1:33

tä y'ënëmaayëtë: Yë'ë ënät mwowtëp yë wintsëntëjkëty mëti'ipë yaa yajpatëpën ma ya'atë kutujkënën ets jam yë nmaankës Salomón xyajpätëty jëyujk këjxy, ma ja jëyujkën mëti'ipës ntuk'u'unyääpyën ets jam xyajnëjkxtëty Guihón;

2 Samuel 18:9

Yë Absalón ajotkumonë ojts twinkuja'të ja David ja jyä'äy, jëyujkkëjxm ënäty myiny. Ënät ja jëyujk y'äämtyëjkëy jam xojjotm ets ja Absalón tu'uk ja xoj kepy xe'enty y'akajptujkë yo'knkëjxm, jam ojts wyi'imy pojjotm jä'ä ko ja jyëyujk ojts pya'atye'eytyu'utyë.

Miqueas 7:3

Yi'iyë yaj'ijxpëjktëp wi'ix ëxëëkpë tuntëtyën, yë wintsëntëjkëty mëk tpatëkëtë kyuma'ayënëty, yë yajkutujkpëtëjk pojën yajtukwin'ëëntë meeny, yë ja'ayëty mëti'ipë mëk'ajtën kutujkën myëët'ajtëpën jëtu'un y'ëtë'ëtstë y'ëna'antë tä tyimjot tyimwinma'anyëtyën ets ka'ap ja naax kajpn tyajjotkujk'atë.

Proverbios 29:12

Ko tu'uk yajkutujkpë yë'ë tmëpëky mëti'ipë antakpën, ja tyuunpëtëjk aakjëtu'un y'awinpijta'atë, ka'ap oytyuntë.

Levitico 19:19

Yë'ë jëtu'un patun ëjts yë n'ënä'ämën ntëyajtënës. Këtii yë mtsajpkaa xyajnäymyukëtëty mëët yë wiink jëyujk. Këtii kanaakpëky winë xynyi'ipëty ma mkam mtu'ujën. Këtii näjyëtu'un yë mwit xypyëjkta'akëty mëti'ipë kanaakwit mëët xyuyëtyën.

Génesis 36:24

Yë y'u'unk y'ëna'k yë Sibón jä'ä xyëëwajtë Aiá ets Aná. Yë Aná yë'ë ojts tëkok tpaaty ja nëëwooky jam wintë'ës'itum, ma ënäty jam kyërukts këwent'atyën, mëti'ipë ja tyeety Sibón jyä'ä'ajtypyën.

2 Samuel 13:30

Tam jëtää ja ënäty tyu'uye'eytyënëm, ko ja David tnija'awëy, ko tëë ja Absalón tyaj'o'kta'ay ja yajkutujkpë David ja y'u'unk y'ëna'k, ko ka'ap tu'ukën të wyi'imy.

1 Reyes 1:38

Ënät ja teety Sadoc ets ja käjpxynyajxpë Natán, ja teety Benaías, ja Joiadá ja myaank, ja Queret ja'ayëty ets ja peleteos ja'ayëty, mëti'ipë ja David ijty këwent'ajtëpën ojts tninëjkxtë ja Salomón ets jam tyajpäjtë jëyujkëjxy, mëti'ipë ijty ja yajkutujkpë David tyuk'u'unyääpyën, tä tyajnëjkxtë jam Guihón.

2 Samuel 12:10

Mëët koos ka'ap të xymyëj'ixy, ko të xypyëjkë ja Urías ja tyo'oxytyëjk, ja Hit ja'ay, jam ma mjëën mtëjkën itëp jam xëmë ja tsip äkë.

2 Samuel 14:6

e jamtsës nimäjtsk yë nmaank, ënät ojts ja tsip tyajpëtë'ëktë, e jä'ä ko ka'ap ënäty jam pën awijtswa'kxëtëp tu'uk ojts tyaj'o'knë ja myëku'uk, jam ënäty yajpaatë kamjotm.