2 Samuel 13:23 - Biblia Mixe de Quetzaltepec

²³ Kommäjtsk jëmëjt, jam ënäty yë Absalón yë jyä'äy tyuntë Baal-azor, yë'ë yë tsyajppax jam nyika'ptutëp ets pixyny tyajënaktë, jam wyi'imy winkon ma Efraín yë y'itjotmën. Ënät ojts yë Absalón tu'uk yë ka'ayën ukën tnipëjktaakë ma twoowtaayën tëkokyë ja yajkutujkpë, David ja y'u'unk y'ëna'k.

Biblia Dc en Mixe de Quetzaltepec

²³ Kommäjtsk jëmëjt, jam ënety yë Absalón yë jyä'äy tyuntë Baal-azor, yë'ë yë tsyajppax jam nyika'ptutëp ets pixyny tyajënaktë, jam wyi'imy winkon ma Efraín yë y'itjotmën. Ënet ojts yë Absalón tu'uk yë ka'ayën ukën tnipëjktaakë ma twoowtaayën tëkokyë ja yajkutujkpë, David ja y'u'unk y'ëna'k.

2 Samuel 13:23 ပူးပေါင်းရင်းမြစ်များ

Génesis 31:19

Jä'ä ënäty ja Labán të tninëjkxy ja kyupixyny ets ja nyijëmk tnëkääpanë, e jam ënäty muum yajpaaty ko ja Raquel ojts tmeetsy ja naaxpotsy u'unk mëti'ipë ja tyeety ijty y'ëwtajtypyën.

2 Samuel 13:24

Ojts näjyëtu'un tninëjkxy ja yajkutujkpë David ets t'ënëmaay: Tatë tyaajës nminy, mijts yam nwowäämpy ets jeexyë jam nyajpatëmë maas jam ja ntuunpë tyuntën, ma tnikääptën ja tsajppax, jamës tu'uk yë ka'ayën ukën nipëjktaakë e ntsojkpyës ets jam minëty.

1 Reyes 1:19

Tëë janty may tyaj'ooky yë jëyujk tsajpkaa, tsajppax ets kupixyny, ma të twoowta'ayën ja m'u'unk m'ëna'k kääpyë ukpë; tëë näjyëtu'un twoy ja teety Abiatar ets Joab mëti'ipë mtsiptuunpë wintsën'ajtypyën, e kajts të twoy yë Salomón, mëti'ipë mijts mëtuunëpën.

1 Reyes 1:25

Jëtu'unës n'ixy, ko yë'ë tëëtëm jam jyëjptä'äky ets tëë ja jëyujk tsajpkaa tyaj'ooky may ets tsajpkaa ëna'k ets tsajppax, kupixyny; tëë twoowta'ay kääpyë ja m'u'unk m'ëna'k, mtsiptuunpë wintsëntëjk ets ja teety Abiatar. Tyam tam yajxon kyäytyë y'uuktë ets ya'axtë jyoktë: Wä'än yë Adonías tyajkutuky.

1 Reyes 1:9

Jä'ä xëëw yë Adonías ojts tu'uk yë ka'ayën ukën tnipëjktaakë jam winkon ma ja tsaatun txëëwatyën Zohelet, winkon ma ja nëëwookyën Roguel. Ojts tyaj'ooky yë tsajppax, tsajpkaayä'äy ets tsajpkaa ëna'k ni'kxëtypë, tääts twoowtaay kääpyë ja jyiiky myëku'uk ets tëkokyë ja myëkä'äxtëjk, ja y'ëna'k ja yajkutujkpë ets tu'kë'ëyë ja Judá ja'ayëty mëti'ipë mëët tyuunmuktën ja yajkutujkpë;

2 Reyes 3:4

Mesá, mëti'ipë jam yajkutujkpën Moab, yë'ë ijty tyuunk'ajtyp ma ja ja'ay tyajmayën ja tsajppax, kupixyny, e yë'ë xëmë ënäty pyäätyë tkukëpätëty ja mëti'ipë jam myëët'ajtypyën, jä'ä ijty tyäky mëko'px mil ja tsajpkaa ets mëko'px mil ja kupixyny mëët ja nyipixyny, yajmo'oy ja yajkutujkpë jampë Israel y'ëne'emyën.

2 Crónicas 26:10

Ojts näjyëtu'un potsy tyajkojy jam të'ëts'itjotm, ojts may nëëjut tyaj'ëwa'atsy, jä'ä ko yë'ë may ijty jëyujk tsajpkaa tmëëtëty; jam joyjotm ets jam kopkëjxm. Tam ijty näjyëtu'un tmëëtëty may tuunpë ma kyam tyu'ujën jam tunjotm ets maajaty y'ääy y'ujts tyaj'ityën, yë'ë oy ijty tsojkën'aty naax tuunk.

Nehemías 11:33

Hazor, Ramá, Guitaim,

1 Samuel 25:2

Jam Maón jam ijty tu'uk yë kumeenyjyä'äy tsyëënë, jä'ä yë kupixyny tmëëtëty tëkëëk mil ets tsyajppax tu'uk mil; jam tyooky yäky mëj kajpnjotm ma txëëwatyën Carmel. Jam ma xëmë tnikeepy tniwixyën ja kyupixyny.

1 Samuel 25:36

Ko ja Abigail jyä'äjty ma tyëjkën, tä t'ijxy ko ja Nabal tyäty xyëëwtuump ënäty jam, jëtu'un tä tu'uk yë yajkutujkpë xyëëwtunyën. Janty jotkujk nyäjyawëty ets yajxon myukënë. Paatykyëjxm ka'ap wi'ix t'ënëmaay koonëm ojts wyijy.

1 Samuel 25:4

Ko ja David tnija'awëy ma ënäty jam yajpaatyën të'ëts'itjotm, ko ja Nabal jam të nyijkxy Carmel ets tnikääpa'any ja kyupixyny ets ma jam näjyëtu'un tyook yäkyën. Majk ja David tkejxy ja jyä'äy ets ja kajpxpo'kxën tmo'otëty ja Nabal.

1 Samuel 25:7

Tëës nijawë'aty ko mëk jam mtuny ma xynyikeepy xynyipëkyën yë mkupixyny. E mijts wa'ats xynyijawë ko yë mtuunpëtëjk mëti'ipë myajkupixyny këwent'ajtëpën tëë yaa Carmel kanaak xëëw yajpaatë mëët ëëtsëty. E ma yaa yajpatën mëët ëëtsëty ka'ap yaj'ënajxëtyë ets ka'ap ojts nitii yajpëjkëtë.