2 Samuel 11:15 - Biblia Mixe de Quetzaltepec

¹⁵ Ja noky jëtu'un y'ënä'äny: Yë'ë pëjkta'ak yë Urías jëwyiin ets jam xynyaskäxëty ma ni'ik ja tsip myëkëtyën, jamts atu'uk xyajwë'ëmtëty ets mëtsip yaj'ookëtëty.

Biblia Dc en Mixe de Quetzaltepec

¹⁵ Ja noky jëtu'un y'ënä'äny: Yë'ë pëjkta'ak yë Urías jëwyiin ets jam xynyaskäxëty ma ni'ik ja tsip myëkëtyën, jamts atu'uk xyajwë'ëmtëty ets mëtsip yaj'ookëtëty.

2 Samuel 11:15 ပူးပေါင်းရင်းမြစ်များ

2 Samuel 12:9

¿E mijts wi'ix ko ënät ja n'ayukës të xykyumëtoownaxy ets të xytyuny ja ka'apë tyuunëtyën? Mijts të xyaj'ooky yë Urías, ja Hit ja'ay, je'eyë të xytyukniwoy ja Amón ja'ayëty ets yë'ë tyaj'ooktëty ets të xypyëjkë ja tyo'oxytyëjk.

1 Samuel 18:17

Ënät ojts yë Saúl tëkok t'ënëëmë yë David: Nmo'ojëp yë nnëëxës mëjpë mëti'ipë xyëëwajtypyën Merab, ets yë'ë xypyëkëty y'uukëty. Je'eyëp ko ënät, pën mijts mtsiptuunp ets pën jotmëk xëmë myajpaaty ma ja tsipën mëti'ipë yë Wintsën tsyip'ajtypyën. Ja Saúl paaty jëtu'un y'ënäny jä'ä ko tyaa ënäty myäy tyäjy ko ka'ap tyimkopkpëkyëty kë'ëm tyaj'ookëty ja David, ja filistejë ja'ayëty yë'ë jëna'a yaj'ookëtëp.

Jeremias 20:13

Kuuy'ëwtë yë Wintsën ets mëjjaw jaantyjyawëtë, jä'ä ko yë'ë yu'tsyp yë ja'ay mëti'ipë jë'ë ya'ax yajpatpën ëxëëk ja'ay itkujky.

Salmos 51:14

Tios, yë nTiosës mëti'ipës xymyoopyën yë nitsokën, këtii xy'ëwa'atsëty etsës pën nyaj'ook nyajtëkoyëty, ets jëtu'un tjëkyäpëty nikajpx nimëtya'akëtyës ko mijts aak'oy aak mëtëy winë xytyuny.

Salmos 51:4

Mijts të nmëtëkoy, koos të ntuny ja ëxëëkpë mëti'ipë ka'ap xy'oy'ixyën. Paatykyëjxm ja mtëytyu'unën xypyaat'ajtpës; e ëjts ka'apës mëpaat njëjpmëwa'akë mëti'ipë mijts mtëy'ajtën'ajtypyën.

2 Samuel 11:17

e ko ja myëtsip nyipëtsëëmëtë ënät mëët yajxon tsyiptuuntë, ojts y'o'kojtë tu'uk mäjtsk ja David ja tsyiptuunpëtëjk ma ojts näjyëtu'un y'ookyën ja Urías.

1 Samuel 18:25

Saúl jä'ä ënäty wyinmay ko ja David yajka'ajäämpy ets y'ookëty ma ja filistejë ja'ayëtyën, paaty y'ëtsooy: Ënëëmëtë yë David ko jëtu'un tä jeexyë tyekyën mëti'ipë tëë yaj'ijxwë'ëmyën, ko pën pyëka'any, ëjts mëti'ipë ënä'ämpën jëtu'unës yam n'ëna'any ko ni'ikë oy yë'ë tyakëty tu'kmëko'px yë filistejë ja'ayëty, je'eyëp ko ookynyë ets tnëtsujktaayëty yë ye'etyëjk'ajtënëty yë nyi'ak, jëtu'untsës ëjts ntukjotxäämëty ja nmëtsiptëjkës.

1 Samuel 18:21

Jä'ä ko tyaa myääy tyäjy ko oy ko jä'ä tmo'ojëty ja nyëëx ja David ets yë'ë to'oxytyëjk'atëty. Mëët yë'ëkyëjxm tjëkyäpëty yë filistejë ja'ayëty yaj'ookëtëty. Ënät ja Saúl jatëkok t'ënëmaay ja David: Tyam tëynyë ntsojkpyës ets mijts nmë't'atëty.

2 Samuel 11:16

Paatykyëjxm, ko ja Joab ojts tyajnatuky ja kajpn mëti'ipë ënäty nyitëkëjantëpën, jam ojts ja Urías tnajtskäxë ma tnijawën ni'ik ja tsip myëkëtyën,

1 Reyes 15:5

jä'ä ko ja David oy ënäty winë të tuny Wintsën wintum, yë'ë ka'ap ojts nijëna'a tja'atyëkoy mëti'ipë ja Wintsën të tyuk'ëne'emyën, tu'k'ok ojts je'eyë tyëkoy ma Urías tyaj'o'kyën, mëti'ipë Hit ja'ayën.

Eclesiastés 8:11

jä'ä ko mëët ko ojts jëtu'unyë nyayaj'ijxninaxy ja nyëë pyoky mëti'ipë ënäty të tuuntëkoyën ets ka'ap ënätyë yajtukumëtooy, yë naaxwiinyëtë ja'ay xëmë ëxëëk tuun'ëtë'ëtsa'any.

Jeremias 17:9

Nitii jëtu'un kyawin'ëëny ets nitii jëtu'un kyayajtsojkën'aty tä yë jot winma'anyën. ¿Pën y'ëkja'akyukëp wi'ix ko jyëtu'unëty?