2 Samuel 12:20 - Biblia Mixe de Quetzaltepec

²⁰ Ënät ja David wyä'ätsë'ky ets tsyiiy xyijtsy, nyäy'oon nyäpyëjkë ets ja wyit tjääntëkajtsy, tääts jap tyëjkëy tsajptëkoty ets ja Wintsën t'ëwtata'any; jam tsyo'ony tääts ojts nyijkxy ma tyëjkën t'amëtooy ja kääky uuky ets kyääy pyijky.

Biblia Dc en Mixe de Quetzaltepec

²⁰ Ënet ja David wyä'ätsë'ky ets tsyiiy xyijtsy, nyäy'oon nyäpyëjkë ets ja wyit tjääntëkajtsy, tääts jap tyëjkëy tsajptëkoty ets ja Wintsën t'ëwtata'any; jam tsyo'ony tääts ojts nyijkxy ma tyëjkën t'amëtooy ja kääky uuky ets kyääy pyijky.

2 Samuel 12:20 ပူးပေါင်းရင်းမြစ်များ

2 Samuel 12:19

Ko ja David t'ijxy ko jëtu'un kyajpxtë myëtya'aktë ja myëkutuunktëjk, ënät tyajtëëy: ¿Ti tëë ja mëxu'unk y'ookyë? Tëë ja y'ooky, jëtu'un y'ëtsoowtë.

2 Samuel 12:21

Ënät yajtëëwë ja myëkutuunktëjk: ¿Tiitën mtuumpy mijts mëj'ënä'ämpë? Ko ënäty ja mëxu'unk jyaak juukyëtynyëm mijts mjëëpy myaxp ets m'ayuu'ajtp jää, e tyam ma të y'o'knën ni'ikyë mtëjkënë kääpyë ukpë.

2 Samuel 14:2

paaty ojts tnikäxë tu'uk yë to'oxytyëjk kuwinma'anypë ets këpetypë, jam Tekoa kyukajpnëty. Ets t'ënëmaay: Yë'ë yam mpëjktsowäämpy ets mnäpyëjkta'akëtëty tä jeexyë mëk ja monyëtukyë xymyënaxy xyajnaxyën, yë'ë mtuktëkëp yë tukwit ets këtii yë on mnätyukjaaxëtëty këtiipë mpa'akxuukëty, jä'ä ko jëtu'un mëpaat mkëxë'ëky tä jeexyë ja monyëtukyë mtuktëjkëyënën mëët ko ja o'kën tëko'oyën të y'ity.

2 Samuel 19:24

Ojts näjyëtu'un jyëjpaatë'ëkyë ja Mefi-bóset, yë Saúl yë myaank, maju'unëm yë David jam tsyo'onyën kajpntum ets jatëkok jyä'äjty. Yë Mefi-bóset ka'ap ënäty të kyë'ëpujy të tyekpyujy, nän ka'ap ënäty të nyäy'awaayjepyë, ni wyit ënäty të tkapujy.

2 Samuel 6:17

Ja Wintsën ja kyaaxë jap ojts yajpëjktä'äky ma të yajnipëjktaakën, ma tu'uk ja wit tëjkën mëti'ipë ënäty ja David të tuknikojën. Ënät ja David ojts tyäky ja wintsë'kën ma Wintsënën, tyajnitooy ja tsajpkaa kanaak, ma t'ëëwkëxy tkajpxkëxyën ja tsip äkë mëët ja Wintsën,

2 Samuel 7:18

Ënät ja yajkutujkpë David tyëjkëy jap tëkoty ets myëtya'aka'any mëët ja Wintsën ets t'ënëmaay: Wintsën, ¿jënu'unëmës jëtää ëjts tii n'ëktimtsyowëty ets näjyëtu'un ja n'u'unk n'ëna'kës, etsës mijts Yaapaat të xyajja'ty?

Job 1:20

Ënät ja Job pyëti'ky ets tkë'tstëëy ja wyit, jä'ä mëk jya'ap ko ënäty jëtu'un të tyuny të jyätyë, ojts ja wyääy kyopk tkä'pta'ay ets tmënu'kxtäky ja Wintsën.

Job 2:10

Ënät ja Job y'ëtsooy: Mijts to'oxytyëjk, këtii nëkoo ëxëëkjaty m'ëna'any. Pën ëëtsajtëm nkupëjkëm mëti'ipë Tios xymyo'oyëmën, ¿wi'ix ko ënät ka'ap nkupëjkmëty ko ëxëëk xytyu'unmëty? Ëxëëk ojts jyäty kyëpety yë Job, e yë'ë kä'äpyëm tmëtëkooy yë Wintsën mëët yë myä'äyën tyajën ets mëët yë y'aaw y'ayuk.

Salmos 103:1

Winë'aaw winëjotës yë Wintsën nkënu'kxyjyawëja'any, nkënu'kxyjyawëjäämpyës yë myëjxëëw.

Salmos 103:8

Yë Wintsën oy tsuj yë jot winma'any tmëëtëty, ets pa'ëyoop najts'ëyo'owëp, ëwxijtp mä'kxtujkp yë'ë ets tsojkp ja'ap.

Salmos 39:9

Uumës të näpyëjktä'äkyë, ka'apës yë n'aaw nëkoo të nyajwä'kxy, jä'ä ko mijts tii winë mtuumpy.

Salmos 95:6

Mintë, tsojk nwinkoxtëna'ayëmë ets n'ëwtajtëmë. Nwinkoxtëna'ayëmë yë Wintsën, jä'ä ko yë'ë të xyajkojëmë.

Proverbios 3:7

Këtii janty wijy mnäyajnaxëtëty. Winkutsë'ëkë yë Tios ets näjyëpëkët ma ja ëxëëkpën.

Eclesiastés 9:8

Poop wit xëmë mnätyukxoxëtëp ets on mëti'ipë pa'akxu'kpën xëmë mnätyukujaaxëtëty.

Mateo 6:17

Temë ko mijts m'ayuu'atëty, puj ja mwiin mjëjp ets näkyaaxët,

Lucas 7:46

Mijts ka'apës yë on olivë të xytyukkujaaxy; e yë to'oxytyëjk, tëëjës yë nteky pa'akxu'kpë nëë tukku'utsta'ay.

Rut 3:3

E tyam yë'ë mtunëp mëti'ipë yam ntuk'ënëëmëjäämpyën; tsi'iw xëts yajxon, näpyerfumë kuutsët ets pëjkta'ak ja oypyë ja mwit ets jam kamjotm mnëjkxëty. Je'eyëp ko këtii mnätyuk'ixëtëty yë Booz ma ënäty ka'ap kyääytyä'äy y'ukta'aynyëmën.

1 Samuel 15:25

E tyamts mijts npëjktsoy etsës xypyokymyä'kxëty, tun yë mëyajtën winpit jatëkok mëët ëjts ets jam yë Wintsën n'ëwtajtmëty tu'knax.

1 Samuel 15:31

Ënät yë Samuel ojts wyimpity mëët yë Saúl ets ja Wintsën t'ëwtajty.