2 Samuel 1:16 - Biblia Mixe de Quetzaltepec

¹⁶ tä ja David ojts y'ënä'äny: Tyam ya'atë Amalec ja'ay të y'ooky, kë'ëm jëtu'un të nyätyunyë, ko të y'ënä'äny ko të tyaj'ooky mëti'ipë ënä'ämpën, mëti'ipë ja Wintsën wyin'ijxën.

Biblia Dc en Mixe de Quetzaltepec

¹⁶ tä ja David ojts y'ënä'äny: Tyam ya'atë Amalec ja'ay të y'ooky, kë'ëm jëtu'un të nyätyunyë, ko të y'ënä'äny ko të tyaj'ooky mëti'ipë ënä'ämpën, mëti'ipë ja Wintsën wyin'ijxën.

2 Samuel 1:16 ပူးပေါင်းရင်းမြစ်များ

Mateo 27:25

Tääts ja ja'ay ni'ëmukë y'ëtsoowtë: Ëëëts yë xypyatëp mëëtës ja n'u'unk n'ëna'këty ko y'ookëty.

Lucas 19:22

Tääts ja yajkutujkpë y'ënëmaayë: Mijts, ka'apë oy mtuny; m'aaw m'ayuk kë'ëm mnätyukpano'këp. Pën mnija'ap koos ëxëëk nja'ay'äty, ets ko nyajmujkpyës winë maas ka'ap tii të nyäkyën ets nyajpëtë'kpyës ja pëjktä'äky maas ka'ap të mpeny të nkojyën,

Levitico 20:9

Pën pyojkpyën yë tyeety tyaak, kopkpëky ko y'ookëty. Jä'ä ko tëë ja tyaak tyeety tpoky, kë'ëm ënäty nyätyunyë ko y'ookëty tyëkoyëty.

Romanos 3:19

Nnija'awëm ko tu'kë'ëyë mëti'ipë nyimëtyäkpyën ja ënä'ämën, yë'ëkyëjxm nimëtyä'äky ets twinmëtowtëty ja ja'ay mëti'ipë ja ënä'ämën yajmëjnajxtëpën ets amonyë y'itëty ni'ëmukë ets tku'ëtsowtëty ja pyokyëty jam Tios wyintum.

Proverbios 6:2

kë'ëm mnämyo'oyë ja jotmay ets mnäyajtu'u'ëtukyë mëët ja mkë'ëm'aaw mkë'ëm'ayuk.

1 Reyes 2:37

jä'ä ko pën mtso'omp ets mwinajxyp yë wok jampë yajpaatyën Cedrón, tyam yajxon n'ënëëmë ko m'ookëp yë'ë ets kë'ëm nëjkx mnätyunyë.

2 Samuel 1:10

Ënätës të njanty wiinkuwa'akë etsës të nyaj'ooky, jä'ä ko tëëjës ënäty n'ixy ko ka'ap y'ëkjuuky'atanë, tëë yajxon mëj tsyëtyujnë. Tääts të ntimpyëjkës ja pyu'tspujxn kujup ets ja pyu'tspujxn kë'ëjän ets yaa mijts ntukniminy.

1 Samuel 26:9

E ja David tyaa y'ëtsooy: Ka'ap, këtii xyaj'ookëty, jä'ä ko pën kyë'ënixäjpy ja mëj'ënä'ämpë mëti'ipë yë Wintsën kë'ëm të twin'ixyën, ka'ap yë'ë jëtu'unyë nyäyajna'ixëty.

Josue 2:19

Jä'ä tëy, ko pën ënäty kë'ëm pyëtsimy ma mtëjkën, kë'ëm ënäty nyätyunyë ets ka'apës npoky'atëty. E ko pën nëkoo ëxaty mtunëtëty ma mtëjkën ets wi'ix mjatëty mkëpätëty mëët ja mëti'ipë jap yajpatëpën, ëjts nëjkx mpoky'atës ets nku'ëtsowtës.

Hechos 20:26

Paaty tyam ntuk'ëwanëja'antë ko ka'apës tii poky nmëëtëty ma miitsëtyën,

Ezequiel 33:5

jä'ä ko tëë tjamëtoy ja xuxn ko të xyu'uxy ets ka'ap të tmëjpëjktä'äky; kë'ëm ënäty të nyätyunyë, jä'ä ko jeexyë të tmëjpëjktä'äky ko ja xuxn të xyu'uxy tëëyëp ja jyuukyajtën tyajtso'oky.

Ezequiel 18:13

nëkooyë këjää tyaj'u'unk'ajnë meeny mëti'ipë myëku'uk tyuk'ënu'kxypyën; tääpë ja'ay ka'ap tjëkyepy jyuuky'atëty. Ko ënäty të tuunta'ay tëkokyë mëti'ipës n'ëxëëk'ijxypyën, tääts y'ooka'any ets ka'ap tii yajtso'oka'anyë, kë'ëm ënäty jëtu'un nyätyunyë.

Job 15:6

Ka'ap kyopkpëkyëty mijts n'ojëty, mkë'ëm'aaw mkë'ëm ayuk mnätyuktëytyuunëp.

Jueces 9:24

Jëtu'un'äämpy ja Abimélec tkëpätëty mëët ko yaja'ay'o'ky, ma tyaj'o'kyën ja nitëkë'px majkpë ja Jerubaal ja myaank ets ja Siquem ja'ayëty tkëpätëty näjyëtu'un mëët ko tputëjkëtyë ja Abimélec ma yaja'ay'o'kyën.

Deuteronomio 19:10

Jëtu'un ka'ap pën ja ne'pyny tam tjä'ätsëty nanëkokyëjxm ma ja naax kajpnën mëti'ipë ja Wintsën mo'ojanëtëpën ets ka'ap pën pyokytsyëëmë'ëkëty ets ja käjpxy y'ëna'anëty yaja'ay'o'kpë.

Levitico 20:27

Yë ye'etyëjk ëkë to'oxytyëjk mëti'ipë pojmëkajpxtëpën, ëkë jä'ä tyuunk'ajtyp wi'ix winë tnajtsjawëtyën, kuka'atsy pyaatëtë xyaj'ooktëty ets kë'ëm jëtu'un ënäty nyätyunëtë.

Levitico 20:16

Pën tu'uk yë to'oxytyëjk myëët'ajtyp yë jëyujk tsajpkaa, jëtu'un tä jeexyë yë naaxwiinyëtë ja'ay tmëët'atyën. Kopkpëky ko nëjkx y'ooky ja to'oxytyëjk ets ja jëyujk mëti'ipë ënäty mëët jëtu'un të y'ëti'ityën ets kë'ëm jëtu'un ënäty nyätyunyë.

Hechos 18:6

E ko ja jutiis ja'ayëty jyoot'anpëjktë ets t'ënëmaaytyë ëxëëkjaty ja Pablo, ënät ja Pablo wyit twinxijty, jëtu'un tpëjktäky tu'uk ja ijxpäjtën ko ka'ap y'oyëty mëti'ipë ja jutiis ja'ayëty tyuuntëpën ets t'ënëmaay: Mkë'ëmpoky miitsëty pën m'ëyoowtëp xëmëkyëjxm, ka'apës ma ëjts mpoky'atëty. Tyamës nnëjkxëty ma ja ja'ayëtyën mëti'ipë ka'ap jyutiis'atën.

2 Samuel 16:8

Yë Wintsën yë'ë tyam mtëytyuunëp mëët ja mëti'ipë të xytyimtunyën ko ojts ja Saúl ja y'u'unk y'ëna'k xyaj'o'k xyajtëkooyë ets mijts jam mnaaxwe'tsy ma ja kyutujktaknën. Paaty tyam yë'ë ja kutujktakn ja maank Absalón të yajmo'oy ets ënät je'eyë mkäknë mpujnë mëët ko kë'ëm xykyatukjaty wi'ix mja'ay'atëtyën, mijts ka'ap nitii xykyëjxmëty je'eyë myajja'ay'ooky.

1 Samuel 25:39

Ko ja David tnija'awëy ko tëë ja Nabal y'o'knë ënät y'ënäny: Kënu'kxy yë Tios yë xyëëw nyäxy, mëët ko yë'ë kë'ëm të xynyitsiptunyës mëët Ijxtëmës yë Nabal ojts xytyunyën. Ka'ap t'ëwatsy etsës kë'ëm nyänyitsiptunëtëty. Paaty ja Nabal kë'ëm ja pyoky të tkupëky. Tä ja David ojts tnikäjpxykyäxë ja Abigail ko yë'ë tpëka'any.