2 Samuel 10:6 - Biblia Mixe de Quetzaltepec

⁶ Tä ja Amón ja'ayëty ojts tja'akyukëtë ko myëtsiptso'ontëp ja David, paatykyëjxm ojts t'ixta'atë ni''i'px mil ja tsiptuunpë aakyë'ë sirië ja'ay jampë kyukajpn'atën Bet-rehob ets Sobá, ëpëky ojts ja yajkutujkpë Maacá tkäjxpë ja tsyiptuunpëtëjk nitu'kmil ets nimajkmäjtsk mil ja Is-tob ja tsyiptuunpë.

Biblia Dc en Mixe de Quetzaltepec

⁶ Tä ja Amón ja'ayëty ojts tja'akyukëtë ko myëtsiptso'ontëp ja David, paatykyëjxm ojts t'ixta'atë ni''i'px mil ja tsiptuunpë aakyë'ë sirië ja'ay jampë kyukajpn'atën Bet-rehob ets Sobá, ëpëky ojts ja yajkutujkpë Maacá tkäjxpë ja tsyiptuunpëtëjk nitu'kmil ets nimajkmäjtsk mil ja Is-tob ja tsyiptuunpë.

2 Samuel 10:6 ပူးပေါင်းရင်းမြစ်များ

2 Samuel 8:5

Ënät näjyëtu'un myiintë tsiptuunpë ja sirië ja'ayëty mëti'ipë jam tso'ontëpën Damaskë ets tputëkëja'antë ja Hadad-ézer, jampë y'ëne'emyën Sobá; David ka'ap ojts tim yajkopkë tääpë sirië ja'ayëty, jä'ä tyaj'o'ky ni''i'px mäjtsk mil.

2 Samuel 8:3

David ka'ap ojts tyajmëtä'äky näjyëtu'un ja Hadad-ézer, yë myaank yë Rehob, jampë y'ëne'emyën Sobá, mëti'ipë ënäty jatëkok jyä'äpëkäämpyën ja itjot jam Éufrates.

Génesis 34:30

Ënät yë Jacob t'ënëmaay yë Simeón ets Leví: Miitsëty je'eyë nëkoo jëën tsip të xy'ëxkukëtë maas ëjtsën. E yë ja'ayëty jënu'un yaa kyunaax'at kyukajpn'atën ijxtëm yë Canaán ja'ayëty, Ferez ja'ayëty, xymyëtsiptsoontëpës ënät. Tu'ukyë nyämyuka'anëtë, tääts ënät nyajnipëtë'ëkëtyës; e ëjts wäänës yë ja'ay nmëëtëty, xyaj'ooktëpës ënäty tu'kë'ëyë mëëtësë n'u'unk n'ëna'k.

1 Samuel 27:12

E ja Aquis tyuk'ijxpejtyp ja David näjyëtu'un ets ijty myäy tyäjy: Yë David yajxon yowë të tmëtsiptso'onë yë Israel ja'ayëty, oy jëtu'un, jëtu'un tjëkyäpëty ëjts xymyëtunëtyës.

Jueces 18:28

E ja kajpn jëkäm ënäty wyi'imy mëët yë Sidón ets ni pën mëët oy kyanäjyëkyäpëtë, paatykyëjxm ojts ka'ap ni pën pyutëkëtë. Ya'atë kajpn jam ënäty yajpaaty ma ja joyjotmën mëti'ipë yajtijpën Bet-rehob. Ok ojts ja Dan ja'ayëty jatëkok ja kajpn tkoj'oyëtë ma ojts tsyënaaytyaknpëktën.

Jueces 11:5

ets ja mëjja'aytyëjk, ja kopktëjkëty mëti'ipë kukajpnajtëpën jam Galaad ojts nyäkyajpxëtë ko twowa'antë ja Jefté, jampë yajpaatyën ma ja itjot txëëwatyën Tob,

Jueces 11:3

Paaty yë Jefté ojts timy kyuke'eky ja myëku'uktëjk ets ojts jam nyijkxy tsënääpyë ma Tob itjotmën, jam twoomujky yë ja'ay mëti'ipë ijty je'eyë yajja'ay'o'ktëpën ets yi'iyë tyuunk'ajtëp tsyoontë mëët ja Jefté ets nëjkx muum tii tuuntëkoytyë.

Proverbios 25:8

këtii ënätyë xynyikajpxëty ma ja yajkutujkpëtëjkën, jä'ä ko tsojk wiinkpë ja'ay myinëty mëti'ipë tii të t'ixyën ets myaj'ënëëka'ajëtëty ets ka'ap xy'ëknija'awënëty wi'ix m'ëna'anëtyën.

2 Samuel 8:12

ijxtëm ma mëti'ipë yajtso'ontën jam Edom, Moab, Amón, ma ja kyajpnëtyën ja filistejë ja'ayëty ets Amalec ja'ayëty, mëti'ipë ënäty të tpëjkëtën ja Hadad-ézer, yë myaank yë Rehob, jampë y'ëne'emyën Sobá.

1 Samuel 13:4

Tëkokyë ja Israel ja'ayëty wa'ats tnija'awëtyääytyë ko ja Saúl ënäty tëë tyajkutëkooytyä'äy ja filistejë ja'ayëty mëti'ipë këwent'ajtëpën. Paatykyëjxm ja filistejë ja'ayëty mëk tukjoot'anpëjktë ja Israel ja'ayëty. Ko ja Israel ja'ayëty ye'eymyujktaaytyë ënät tpuwa'këtyë ja Saúl jam Guilgal.

Deuteronomio 3:14

Yë Jair, yë jyä'äy yë Manasés, yë'ë ojts tniwä'äky yë Argob yë y'itjot jampaat ma nyäpyäätyë mëët yë Guesur ets Maacá ets ojts txëëwmo'oy ja itjot, jëtu'un tä ënäty yë'ë kë'ëm txëëwatyën, jä'ä ojts tijy Havot-jair, tyampaat jëtu'un yajtijp, mëti'ipë ijty tëëyëp yajtijpën Basán.

Éxodo 5:21

ets y'ënëmaayëtë: Yë Tios yë'ë nëjkx jëna'a mtëytyunëtë mëët mëti'ipë mtuuntëpën, jä'ä ko miits jëtu'un yë poky mëët'ajtëp ets ëëts yë yajkutujkpë yë wyintsëntëjk ëxëëk xy'ixtëty. Ya'atë jëtu'un tpatnë tä jeexyë miitsëty kë'ëm të xy'ënëëmëtën etsës ëxëëk xytyuntëty.

2 Samuel 10:5

Ko ja David tnija'awëy, ënät ojts tkexy ja jyä'äy ets nëjkx ja myëku'uk jam tjëjpye'eytsyowtë, jä'ä ko ijxtëm ënäty myintën kopkpëky ko mëk tsyëtyuntë, tä ojts t'ënëëmëtë ets jam wyë'ëmtëty Jericó, koonëm ja y'awaay yoonta'aktëty ets jya'tëtynyëm.

2 Samuel 10:7

E ja David ënätyë tnija'awëy, paaty ojts tkexy ja Joab mëët nimay ja tsiptuunpë.

2 Samuel 23:34

Elifélet, yë myaank yë Ahasbai ets myaank yë Maacá; Eliam, yë myaank yë Ahitófel, jampë tsyoonyën Guiló;

2 Reyes 7:6

E tsyaats ojts tyunyë jyätyë, yë Wintsën ënäty kë'ëm të tyajma'aty ja myëto'owën ja sirië ja'ayëty ets jëtu'un tmëtoowtë tä jeexyë maypyujxn wintëkäämpë myinyën mëti'ipë ja'ay tyuktsiptuuntëpën ets tä may kwaayën; ëpëky tmëtoowtë mayjyä'äy myiny tekyye'epy mëti'ipë tsiptunantëpën; yë sirië ja'ayëty jëtu'un ojts y'ëna'antë ko tëëtëm ja Israel yajkutujkpë tpëjktsoy yë Hit ja'ayëty ets yajkutujkpë mëti'ipë jap tuunpën Egiptë, yajtuknipëktë ets tnipëtë'ëktëty ja sirië ja'ay ma y'ixjëtit pyajëtitëtën.

Salmos 48:4

Ojts yë yajkutujkpëtëjk may jyanämyukëtë ets tjanitso'ontë ja Jerusalén kajpn tääts tyajkutëkoya'antë;

Jeremias 40:8

ënät ojts nyëjkxtë mëët yë jyä'äy jam Mizpá ma ja Guedalías yajpaatyën. Ojts nyëjkxtë yë Ismael, yë Netanías yë myaank; yë Johanán ets Jonatán, yë Caréah yë myaank; yë Seraías, yë Tanhúmet yë myaank; yë Efai y'u'unk y'ëna'k mëti'ipë Netofá tso'onpën; ets Jezanías, yë jyä'äy mëti'ipë jam yë tyeety kukajpn'ajtpën Maacat, mëët yë jyä'äy.

Jeremias 46:21

Ja tsyiptuunpëtëjkëty mëti'ipë mëjuy tuuntëpën, ni'kxëty ets mëjjëty jyayaj'ixtë, yë'ëjëty je'eyë kyä'äka'antë ets ka'ap tmëmëta'aka'antë ja ëyo'on jotmay, jä'ä ko yë'ë miimp wiinkoonp ja ëyo'on ma ëxëëk jyata'antën ets yajtëytyuna'antë.

2 Samuel 16:21

Ets ja Ahitófel t'ëtsooy ja Absalón: Mëëtko'knë yë to'oxytyëjkëty mëti'ipë yë mteety ijty myëët'ajtypyën, jampë të tyajwë'ëmyën tëjk këwent'ajtpë ma ja kutujkëntëjkën. Jëtu'unts ja ja'ay tnijawëtëty ko mijts tëë yajxon xymyëtsiptsoony yë mteety, jëtu'un'äämpy ja ja'ayëty ni'ikyë mmëjwa'kpätëtëty mëti'ipë mpukajpxëyëpën.

1 Reyes 11:24

Tëë ënäty jyä'äy näjyëtu'un t'ixta'ay, aak mä'tstëp. Ko ja David ojts ja mayjyä'äy tyaj'ooky jam ojts yë Rezón jyaakäktso'oky Damaskë, jam ojts wyi'imy ënä'ämpë yajkutujkpë.