2 Samuel 1:20 - Biblia Mixe de Quetzaltepec

²⁰ Ka'ap mëpaat yajnijawë jam Gad, nän ka'ap yajnimëtya'akëty jam Escalón, këtiipë ja filistejë to'oxytyëjkëty xyoonta'aktëty, ets ënät y'ätstëty pyutëty.

Biblia Dc en Mixe de Quetzaltepec

²⁰ Ka'ap mëpaat yajnijawë jam Gad, nän ka'ap yajnimëtya'akëty jam Escalón, këtiipë ja filistejë to'oxytyëjkëty xyoonta'aktëty, ets ënät y'ätstëty pyutëty.

2 Samuel 1:20 ပူးပေါင်းရင်းမြစ်များ

Miqueas 1:10

Këtii ya'atë aaw ayuk xytyuk'ëwaanëtëty yë Gad ja'ayëty; këtii mtëkëtëty yaxpë. Mëyäts mëpojtë yë mpëjkënëty m'ijxënëty jam naaxwayjotm ma Bet-le-afran y'itjotmën.

1 Samuel 18:6

Ko ja tsiptuunpë ojts wyimpijtaaynyëtë ma ja David ënäty të tyaj'ookyën ja filistejë ja'ay, ënät ja to'oxy'ëna'këty tsyo'ontaaytyë jam kajpntum ets tnimiintë ja Saúl ets twin'äjtstë, mëët ja xuxn wojpn tam mëti'ipë yaj'ënäämpyën yë xijn ets kä'tsn.

Jueces 11:34

Ko yë Jefté wyimpijty ets jyä'äjty ma tyëjkën jam Mizpá, ënät ja nyëëx tu'kpajkpë pyëtsiimy pëyi'ikyë äjtspë mëët yë panderë. Yi'iyë ijty tu'uk nyëëx'ajtyp ka'ap wiinkpë y'ëna'k

Ezequiel 16:57

ma ënäty ka'ap wyinkëxë'ëknyëm ja mpoky; e tyam tëkokyë tääpë naax kajpnëty, ma tsyëënëtën yë Edom ja'ayëty, filistejë ja'ayëty ets mëti'ipë mëët mnätyu'kmëtsëpa'an'atyën je'eyë tyam mtukxikënë; ka'ap ni pën m'ëk tsojkënë.

Ezequiel 16:27

Ënät ojts nyajnitukë ets xykyumëtowëty ja mpoky, ojts njëpëjkta'ayës yë mjë'kxy mpëky ets ja Filistejë ja'ayëty ntukkë'ëtëjkëy mëti'ipë m'ëxëëk ijxëpën ets ka'ap ënäty t'oy'ixy ijxtëm m'ëtë'ëtsy m'ëna'anyën oytyuktsëtyuunë.

1 Samuel 31:4

Paaty t'ënëmaay ja tyuunpë: Juut yë mpujxn ets yaj'o'kës, këtiipë yë'ë mmëtsip xyaj'ookëtyës ets ënät je'eyë xytyukxi'ik xytyuk'ëwë'ëktëtyës. Ja tyuunpë ka'ap yaj'okanë, jä'ä ko nän tsë'këp ënäty näjyëtu'un. Paatykyëjxm yë Saúl ojts kë'ëm tyimnäyaj'ookyë mëët ja kyë'ëmpujxn

1 Samuel 17:36

E wä'än tmëti'ipë jëyujkëty, tä yë kaajën ëkë osë ëjts poj'amës ijty nyaj'ooky. E nän tim jëtu'untsën ënät jyatëty kyëpätëty tääpë yë filistejë ja'ay mëti'ipë ka'ap nijawën pën y'ëwtatëpën mëti'ipë nëkoo yajoot'anpëjkpyën, ja Wintsën ja tsyiptuunpëtëjk.

1 Samuel 17:26

Ënät yë David tyajtëëy yë ja'ay jampë ënäty winkon tyänëtën: ¿Tii jëtää yajmo'ojëp ja ja'ay mëti'ipë ënäty yaj'o'kpyën xiipë filistejë ja'ay, ets kyëxëty nyaxëty ma je'eyë ja Israel ja'ay t'atsë'ëk t'ajawën. Jä'ä ko tääpë filistejë ja'ay tim pën yë'ë tyimnäjya'awënë ets ëxaty tijëty yë Tios yë tsyiptuunpëtëjk.

Jueces 14:19

Ënät ja Sansón ojts ja Wintsën ja myëk'ajtën tyukëtä'äkyë, ets ojts nyijkxy jam Ascalón, i'px majk ja ye'etyëjk ojts tyaj'ooky ets ja wyit tpëjkëtyääy mëti'ipë ënäty myëët'ajtëpën. Ja wit yë'ë ojts tmo'oy ja ëna'ktëjkëty mëti'ipë ja ayuk të tni'ëtsowtën mëti'ipë yajnajtsja'apën. Ko jam tsyo'ony tä ojts nyijkxy ma ja tyeety tyaakën.

1 Samuel 14:6

Ets ja Jonatán t'ënëmaay ja tyuunpë: Jotëkoy ja'amtë jamtsow awinm ma yajpaatën tääpë ja'ayëty ka'apë tnijawëtën pën y'ëwtatëpën. Kooxyëp yë Wintsën xynyaputëjkëmëty. Jä'äxë ko mëët yë'ë ka'ap jyatsipëty ko xyajmëta'aka'amëty oy yë ja'ay nyimayëty ëkë nyiwäänëty.

1 Samuel 6:17

Ja mëkoxkpë ja pu'ts pujxn jëtu'unpë kyëxë'ëkyën tä ki'ixën mëti'ipë ojts ja Wintsën jä'ä yajtukë'ëtëkën ets jyotxäämëty, yë'ë ënäty kyutënaaytyëp ja kajpn mëti'ipë xyëëwajtëpën Asdod, Gaza, Ascalón, Gad ets Ecrón.