2 Samuel 12:25 - Biblia Mixe de Quetzaltepec

²⁵ jëtu'un ja David yajtuknija'awëy, yë Natán yë'ë tuk'ëwa'anëyë. Mëët ko ja David ënäty të tja'akyukë wi'ix ja Wintsën y'ënë'ëmxëtyën paaty ojts ëpëky txëëwmo'oy ja mëxu'unk Jedidías.

Biblia Dc en Mixe de Quetzaltepec

²⁵ jëtu'un ja David yajtuknija'awëy, yë Natán yë'ë tuk'ëwa'anëyë. Mëët ko ja David ënety të tja'akyukë wi'ix ja Wintsën y'ënë'ëmxëtyën paaty ojts ëpëky txëëwmo'oy ja mëxu'unk Jedidías.

2 Samuel 12:25 ပူးပေါင်းရင်းမြစ်များ

Nehemías 13:26

Yë'ë jëtu'un ojts yë Salomón tpoky'äty mëti'ipë yajkutujkën ma Israel kajpnën. E oy nja'ijxmëty ja yajkutujkpë Salomón ka'ap pën myëpatë ijxtëm yë'ë yajkutujkyën ets ko ja nTios'ajtëmë mëk tsyojkë jya'awëy ets pyëjktakë ma ja Israel kajpnën ets jam yajkutukëty, e oy jyajëtu'un'ajty yë to'oxytyëjkëty mëti'ipë wiink naax wiink kajpn yajtso'onën yë'ëtsën ojts yajpokytyunyë.

2 Samuel 7:4

E jä'ä tsu'um ojts ja Tios tmëkäjpxy ja Natán kuma'ayjoty ets t'ënëmaay:

1 Reyes 1:11

Ënät ja Natán mëët myëtyäky yë Betsabé, yë Salomón yë tyaak ets t'ënëmaay: ¿Këtii xynyijawë ko Adonías, yë myaank yë Haguit, tëë kë'ëm nyäpyëjktä'äkyë yajkutujkpë ets ka'ap yë David tnijawë mëti'ipë nWintsën'ajtëmënë?

Mateo 17:5

Tam ënäty ja Pedro jëtu'un kyäjpxy ko ja yoots mëti'ipë ajajpën nyiju'uxëtë ets jap yootsjoty yajmëtooy tu'uk ja ayuk mëti'ipë ënaanpën: Ya'atës n'U'unk'ajtyp, mëti'ipës ni'ik ntsojkpyën. Ntukxoontäkpyës yë'ë. Mëtoow'itë, mëti'ipë nyikäjpxypën.

Mateo 3:17

Tääts yajmëtooy tu'uk ja ayuk tsajpjotm: Ya'atës n'U'unk'ajtyp, mëti'ipës ni'ik ntsojkpyën, ntukjotkujk'ajtypyës yë'ë.

1 Reyes 1:23

ets ja yajkutujkpë yajtuk'ëwa'anëy. Ko ja Natán mëti'ipë ja Wintsën ja y'aaw y'ayuk nyikajpxëpën jam twinkuwa'këy ja yajkutujkpë, ënät wyintäky nyaaxkooy, tyajnikëxë'ëky jëtu'un ja näywyinkutsë'kën,

2 Samuel 12:24

Yë David ojts ja Betsabé jatëkok ja jotkujk'ajtën tmo'oy. Ojts tninëjkxy ets tmëët tsënaay, ënät ojts u'unk mëët wyi'imy ets tyajmëxu'unk'ajty tu'uk ja u'unk maay, mëti'ipë ja David ojts txëëwmo'oyën Salomón. Yë Wintsën ojts ya'atë mëxu'unk tsoky tjawë,

2 Samuel 12:26

Ja Joab mëët ja tsyiptuunpëtëjk, ojts tsyoontë ets nyëjkxtë jam Rabá ma ja Amón ja'ayëty ja kyajpnëtyën ets tnitëkëja'antë, Joab tëë ënäty t'a'ixë ko yë'ë mëtaknëp,

1 Crónicas 3:5

ma ojts nimajktaxk jyaakmin jyaakja'tën ja y'u'unkëty, mëti'ipë xyëëwajtën: Simá, Sobab, Natán ets Salomón, tëkokyë aakyë'ë yajmëxu'unk'ajt yë Betsabé, Amiel nyëëx.

1 Crónicas 22:9

E nëjkxëp tu'uk yë mmaank y'ity, mëti'ipë jotkujk yajpaatammpën ets ka'ap tiitsip tpaata'any; ëjts kë'ëm ntuknipëjktaakëjäämpy ets ka'ap nëkoo myëtsip yajjotkëxëtëty. Paatykyëjxm txëëwata'any Salomón. Ma ënäty yë'ë tyunyën akujk jotkujk nëjkx ja naax kajpn yajpaaty.

Deuteronomio 33:12

Ënät ojts tkënu'kxy yë Rubén mëët ya'atë aaw ayuk: Mëët yë'ë ko Wintsën tsyoky jyawë jotkujk mjuuky'atëty. Mëti'ipë myëët'ajtypyën mëk'ajtën, yë'ë xëmë mkëwent'atanëp. Yë'ë mkuwa'anëtëp xëmë mapaat mjuuky'ätyën.

1 Reyes 1:8

E kajts ojts tuk'ëwaanë ja teetytyëjkëty mëti'ipë xyëëwajtëpën Sadoc, Benaías, myaank yë Joiadá ets nän ka'ap tnija'awëy ja Natán mëti'ipë ja Wintsën ja y'aaw y'ayuk y'akajpxëpën ets ni yë'ë Simí kyayajwooy mëti'ipë ënäty mëët ja yajkutujkpë oy nyäjyawëtyën, mëti'ipë myëtuuntëpën ja yajkutujkpë, nän ka'ap tu'ukën tnija'awëtyë ja tsiptuunpëtëjk mëti'ipë mëj'äämpy ijtëpën.

1 Reyes 4:5

Azarías, yë myaank yë Natán, jä'ä ojts y'ity tëjk këwent'ajtpë; e yë Zabud, yë myaank yë teety Natán, jä'ä ojts y'ity kajpxtëëpë ma ja yajkutujkpën;