2 Juan 1:1 - Biblia Mixe de Quetzaltepec

¹ Ja mëjja'ay Juan, tyajnaxy ja kajpxpo'kxën ma ja mëpëjkpëtëjkëtyën mëti'ipë ja Tios të wyin'ixëtën. Mëjwiin këjää miits ntsoktë njawëtë ets näjyëtu'un ni'ëmukë mëti'ipë të tnijawëtën ja tëyajtën,

Biblia Dc en Mixe de Quetzaltepec

¹ Ja mëjja'ay Juan, tyajnaxy ja kajpxpo'kxën ma ja mëpëjkpëtëjkëtyën mëti'ipë ja Dios të wyin'ixëtën. Mëjwiin këjää miits ntsoktë njawëtë ets näjyëtu'un ni'ëmukë mëti'ipë të tnijawëtën ja tëyajtën,

2 Juan 1:1 ပူးပေါင်းရင်းမြစ်များ

Lucas 1:3

Ëjts näjyëtu'un, jëëky mëku'uk Teófilë, tëëjës nyajtëy nyajtëtä'äky wi'ixjaty winë tyuunë jyajtën ko tsyo'onë'ky tsyo'ontäky. Oyës të nmëmay të nmëtajy ya'atë ko mijts ntuknijayë në'ëwitsy tu'uwitsy

Juan 8:32

ets xynyijawëtëty ja tëypyë jaantypë ets ëwaatsëtum myajpaatëty.

Hechos 11:30

Ojts tyajmuktë ja näypyutëkë ets ja Bernabé tmënëjkxëty ja putëjkën mëët ja Saulo ets tmo'otëty ja mëjja'aytyëjk jam Judea.

Romanos 16:13

Kajpxpo'kxtë ja Rufo, mëti'ipë yaj'oyjya'apën Wintsën xyëëwkëjxm ets näjyëtu'un ja tyaak, mëti'ipës jëtu'un nja'apën tääjës ntaakën.

Gálatas 2:14

Paaty koos jëtu'un n'ijxy ko ka'ap tuny ijxtëm ja oy aaw oy ayuk ni'ënä'ämën ënät ojts n'ënëëmës ja Pedro mëpëjkpëtëjk wyintuuy: Mijts, mjajutiis ja'ay, jëtu'un mjuuky'äty ijxtëm jeexyë ka'ap mjutiisëty; ¿tii ko yë ja'ay xy'atsip'aty mëti'ipë ka'ap jyutiisëty ets xytyukpaatuna'any ja jutiis ja'ay ja wyinma'any?

Gálatas 2:5

Niwi'ix'äämpy ëëts ya'atë ijxpëjkën ojts nkakupëktë, jä'ä ko jä'äs ntsojktëp ets ja mëtëypyë aaw ayuk wyë'ëmëty ma miitsëtyën.

Gálatas 3:1

Miits, Galacia ja'ayëty kutsuujëty. ¿Pën të mpatoy të mpanaxëtë? Tëëts yajxon ntuk'ijxpëktë miits mwintuuyëty ijxtëm ja Jesukristë ojts kyëruutspetyën.

Gálatas 5:7

Oy ijty miits mtu'uye'eytyë, ¿pën jëtää të y'ëti'itsy ko ka'ap xy'ëkpanëjkxnëtë ja tëypyë jaantypë?

Colosenses 1:5

Jä'äkyëjxm ko xyjyëjp'ixtë mëti'ipë të myajtuknipëjktaakëtën jam tsajpjotm. Tëë ya'atë jëtu'unpë xy'ëkmëtoowtëpë ko të xynyijawëtë ja tëyajtën ko të yajnimëtyä'ä ja oy aaw oy ayuk,

1 Timoteo 2:4

yë Tios tsyojkpy ets ni'ëmukë ja'ay nyitsokta'atëty ets nijawëtëty ja tëyajtën.

Hebreos 10:26

Pën nnija'awëm ëëtsajtëm ja mëtëypyë ets npokytyu'un'ëtëtsëm, ka'ap ma tiinë ja wintsë'kën mëti'ipë poky yajwa'atsëpën,

1 Pedro 1:2

mëti'ipëjaty ja Tios Teety ojts wyinwitsëtën tëëyëp ijxtëm yë'ë të tuknipëjktaakën. Ja Tios ja myëk'ajtën miits të mwinma'anymyo'ojëtë ets xymyëmëtowtëty ja Jesukristë ets wa'ats mwë'ëmtëty mëët ja nye'pyny. Wä'än ja Tios ni'ik mmo'ojëtë ja kënu'kxën ets ja jotkujk'ajtën.

1 Pedro 5:1

Nkajpxwijäämpyës tyam ja mëjja'aytyëjkëty ma miits jam mye'eymyuktën, ëjts mëja'aynyës näjyëtu'un ijxtëm yë'ëjëtyën ets n'ijxës ja Kristë ko y'ëyooy; xypyatpës näjyëtu'un tä yë'ëjëtyën ja mëj'ajtën oyajtën mëti'ipë ok nikëxë'ëkaanpën.

1 Pedro 5:13

Ja mëpëjkpëtëjk mëti'ipë jam Babilonyë yajpatëpën, mëti'ipë ja Tios näjyëtu'un të wyinwitsëtën ijxtëm miitsëtyën, yë'ë mtuknikäjxëtëp ja kajpxpo'kxën ets näjyëtu'un mtuknikäxëtë ja kajpxpo'kxën ja nmaankës Marcos.

1 Juan 2:21

Ka'ap yë'ëkyëjxmëty miits nnijäyëtë ko xykyanijawëtë ja tëypyë jaantypë, paaty miits nnijäyëtë ko të xynyijawëtë ets mnija'awëtëp ko ka'ap tii anëëmëtyä'äky tsyoony ma ja tëypyë jaantypën.

1 Juan 3:18

Miitsëty, u'unk maayëty, yaj'ixëtë ja nätsyok näjyawë, këtii je'eyë nëkoo m'ëna'antëty ko ja mmëku'uk xytsyoktë.

2 Juan 1:13

Ja mmëkä'äxës ja y'u'unk y'ëna'k, mëti'ipë Tios të wyinwitsëtën, yë'ë mtuknikäjxëtëp ja kajpxpo'kxën. Jëtu'un y'itëty.

2 Juan 1:5

Mëyajtën mijts yam n'amëtoow npëjktsoowtëp ets nätsyojkëmëty nixim niyam. Ya'atë mëti'ipë yam ntuknija'ayëtëpën, ka'ap yë'ëjëty jemypyë ënä'ämën, yë'ë mëti'ipë tääyëmën.

3 Juan 1:1

Ja mëjja'ay Juan. Tkajpxpo'kxy ja nmëku'uk'ajtëm Gayo, mëti'ipë mëtëy tsojkp ja'apën.