2 Samuel 12:17 - Biblia Mixe de Quetzaltepec

¹⁷ Ja mëjja'aytyëjkëty mëti'ipë ënäty yajpatëpën ma ja kyutujktaknën ojts tjaninëjkxtë ets tjä'ënëmaaytyë jeexyë pyëti'iky ets kyäyëty, yë'ë ka'ap tkupëjky ets ka'ap kyääy mëët yë'ëjëty.

Biblia Dc en Mixe de Quetzaltepec

¹⁷ Ja mëjja'aytyëjkëty mëti'ipë ënety yajpatëpën ma ja kyutujktaknën ojts tjaninëjkxtë ets tjä'ënëmaaytyë jeexyë pyëti'iky ets kyäyëty, yë'ë ka'ap tkupëjky ets ka'ap kyääy mëët yë'ëjëty.

2 Samuel 12:17 ပူးပေါင်းရင်းမြစ်များ

2 Samuel 3:35

Tä ojts tjaninëjkxtë ja David ets t'ënëmaaytyë ets jeexyë wäänë kyäy, David tyaa y'ëtsooy: Yë Wintsën yë'ëjës xytyiytyunëp, pën ëjts n'apëjkëpës yë kääky uuky maas yë n'aaw njotën ma ka'ap yë xëëw kyëtä'äkynyëmën.

1 Samuel 28:23

E ja Saúl ka'ap ja kyääky kyupëjky, ja to'oxytyëjk ets ja tsyiptuunpëtëjk mëktä'äky y'ënëmaayëtë ets kyäyëty, täänëm kyääy. Tääts pyëti'ky oywyi'ix ets jam kyëxwe'tsy wëëtykyijxy.

Génesis 24:2

Paaty ojts tëkok t'ënëëmë ja tyuunpë mëti'ipë mëjja'aynyën mëti'ipë kyëwent'ajtypyën tu'kë'ëyë winë mëti'ipë ja Abraham myëët'ajtypyën. Tä t'ënëmaay: Pëjkta'ak yë mkë'ë ma npuuypya'tkënës.

2 Samuel 12:18

Kom wëxtujk xëëw ojts y'o'knë ja mëxu'unk, ja David ja tyuunpëtëjk ka'ap tnija'awëtyë wi'ix t'ënëëmëtëty ja David, jä'ä ko tyaa y'ëna'antë: Ko ënäty jyuuky'ätynyëm yë mëxu'unk ojts njamëkajpxëmë ets ka'ap xynyi''ijxë'këmë, ¿e tyam wi'ix nä'ënëmä'ämyëty ma të y'o'knën? Tsojk ajotkumonë tii tnatunëty.

Salmos 102:4

yë njot nwinma'anyës ëmaay amutskës njawë, jëtu'un tä aay ujtsën mëti'ipë tëë xyo'tsnën; ets yuu ka'apës xy'ëkpatnë.

Daniel 6:18

Ënät ja yajkutujkpë ojts nyijkxy ma ja tyëjkën mon tuk, ka'ap y'a'ux'ajty ets nän ka'ap tiituunk wiinkpë tuuny mëti'ipë ja yajkutujkpëtëjk tyuunk'ajtëpën; nän ka'ap ojts oy myä'äy pyo'kxy.

Génesis 37:35

Yë Jacob yë y'u'unk y'ëna'k ojts jya'ënë'ëmxëty ets jeexyë ka'ap mon tuk y'ëkyajpatnë, e yë'ë ka'ap t'a'ijxëy, ni'ikyë tyëjkëy moonpë tujkpë, ko pën wi'ix y'ënë'ëmxëty ets ijty y'ënä'äny: Nimon nitukëpës yë n'u'unk nmaay ijxtë koonëmës n'ookëty, täätsës mëët jatëkok näpyaatëtëty o'kpë akujky.