5 Ja to'oxytyëjk u'unk mëët ojts wyi'imy ets tuknija'awëy ja David.
Pën tu'uk yë ye'etyëjk myëët'ajtyp yë to'oxytyëjk mëti'ipë pëkynyën ets nimäjtsk yajkupaatëtëty. Nimäjtsk nëjkx yajkuka'atstë, jëtu'un ka'ap yaj'ijxta'akëty ja ëxëëktu'un ëxëëkajpxën ma ja Israel kajpnën.
Jä'ä ko yë ja'ay mëti'ipë nyi'äkë'ajtypyën yë tyo'oxytyëjk, jëtu'un tä jëënën, ka'ap pyokymye'kxy ko jyoot'anpëky.
Ko pën tyajwintsë'këntëkoyëty yë pëjkën ukën ma ja myëku'uk ja tyo'oxytyëjkën, amäjtsk nëjkx y'ooktë, jëtu'un ja ye'etyëjk ets jëtu'un ja to'oxytyëjk.
Ënät ja David t'ënëmaay ja Joab ets tnikäxëty ja Urías mëti'ipë Hit ja'ayën wä'än tja'ty, Joab jëtu'un tjantytyuuny.